方力申 鄧麗欣

方力申出po賀《獨家試愛》 16周年 公開多謝鄧麗欣 Stephy首次有「回應」

最新娛聞

廣告

方力申和前度鄧麗欣合作葉念琛系列電影《獨家試愛》、《十分愛》、《我的最愛》及《紀念日》,鄧麗欣的「阿寶」一角成為經典﹗分手6年,方力申突然出po賀《獨家試愛》16周年,感性撰長字文又公開多謝Stephy,網民緊張追問是否有暗示?

方力申、鄧麗欣定情作《獨家試愛》 拍拖十年分手

方力申和鄧麗欣被塑造成熒幕情侶,2006年宣傳《獨家試愛》時開始交往,成為真情侶,愛情長跑十年,一直玩地下情,為了避傳媒追訪,在港從未試過單獨約會,每次都要助手做遮護,2016年宣布分手,方力申在記者會上喊住證分手﹗

方力申 方力申po咗呢段在戲中挽留鄧麗欣的片段,被網民追問是否有意追返Stephy?
方力申po咗呢段在戲中挽留鄧麗欣的片段,被網民追問是否有意追返Stephy?(圖片來源:IG@alexfongliksun)

方力申po電影對白:我要追番你﹗ 網民:係咪有暗示?

3月23日是《獨家試愛》公映日子,今年剛好16周年,方力申忽然出po兼公開感謝鄧麗欣「從此成為熒幕情侶」,因為一部電影及主題曲《好心好報》「改變了我嘅演藝事業」,方力申更配上電影最後一幕經典場面,片中方力申為挽留鄧麗欣,爆喊求原諒,「我哋有好多過去,我唔想就咁就完…依家我淨係要做一樣嘢就係將你追番嚟…」不過「阿寶」鄧麗欣表現決絕﹗

方力申 方力申話自己喺呢段戲中喊得好似小朋友﹗
方力申話自己喺呢段戲中喊得好似小朋友﹗(圖片來源:IG@alexfongliksun)
方力申 方力申和鄧麗欣當年熒幕前後都是一對情侶,只是一直唔肯公開認愛,二人為電影《紀念日》宣傳﹗
方力申和鄧麗欣當年熒幕前後都是一對情侶,只是一直唔肯公開認愛,二人為電影《紀念日》宣傳﹗(圖片來源:IG@alexfongliksun)

斷聯鄧麗欣首次畀Like

方力申又指《獨家試愛》是葉念琛執導《愛情四部曲》的第一部,是他首次做男主角,所以特別有紀念價值,「一切,都是從這部作品開始。#阿寶 」隨即引起網民追問「係咪有暗示?」、「快啲追番人啦﹗」、「等咗你六年啦﹗」、「出po試水溫?快啲行動啦﹗」、「我淨係聽到你喺片度講『我要追番你』加油啦﹗」,而分手後已斷聯的鄧麗欣,社交網亦沒有follow方力申,竟在方力申出po後畀like,引起網民更激烈的討論:「咁多年嚟第一次畀Like﹗」、「係咪有機?」、「千祈唔好啦,Stephy值得擁有更好﹗」議論紛紛﹗

方力申 方力申出po,Stephy畀like﹗
方力申出po,Stephy畀like﹗(圖片來源:IG@alexfongliksun)
方力申 鄧麗欣同王子分手後再見亦是朋友,在社交網不時互相留言畀like,但同方力申分手後完全斷聯,更從來沒有follow方力由的IG﹗
鄧麗欣同王子分手後再見亦是朋友,在社交網不時互相留言畀like,但同方力申分手後完全斷聯,更從來沒有follow方力申的IG﹗(圖片來源:IG@stboo)
方力申 鄧麗欣雖然沒follow方力申,但有喺呢個po畀like﹗
鄧麗欣雖然沒follow方力申,但有喺方力申呢個po畀like﹗(圖片來源:IG@alexfongliksun)

網民好激動:唔好淨係追,直情求婚啦

方力申
(圖片來源:IG@alexfongliksun)
方力申
(圖片來源:IG@alexfongliksun)
方力申 鄧麗欣都曾緬懷過去,但就表示:「留住回憶,留住青春其實好容易,可以留住本好有青春嘅雜誌﹗」
鄧麗欣都曾緬懷過去,但就表示:「留住回憶,留住青春其實好容易,可以留住本好有青春嘅雜誌﹗」(圖片來源:IG@stboo)

重溫方力申回應網民求翻撻:我無諗過追番佢喎﹗ 網民:唔怪得叫小方

鄧麗欣(Stephy)同王子(邱勝翔)之前結束三年姊弟戀,網民即起哄方力申和鄧麗欣復合﹗方力申曾在訪問中自爆將與Stephy的信物放夾萬,似是對舊情念念不忘。被網民起哄復合,方力申出席活動時,揚言冇打算追番Stephy,更爆被對方unfollow所以大家不是朋友,被網民彈冇風度﹗

被網民起哄復合

方力申同鄧麗欣拍拖十年後分手,情侶形象深入民心,就算分手後不時有復合消息傳出,去年佛誕與Stephy同貼浴佛照片,即傳出復合,更被指是Stephy和王子分手的導火線,傳到似層層﹗

