李佳芯

李佳芯真係做過秘書:要恃靚行兇!

最新娛聞

廣告

李佳芯早年做狐狸精上位,而最近喺新劇《波士早晨》入面飾演女秘書又入型入格,無他嘅!因為佢真係打過秘書呢份工,有晒經驗咁話喎,佢就話俾大家聽做秘書其實好簡單,都唔使做啲咩,最緊要係「恃靚行兇」!即係點呀?

 

圖片:新傳媒、李佳芯fb

李佳芯 三年前索到爆

無綫新劇《波士早晨》入面一班女秘書當道,係咁多女仔當中,李佳芯 (Ali)無疑係最sharp醒的一個,雖然套劇已經係三年前拍,但其實依家的Ali外表完全無變,35歲都算keep得非常好!

覺得自己皮膚差咗

不過李佳芯就有啲擔心三年前的自己,因為無論個樣定演技上都一定有唔同,好在觀眾feedback都比較正面。Ali又話會諗返點解當時做得唔夠好,但始終當時係用番當時自己覺得啱的情緒去做,加上《波士早晨》係佢第一套咁多戲份的劇,當時仲好青澀!最後Ali就話睇番以前覺得自己皮膚好好,依家差咗!

李佳芯做秘書easy job

講到今次要揣摩一個秘書角色,Ali就定過枱油:因為佢以前都有做過秘書,所以個角色大約都知道點做。Ali表示秘書其實都唔使做啲咩,著得靚靚女女加對高踭鞋行出嚟已經得,尤其是佢呢個角色好著重外表,所以演戲上係好簡單,最緊要係「恃靚行兇」!做秘書就話靠靚可以唔使做啲咩,做演員靠靚只會畀人話係花瓶,Ali有樣有演技,依家行步路都信心十足,演咩角色都冇問題啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!