朱千雪

教17歲A0女咪嘥Quota 朱千雪:唔好受社會壓力影響!

最新娛聞

廣告

朱千雪同好友岑杏賢一齊主持節目《心理急救室》,以直播形式討論關於兒童及青少年不同的心理健康話題,近日一集就講到一位17歲少女好擔心自己仍然係A0,千雪就好霸氣咁回應⋯⋯

撰文:東方新地|圖片:新傳媒圖片庫、朱千雪IG心理急救室FBTVB YouTube

朱千雪 解釋A0係⋯

喺近日一集《心理急救室》嘅片段中,朱千雪同岑杏賢收到一位觀眾發畀佢哋嘅問題,原來對方係一個17歲準備升中六嘅女仔,話有好多同學開始拍拖,但自己仍然係「A0」,講到呢度岑杏賢唔係好知咩係「A0」,反而千雪BB就好快解釋「A0」即係「Available(單身)但拍拖次數係0」。

Tracy Chu(@tracytschu)分享的貼文 張貼

之後千雪BB話自己唔係好理解亦唔係好認同呢種年輕人嘅心態:「你到第日結婚都係只可以揀一個啫,之前拍過十次拖、廿次拖唔係叻啲囉,你話10A就叻啫,A10唔係叻囉!」

自認老一輩

千雪BB續說:「以前嘅年代啲人係好鍾意啲冇拍過拖嘅女仔,當然可能我哋係老一輩啦!但17歲未拍過拖驚咩呢?有個28歲都係A0嘅都唔驚啦!我成日覺得女仔拍拖嘅quota(配額)唔多,我唔會因為要Experience(拍拖經驗)而去嘥呢樣嘢囉。」

而岑杏賢就解釋:「其實佢講個重點出嚟,佢嘅需要係想有人關心佢同錫佢,如果有兄弟姊妹或者爸爸媽媽,其實都係被愛緊嘅。」

最後千雪BB告誡年輕人:「唔好受社會壓力影響,而覺得呢樣嘢(拍拖)變咗係一個需求。」

想睇千雪BB點樣急救17歲A0女?去片!

朱千雪29+1狂食蛋糕 連日慶祝赲樣盡現!

早前6月28日係朱千雪30歲生日,她於個人社交網大哂連日的慶生相,見到當中有唔少好姊妹同壽星女慶祝生日,包括岑杏賢、湯洛雯及蔣家旻等,更有好姊妹送花畀千雪BB,大家仲不斷食蛋糕以慶祝她29+1的生日。

從其上載的相作估計,千雪BB至少食咗6個蛋糕,又有花形,又有心形蛋糕,真係食唔停!

千雪留言:「I may not have a lot of friends, but the ones I do have are amazing enough to celebrate with me when I least expect it, and some with me even more than once. ❤️🎂 I am a very lucky girl. 😊(可能我並冇太多朋友,但我身邊嘅朋友已經夠晒奇妙,喺我冇預期嘅情況下為我慶生,有啲人仲為我慶祝咗好幾次❤)」

千雪BB唔知係咪讀書辛苦,見到近鏡影個人大頭相時有黑眼圈同眼袋,但整體皮膚都仲keep到。

從千雪BB上載的慶生相中可見,無論圈內圈外,她都人緣極佳!

朱千雪收花冧爆哂姊妹情深

29+1的千雪BB有咁多人同佢慶祝生日已高興不已,仲要收到一大束玫瑰花,即刻甜爆,挨落湯洛雯個膊頭上,而靚湯則指自己與千雪BB切咗三個蛋糕咁多,認真姊妹情深!

朱千雪《EU超時任務》入屋

千雪選港姐後加入無綫,參演過不少劇集,但說到其代表作一定係2016年《EU超時任務》!千雪飾演的Madam Ling凌晨風令人留下深刻印象,與渠頭(王浩信飾) 的一段情更是讓觀眾心酸落淚!

喺當年台慶頒獎禮中,朱千雪同王浩信都憑《EU》成為視后、視帝大熱,不過最終只獲「最受歡迎劇集搭檔獎」,唔少觀眾都好失望!

朱千雪美貌與智慧並重

千雪BB人紅唔囂又夠貼地,發展演藝事業之餘亦是好學不倦!千雪早年畢業於西門菲莎大學商業和傳理系,後來於香港中文大學攻讀企業傳播社會科學系碩士都仲未夠,佢選擇停工一年,再修讀香港城市大學法律博士學位!

朱千雪為人貼地,素顏返學待人絕無架子,據知仲引來唔少狂峰浪蝶,成為Law界女神 !不過佢為讀書犧牲不少私人時間,有時一日要花10至12小時溫習。

「美貌與智慧並重」、「高學歷女神」等,朱千雪當之無愧!

Tracy Chu(@tracytschu)分享的貼文 張貼

Tracy Chu(@tracytschu)分享的貼文 張貼

Tracy Chu(@tracytschu)分享的貼文 張貼

Tracy Chu(@tracytschu)分享的貼文 張貼

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!