李家鼎大仔小登科
廣告
李家鼎同前妻施明大仔李泳漢今日迎娶拍拖兩年圈外女友Conny，細佬李泳豪於微博po哥哥去九龍城接新娘相，恭喜恭喜！35歲嘅新郎全日四萬咁口，穿上傳統中式禮服，胸口戴上彩球，十分醒神，而細佬泳豪西裝骨骨撐哥哥，留言：「阿哥準備接新娘。」而日前泳豪陪哥哥試禮服時，搞笑咁叮囑哥哥：「你要乖啦！」
對於大仔成家立室，老爺李家鼎興奮說：「多謝多謝！(做新老爺心情點？)Happy Happy。(有咩寄語一對新人？)暫時諗唔到。(開枝散業？)係啦，哈哈哈。」至於送咩俾新抱，鼎爺笑言：「例牌啦，送一對龍鳳鈪。」
