朱千雪

朱千雪都有港、日、泰版? 邊個係你至愛

最新娛聞

廣告

朱千雪被譽為「民選港姐冠軍」,出名美貌與智慧並重,受歡迎程度都唔使小編多介紹。咁如果話俾你知原來朱千雪仲有一位泰國版同一位日本版,唔知你會鍾意邊個多啲呢?

撰文:東方新地|圖片:東方新地、Instagram、Facebook、網上圖片

|朱千雪

首先係香港網民至愛的朱千雪!朱千雪為2012年香港小姐季軍,參選時深得網民支持,當年無綫電視首次推行一人一票選出港姐冠軍,但最後網上投票系統伺服器發生問題,三甲依舊按評判評分選出,千雪最終只獲得季軍!而冠、亞軍分別為張名雅、黃心穎。

《EU超時任務》入屋

千雪選港姐後加入無綫,參演過不少劇集,但說到其代表作一定係2016年《EU超時任務》!千雪飾演的Madam Ling凌晨風令人留下深刻印象,與渠頭(王浩信飾) 的一段情更是讓觀眾心酸落淚!

喺當年台慶頒獎禮中,朱千雪同王浩信都憑《EU》成為視后、視帝大熱,不過最終只獲「最受歡迎劇集搭檔獎」,唔少觀眾都好失望!

美貌與智慧並重

美貌與智慧並重的千雪BB人紅唔囂又夠貼地,發展演藝事業之餘亦是好學不倦!千雪早年畢業於西門菲莎大學商業和傳理系,後來於香港中文大學攻讀企業傳播社會科學系碩士都仲未夠,佢選擇停工一年,再修讀香港城市大學法律博士學位!

朱千雪為人貼地,素顏返學待人絕無架子,據知仲引來唔少狂峰浪蝶,成為Law界女神 !不過佢為讀書犧牲不少私人時間,有時一日要花10至12小時溫習。

「美貌與智慧並重」、「高學歷女神」等,朱千雪當之無愧!

「泰國朱千雪」Oomeisaya

被譽為「全泰國最清新女孩 」Oomeisaya,去年在熱爆電影《出貓特攻隊》中飾演「明詩」,為電影第二女主角,片中成績差的Oom不時都係楚楚可憐的樣子,成功打動女主角幫佢出貓。Oom在現實中係校花,電影中同樣出眾,校服造型極清秀甜美,深深吸引觀眾眼球!

《出貓特攻隊》仙氣校花

1996年出生的Oom芳齡22歲,有着濃密的眉毛和深邃的眼眸,眼大大笑容非常甜美,散發陣陣仙氣,略施脂粉已經睇到男士們目不轉睛!2014年時,當時只有15歲的Oom憑出眾的外表被星探發掘,自此從事模特兒工作,目前就讀於藝術學院裝飾藝術科系。

笑容親切甜美

《出貓特攻隊》喺香港大受好評,Oomeisaya亦漸為人認知,唔知幾時開始更被封為「泰國朱千雪」,小編就認為千雪BB同Oom樣貌唔算十分相似,不過同樣有親切甜美的笑容,給人好可愛好舒服的感覺。

港、泰朱千雪同場

Oomeisaya年前來港出席活動,當日佢身穿一襲火紅低胸連身裙,豔光四射,Oom仲要由頭到尾都甜笑不停,難怪現場歡呼不斷,同時閃光燈亦是閃個不停!

當日活動上亦有真‧朱千雪同場,對於Oom被媒體封為「泰國朱千雪」,千雪BB接受訪問時表示反而係自己的榮幸,因為對方好靚!千雪又讚Oom笑容甜美又有禮貌,大家相處得好舒服~

「日版朱千雪」今田美櫻

最後去到日本代表!今年只係21歲的今田美櫻,有「福岡第一美女」之稱,五官標緻、外表清純,身高157cm ,屬典型「嬌滴滴」的甜美系女生。更甚是今田美櫻擁有D Cup驕人身材,可謂天使與魔鬼的混合體!

 

天使與魔鬼混合體

今田美櫻去年起已活躍於電視界,今年在大熱劇《花過天晴~花男Next Season~》更是成功上位, 火速成為男粉絲的新女神!甜美可愛的美櫻亦不吝嗇騷身材,推出水着寫真性感蕩漾,男士們就睇到春心蕩漾!

 

21歲青春無敵

如果同Oom相比,今田美櫻的外貌確係同朱千雪比較相近,某啲角度睇真係似到足,不過美櫻更帶點稚氣,感覺上係個細路女版的千雪?

網民懷疑「執 」過?

今田美櫻集齊圓圓大眼、精緻五官、迫爆D奶三大優點,不過最近有網民就話佢對眼大得嚟有啲奇怪,疑似「開眼頭」,甚至腋下似有神秘疤痕… 呢方面小編就唔清楚啦。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
朱千雪