林作

克服他她它|當林作遇上七仙羽 網民:佢兩個合體好好笑!

最新娛聞

廣告

ViuTV節目《克服他她它》昨日(3月12日)最後一集,搵來近日成為全城話題人物的林作同一向話題多多的七仙羽師傅一齊上節目做壓軸嘉賓,大講「克服網民惡言」的主題,經常語出驚人的七師傅在節目中竟然話自己好了解林作,仲要做埋佢代言人!

文:東方新地|圖:七仙羽FB圖片、ViuTV節目影片截圖及社交網留言截圖

林作:愈插我愈好!

《克服他她它》的節目主持人火火早在另一節目《鬼同妳上位》熟識七仙羽師傅,憑《鬼同妳上位》而在網上爆紅的七師傅,話因為有好多網民畀負評佢,令佢有啲怕咗網民,因此今次火火就要幫助她克服對網民惡評的恐懼!

克服他她它|當林作遇上七仙羽 網民:佢兩個合體好好笑!
七師傅評價網民「負皮」說:「佢哋都冇見過我,根本唔了解我,就咁樣抨撀我,咁樣好似好唔公平!」

火火首先要七師傅讀出網民對佢嘅評論,包括「佢係咪喺譚仔recruit㗎?」、「講好啲廣東話先啦!」、「呢個師傅好X流」等,七師傅開頭唔明白「譚仔員工」呢個Gag嘅意思,火火就解釋:「因為譚仔入面啲人講嘢同你一樣都係口音唔正!」

克服他她它|當林作遇上七仙羽 網民:佢兩個合體好好笑!
七師傅指責網民評論都係不負責任:「可能當時佢係內心唔開心,或者係想鬧就鬧,但佢冇諗過人哋嘅感受囉!」

而節目中最受網民期待的一刻,係林作出場的時候,他今次是作為一個經常面對網民「負皮」的「過來人」,要他「過兩招」給七師傅!林作一到場就揚言:「我就最鍾意人哋插嘅,我覺得愈插我就愈好!」

克服他她它|當林作遇上七仙羽 網民:佢兩個合體好好笑!
林作現身「過兩招」畀七師傅,教佢點樣「克服網民惡言」。

這時七師傅就問林作:「咁我可唔可以都插你?」林作答歡迎、隨便,七師傅就直言:「我覺得網民鬧你嘅嘢有啲係啱嘅!我覺得人應該要真,我都係好真,不過如果你話我好有錢、好巴閉,唔使自己講㗎!」

克服他她它|當林作遇上七仙羽 網民:佢兩個合體好好笑!
七師傅雖然話要「插」林作,但只係講咗兩句,意思係話佢太「曬命」。

出po一定要夠爆

林作就好認真地回應七師傅說:「首先,你對個社交網絡就唔好太認真,如果你要將Social Media當成真實裡面人與人嘅對話,咁就唔係好正確嘅。呢個裡面嘅玩法就係你講嘢要夠爆,如果唔係你唔好出po!所以你喺Social Media講嘅嘢,如果講到好平平淡淡,同你日常待人接物嗰啲一樣,咁就唔好玩Social Media!」

克服他她它|當林作遇上七仙羽 網民:佢兩個合體好好笑!
七師傅在節目最後一集播出前出po,話:「林作都驚咗我!」睇嚟已深得林作「出po內容都一定要夠爆」嘅精粹。

節目組更即場開Live睇網民對林作同七仙羽師傅兩人的「負皮」,其中有網民爆粗直斥林作個髮型「做乜X嘢」,林作就解釋:「生成咁㗎,因為我個頭上面有兩個『轉』(髮旋)!」七師傅隨即指有兩個「轉」的人性格都好任性、好難教。

克服他她它|當林作遇上七仙羽 網民:佢兩個合體好好笑!
好多網民都對林作嘅髮型好有意見,覺得佢點解佢個頭成日咁亂唔梳頭?原來答案只係因為咁簡單。

七師傅又被網民鬧「九唔搭八」,但她表示:「我唔知道『九唔搭八』係咩意思,所以冇嘢好嬲!」林作就讚七師傅:「呢啲先係高手,連攻擊都感受唔到!」

克服他她它|當林作遇上七仙羽 網民:佢兩個合體好好笑!
又有網民問七師傅:「林作會唔會有仔生?」七師傅就答:「佢都唔想生!」

最搞笑係七師傅嘗試解構林作,表示:「佢內心係好孤獨嘅!」火火笑言:「咁每個人都係,我每晚都去看海你又唔知啫!」點知七師傅話:「唔係呀,佢畀人話佢係『譚仔』呀!」火火即反駁:「『譚仔』係話你呀!」

克服他她它|當林作遇上七仙羽 網民:佢兩個合體好好笑!
講講吓七師傅竟然想將「譚仔」呢個網民畀佢嘅稱號套落林作度。

七師傅更自命為林作的代言人,話:「我好了解林作,大家唔了解林作嘅話,問我,我比佢仲了解佢!」講到這句連林作都忍不住開始趴枱狂笑,而七師傅繼續話:「因為由佢自細點樣長大、喺咩環境下長大、內心嘅經歷、情況,我全部都了解!」

克服他她它|當林作遇上七仙羽 網民:佢兩個合體好好笑!
七師傅話佢好了解林作,但並冇詳細講到佢了解咗嘅內容。
克服他她它|當林作遇上七仙羽 網民:佢兩個合體好好笑!
林作畀七師傅講到狂笑。

七仙羽對林作講:師傅愛你!

最後火火以「不打不相識」形容這次林作和七師傅的相遇,更搞笑說:「我Feel到可能會有個女人離婚同個『四眼仔』一齊,有個『譚仔』可能會鍾意咗個『四眼仔』,亦都可能有個『四眼仔』會拋棄個有少少日本血統嘅女朋友,同個著粉紅色套裝嘅美人一齊!」

克服他她它|當林作遇上七仙羽 網民:佢兩個合體好好笑!
七師傅臨別向林作送上抱抱,仲話:「師傅愛你!」

事後七師傅話林作教識佢網民係有九成讚佢,剩低一成鬧佢嘅都係「打手」嚟,所以唔需要介意!事實上好多網民都好支持七師傅:

克服他她它|當林作遇上七仙羽 網民:佢兩個合體好好笑!
有網民話林作同七師傅係天作之合!
讚佢兩個合體好好笑!
讚佢兩個合體好好笑!
克服他她它|當林作遇上七仙羽 網民:佢兩個合體好好笑!
話睇完即刻愛上七師傅!
克服他她它|當林作遇上七仙羽 網民:佢兩個合體好好笑!
讚七師傅真係好有娛樂性。
克服他她它|當林作遇上七仙羽 網民:佢兩個合體好好笑!
仲叫林作打拳時搵七師傅加持一下!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!