方力申

方力申開游泳學校做校長 親身上陣免費教!

最新娛聞

廣告

好多人都知,方力申未入行之前係游泳健將,仲係代表過香港參加奧運,雖然退咗役咁耐,但至今佢仲有兩項香港紀錄(200米背泳同400米混合泳)未俾人打破到!日前小方就正式喺Facebook宣布,要開游泳學校做校長,而且仲話唔收「學費」免費教!係真唔係呀?

原文:Sunday Kiss|圖片:新傳媒資料室、方力申Facebook專頁

方力申校長:游水係必學求生技能

近年方力申刻意減產,做過飲食、服裝、公關、電影製作等生意,近日終於的起心肝做番「老本行」,開游泳學校喇!由9歲開始正式訓練,15歲第一次打破香港紀錄,20歲代表香港出戰悉尼奧運,仲打破咗兩個至今無人能破嘅港績,小方呢個「飛魚王子」嘅地位,依然好穩陣呀!

小方認為,游水係必學求生技能,所以除咗要訓練有潛質嘅小朋友之外,亦都希望藉此回饋社會,贊助一些弱勢家庭兒童,教佢哋游水!

真係會親身教?

好多人都問小方,「你開學校,係咪會自己落水教先?」小方就話唔止會親身教,仲會免費教!

飛魚王子喎!點解會「免費教」咁筍?因為小方始有好多工作在身,但係游水嘅訓練係好有系統,開始咗就唔停得嘅,所以如果佢教吓又走吓,就冇辦法對學生負責任喇!如果係咁,不如就免費,佢等閒嘅時候就指導吓,過啲料俾學生咁仲好啦!

飛魚王子點鍊成?

爺爺同爸爸都係游泳健將,小方有咁優良嘅遺傳,自然唔會輸蝕啦!

方力申出身自小康之家,細細個就已經無水不歡!

9歲開始喺南華會接受正式訓練,中學仲入咗聖若瑟書院,一間專出泳將嘅傳統名校讀書!呢個四眼Look都幾有書生Feel!

方力申同司徒瑞祈唔止係同校師兄弟,亦都曾經一齊效力港隊架!

方力申而家仲係200米背泳及400米個人混合泳二項香港記錄保持者。

因為有運動員嘅背景,方力申亦都做過奧運主持,游泳項目梗係由佢負責啦!

小方開嘅游泳學校,將命名為 Hong Kong Swimming Academy,課程「RippleFly」,by ATOM Academy,寓意給予同學的教育,會像漣漪般從「一」滴水逐漸蔓延,最後成「瀧」一般地,急流一樣地,一飛沖天。

方力申與女友Maple Yip感情發展迅速?

方力申日前在出席活動時,公開回應自己與邪教性侵受害者Maple Yip的緋聞,不但大方承認戀情,更提及雙方家長⋯⋯詳情請看

方力申女友Maple Yip為何加入了邪教?

Maple Yip曾經在2022年3月現身南韓一個反邪教組織舉行記招,當中她提到於2011年時自己還是高中生,因感覺生活空虛,在銅鑼灣被攝理教教徒⋯⋯詳情請看