張柏芝

放暑假 張柏芝帶兩仔玩轉環球影城

最新娛聞

廣告

自從同謝霆鋒離婚後,張柏芝經常一個女人帶住兩個仔周圍去,近年忙住北上搵人仔,冇乜時間親子嘅柏芝,趁暑假唔使返學,同兩個仔飛去新加坡玩餐爆!今日有遊客見到柏芝同Lucas、Quintus現身環球影城,柏芝見到粉絲都好nice,逐一打招呼say hi,仲親自揸機同對方自拍!

延伸閱讀︰

懷念癲喪杜如風?ViuTV有得重溫

是旦噏勁高質 林海峰狂爆金句

大熱天時都着黑色外套紅色長裙、孭住個黑色皮手袋嘅柏芝,同工人姐姐、大仔Lucas、細仔Quintus齊齊去新加坡環球影城玩。唔知係咪好多工作要傾,柏芝全程iPhone不離手,仲戴埋earphone,好似好忙喎!

柏芝習慣面對鏡頭,即使俾粉絲包圍要簽名都見怪不怪,之不過只得6歲、着住件迷你兵團tee嘅Quintus,就被人群嚇都喊,不斷跟實媽咪;相反8歲嘅大哥Lucas就淡定哥上身,話之你有幾瘋狂,總之就繼續咬雞髀!

其實去環球影城前,柏芝已經同兩個仔去咗聖淘沙玩水,仲戴住副黃框太陽眼鏡,好鬼sharp!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!