與朱麗倩結婚十週年 劉德華罕有重提當初隱婚原因
撰文：Sunday Kiss -Kamen | 圖片：instagram | 編輯：東方新地
劉德華罕有重提當初隱婚原因
劉德華早前接受商台節目《雲妮鍾情》訪問，罕有地談及家庭及愛情觀。劉德華透露當初會隱婚是為了保護妻子，表示朱麗倩不習慣面對媒體，還未習慣面對公眾，雖然自己不介意公開，但為尊重太太所以才會隱婚。這時候主持Vani向劉德華表示「我想話你知我好鍾意佢(朱麗倩)」，劉德華冧爆回答「我都係呀」!
面對老婆不會說情話
劉德華在訪問中提到，自己拍劇經常會說情話，但回到家中面對老婆卻一句都講不出來，原本也不知道原因，後來就發現是因為拍過太多愛情片，很習慣聽到愛情故事，才使都自己覺得現實中沒有這個必要。
華仔表示自己非常重視朋友，就算正在和女朋友食飯，如果朋友失戀需要佢陪伴時，佢會選擇立刻陪伴朋友。Vani笑說劉德華老婆應該是世上最無安全感的女人，但劉德華就不同意，還表示要「返去問下先」
大談去年墜馬受傷 臥床要靠護士遞尿壺
劉德華亦大談去年墜馬受傷後入院半年的經歷。當時完全動彈不得，需要用尿壺上廁所，面對護士遞尿壺俾自己，起初非常尷尬。他形容那段日子自己「冇得再扮劉德華」。這件事改變他對很多事的看法，「我只是明白了一件事，會突然有意外影響你的全盤計劃，人生所有準備好的東西都得暫停。」
眾所周知，華仔多年來都是某飲品品牌的代言人，繼前年遠赴泰國拍攝後，去年華仔再次去到當地郊區拍攝廣告，不過就傳出他墮馬受傷的消息。據知華仔正拍攝一場奔馳的動作場面，詎料馬匹突然發狂，令華仔不慎墮馬，更有說華仔遭馬匹踩中腰脊，導致其腰脊受傷骨裂，傷勢嚴重。
有報道引述機場管理局職員表示，華仔乘搭的醫療專機將到港，現場有大批傳媒守候。有指屆時機管局及警方會封閉機場私人停機坪對出的一小段馬路，傳媒只能站在兩旁，讓救護車盡快將華仔送院。希望華仔一切平安，早日康復！
墮馬後首露面 劉德華 復工唔使枴杖
劉華去年現身北京康萊德酒店，為其監製兼主演嘅新片《俠盜聯盟》宣傳一眾演員先介紹自己嘅角色，及後MC話仲有一位演員，即播出華仔金曲〈忘情水〉，場內傳出歡呼聲，華仔在歡呼聲下步出，着住深藍色西裝、暗紅色呔、白色裇衫嘅華仔，冇用枴杖都唔使人扶，邊笑邊拍手上台，華仔喺台上話：「我很好，對不起!過去半年要大家操心，現在我又返回到半年前，仍然可以跟大家說說笑笑，跑跑跳跳。」
舒淇、馮德倫同台
劉華主動帶台上嘅舒淇同馮德倫就坐，然後自己先坐低。喺戲中飾演神偷嘅劉華喺玩遊戲前行到台邊，介紹戲中要偷嘅道具「蓋亞」，再返回座位玩問答遊戲。
比原定早半年康復
今年1月劉華喺泰國拍廣告墮馬造成盆骨多處骨折同筋腱肌肉拉傷，由專機送返港就醫，最初預計要停工休養一年，不過劉華意志力強，依家已經康復仲正式復工。劉華接受訪問表示好享受呢半年養傷生活，但佢亦冇偷懶：「我每天都為自己的明天運動。」對於將來會唔會再拍動作仍是未知之數。其實拍咩都好，只要見到劉華冇事粉絲就最開心喇！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
