TVB藝人

叻哥都係排第4?網民票選「10大最乞人憎TVB藝人」

最新娛聞

廣告

每個人都會有唔同口味,有時鍾意同討厭嘅嘢都唔一樣。最近有網民搞咗個「我厭惡的十大無綫男女藝人」投票, 大家心入面都有人選吧?睇吓佢哋入唔入圍!

撰文:對白Cap圖王、Cherry@Central|圖片來源:藝人IG,劇照

網民票選「10大最乞人憎TVB藝人」

第10位「暖男」王浩信

王浩信愈來愈紅,憑《不懂撒嬌的女人》「Saving」成新一代暖男。但近幾年佢嘅緋聞冇停過,黃心穎、蔡思貝、江嘉敏都係緋聞女友。依排仲有傳同靚老婆陳自瑤離婚,令佢嘅形象嚴重插水!

第9位巨聲幫林師傑

出自巨聲幫嘅林師傑之前就經常見報,因為佢有過唔少緋聞女友。連舊愛鄧穎芝都暗寸佢多囡囡,所以網民對佢嘅觀感都麻麻哋!

和舊愛鄧穎芝拍拖期間,有傳女方曾當場目擊林師傑同𡃁模Gwen在車內「激戰」,女方即時喊住走人!而林師傑隨後亦有上傳IG同微博借劇集角色名自嘲:「上官飛,你今天又得罪了誰被打了…」!

而最近向拍拖3年的女友歐陽巧瑩求婚成功,今年年尾11月正式註冊,唔知成為人夫後大家對佢又會唔會多番啲好感呢?

第8位拳擊達人崔建邦

崔建邦歷年傳過多次緋聞,上年與林珊珊細女李怡(野人)分手後,最近被傳與52歲的陳雅倫「撻著」。不過最令觀眾討厭的是當年被踏爆打女朋友,網民都成日話佢係賤男,所以多負評係正常嘅。

而最近崔建邦伯樂陳志雲個演嘢《志雲尋志雲》會晚晚重提住佢打女人一事!

第7位無處不在黃翠如

可能翠如BB榜上有名會令大家嚇一跳,到底翠如BB點解有份?!不過有網民話,因為大台谷佢谷得太勁,差唔多套套劇集都見到佢,演技麻麻嘅佢永遠都係一號表情,真係睇到唔想睇!

在2012年投身TVB後,同年7月開始拍攝劇集,透過《師父·明白了》擔正做第一女主角,隨後在《愛我請留言》中再度擔正第一女主角,並獲得「飛躍進步女藝員」獎項,不過網民就對呢個結果唔係幾受落啦!

亦有網民指翠如拍《使徒行者2》僅用咗一個表情拍完成套戲,其實大家都唔係咁討厭翠如BB嘅,如果佢演技再好多啲就perfect啦⋯

第6位 偽毒食女 吳業坤

坤哥俾網民嘅形象係傻吓傻吓,但後來佢被傳背住前緋聞女友Super girl成員Aka識女仔,感情生活好亂。依家好多人都話佢係「扮傻扮被動」「偽毒」

第5位 小三何雁詩

出身自巨聲幫嘅何雁詩喺上年被指,介入鄭俊弘同未婚妻,做小三!之後鄭俊弘與何雁詩突然十指緊扣現身機場,高調承認戀情,令到好多網民都反晒白眼!

第4位 荷蘭叻陳百祥

叻哥經常公開講自己嘅睇法,獲獲都語出驚人。佢寸寸貢嘅口氣都令唔少網民覺得反感!

第3位 今晚_你 李思捷

溝女王嘅李思捷緋聞好多,但佢都仲好有性格咁話:「係人都溝女,唔溝女才是乖仔?我覺得很荒謬,俾女溝又被人罵,溝女又被人罵,不如孤單一個就最乖?我覺得好無聊。」

第2位 兄弟唔幫 林盛斌

主持阿Bob成日都喺電視見到佢,但佢觀眾緣實在唔OK。新一輯《美女廚房》佢都有份㗎,不過好多人都話佢唔好笑要罷睇。

第1位世紀賤男 鄭俊弘

乖乖仔鄭俊弘被爆出搭上何雁詩,封佢為「世紀賤男」。仲有傳佢因為依件事,態度欠佳,令原本佢喺《逆緣》所演角色,最後被陳家樂取代!

唔知大家又對依個「我厭惡的十大無綫男女藝人」投票點睇?

對於漏網之選,好多網民都有意見喎:

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!