木偶哥結婚了！林師傑 歐陽巧瑩 晒鬼馬婚照
廣告
30歲「木偶哥」林師傑與未婚妻26歲《3日2夜》「咪神」歐陽巧瑩 (Tammy) 昨日22日拉埋天窗啦！兩人早前大影鬼馬婚紗相，互動間非常甜蜜、煙韌！
甜蜜又鬼馬婚紗相
今日的係林師傑與的大喜日子，為呢一日早前影咗好多prewedding相，而Tammy係相中，完美展現「咪神」body，兩人係相玩得非常開心，笑得好甜蜜。
10名兄弟團接新娘
一行10人兄弟團著住粉紅色西裝接新娘，完美切合木偶哥鬼馬活潑氣質，當中包括周志康、翟威廉、羅天宇、張明偉、麥秋成、楊潮凱以及譚俊彥等。
親手造曲奇送比未能邀請嘅朋友
今日林師傑與歐陽巧瑩晚上係尖沙嘴某酒店筵開30多圍囍宴，為此佢地都做咗唔少準備功夫。原來佢地有心邀請接近百位好友，但場地有限，就親手造咗數百件曲奇送比未能邀請嘅朋友。Tammy留言「這是我們的婚餅，一共300塊。足足整左六個鐘。第一次整曲奇黎講～算係咁啦」
作歌冧老婆
一和向玩開音樂嘅林師傑，為老婆寫咗《美麗的你》同《So in Love》兩首歌係婚禮上，自彈自唱，用歌寄情，真係好sweet啊！
「木偶哥」林師傑一句「歐陽巧瑩入咗我生命！」，就宣布封盤做人夫，年底佢跟35D索女友歐陽巧瑩(Tammy)結婚，能夠令一個浪子收心養性，歐陽巧瑩當然有其過人之處，早前Tammy大晒其性感泳衣照，真係so hot⋯⋯
歐陽巧瑩份人真係好豪邁，早前佢唔戴bra影咗張相，原來佢話要撐「世界無胸罩日」，Tammy話：「 今日係「世界無胸罩日」(No Bra Day)，我希望香港人可以多啲了解呢件事！解開胸前嘅束縛，防治乳癌！」
歐陽巧瑩之前曾經同陳蕊蕊遠赴帛琉拍攝的節目《3日2夜》，歐陽巧瑩喺節目中著上多套三點式泳衣，大晒火辣身材！
歐陽巧瑩同陳蕊蕊仲一齊去到當地著名嘅景點牛奶湖，將據講有美容功效嘅湖底火山泥搽上身。
不過搽完泥漿浴，歐陽巧瑩就慘被貌似袁偉豪嘅型男導遊Cooper成個抱起掟落水沖身，真係唔識憐香惜玉！