方力申 鄧麗欣 不是朋友
方力申出席活動時直指無意同鄧麗欣翻撻﹗(圖片來源:方力申IG)

方力申自爆係Stephy粉絲但不是朋友

方力申出席活動時被問到網民起哄他跟Stephy復合,方力申話有睇到報道,入行多年一向口齒伶俐的他,竟然自相矛盾,先聲稱第一時間是關心對方,但就強調:「我冇諗過追番佢喎﹗」之後又話對Stephy與王子分手沒有感覺,令人𢱑晒頭:「冇為呢件事去關心佢,其實大家已經沒有聯絡﹗因為佢IG冇follow我,不過我仲有follow佢,所以我係佢粉絲,但唔係好朋友﹗」方力申又指在疫情期間不少人開直播都有翻唱二人的合唱歌,小方話:「見翻唱嘅效果都好好,不排除將來有合作機會﹗」

方力申 鄧麗欣 不是朋友
鄧麗欣宣布同王子分手後,不出惡言更維護對方﹗(圖片來源:鄧麗欣IG)

網民:小家又冇風度

方力申 鄧麗欣 不是朋友
網民留言
方力申 鄧麗欣 不是朋友
網民踩方力申唔夠大方,指Stephy值得擁有更好﹗(圖片來源:鄧麗欣IG)

網民:Stephy都唔會同你小家男人復合啦﹗

方力申指與鄧麗欣不是朋友:我冇諗過追番佢喎﹗ 網民負評:唔怪得叫小方唔係大方

網民:IG都唔follow應該係你問題囉﹗

方力申指與鄧麗欣不是朋友:我冇諗過追番佢喎﹗ 網民負評:唔怪得叫小方唔係大方

鄧麗欣為前度王子護航

鄧麗欣去年宣告分手一周後,突然傳出分手原因是Stephy跟男友接近半年未有見面,雖靠視訊維繫感情,惟有指王子因沒有女友在身邊,經常夜夜笙歌,又跟不少異性約會,更傳出已另結新歡,暗撻造型師,事後王子否認,卻令Stephy感到失去安全感,而婚事未能達成共,讓已37歲的她只好選擇「不婚即分」。

方力申 鄧麗欣今午亦發文護舊愛王子。
王子被爆暗撻髮型師,鄧麗欣即發文護舊愛王子。(圖片來源:鄧麗欣IG)
方力申 鄧麗欣發文撐王子後,幾乎同一時間獲王子回應,不過感覺生疏。
鄧麗欣發文撐王子後,幾乎同一時間獲王子回應,分手後關係未有變差。(圖片來源:鄧麗欣IG)

方力申將Stephy信物鎖夾萬 唔敢睇告別電影《紀念日》

方力申同鄧麗欣(Stephy)拍拖十年屢傳婚訊,最終未能修成正果,分手收場。之前方力申在訪問中透露跟Stephy分手後一直未有拍拖,又爆將前度的情信、紀念日卡、CD等信物統統放入夾萬,揚言自己對愛情忠貞。

近來方力申在不同訪問中,都提及分手四年的舊愛鄧麗欣Stephy﹗
方力申在不同訪問中,都提及舊愛鄧麗欣Stephy﹗

方力申分手四年重提Stephy

方力申和鄧麗欣的愛情四部曲電影,由《獨家試愛》、《十分愛》、《我的最愛》到分手告別作《紀念作》,不但成為不少人集體回憶,也是見證二人的愛情,可惜一片成籤,方力申和Stephy亦宣布結束十年情,由婚訊變分訊,當日方力申滴住淚證分手,四年過去,Stephy同年輕五年的台灣藝人王子(邱勝翊)拍拖兩年,不時隔空放閃,去年爆分手,但方力申卻一直未有展開新戀情﹗

方力申同Stephy分手後,亦曾試過在慈善活動上合體,但男方比女方表現尷尬﹗
方力申同Stephy分手後,亦曾試過在慈善活動上合體,但男方比女方表現尷尬﹗

方力申分手後珍而重之把愛情信物放夾萬

方力申之前在訪問中直認跟Stephy分手後,四年來都無拖拍,雖然早前在訪問中被陳瀅當面篤爆:「你媾過我喎!」不過好明顯都係無米粥,被女派檸居多﹗方力申在一訪問中又把舊愛Stephy掛在嘴唇邊,自爆自己沒有太多貴重物品,放入夾萬的都是私人感情物品,方力申自爆將舊愛的情信、情人節卡、生日卡、聖誕節卡、周年紀念卡以及對方的CD都珍而重之鎖在夾萬中。

Stephy同方力申分手後,跟年輕五年的台灣藝人王子拍拖,至今已兩年多。
Stephy同方力申分手後,跟年輕五年的台灣藝人王子拍拖,不過最後因疫情長期分隔兩地而分手。

鄧麗欣 Stephy有任何回應嗎?

Stephy與方力申分手後從來沒有關注對方IG,對近日方力申發文公開感謝,Stephy竟然分手多年後首次作出回應…詳情請看

方力申與Stephy有機會復合嗎?

Stephy早前與王子分手後,方力申接受傳媒訪問時曾講過無想過追回對方,但近日發文賀電影16週年,卻得到網民的熱烈支持…詳情請看

撰文:東方新地圖片來源:IG@alexfongliksun、IG@stboo