林敏驄

林敏驄停操4個月悶到癲 開波瘋狂P圖 回春激似黃宗澤

最新娛聞

廣告

受疫情影響球場幾度被封,一眾波牛要暫時掛靴,早前球場終於解封,明星足球隊極速復操,61歲的林敏驄4個月冇波踢又冇見人,悶到發慌,去到球場復操狂玩自拍,之後仲P圖令自己回春變小鮮肉,大玩瘦身美顏效果,不停轉髮型,自娛一樣咁開心。

撰文:東方新地 圖片:林敏驄fb圖片、陳伶俐IG圖片

林敏驄
日前復操,林敏驄話自己冇踢4個月波,上載了在球場的自拍照上fb,冇見一排,竟然連樣都變埋。
林敏驄
大合照冇得P圖,林敏驄打回原形。

林敏驄瘋狂自拍

林敏驄是玩得之人,平時鍾意整蠱人,今次P圖自娛開玩笑,一樣令人睇得開心。日前球場解封,明星足球隊即吹雞復操,校長譚詠麟、林敏驄、關禮傑、衛志豪、陳國峰、莫家淦等人即時歸隊,當中林敏驄在波地瘋狂開心玩自拍,又拉住好友不停合照。

林敏驄
林敏驄P完圖變成小鮮肉,冇P圖的關禮傑依然keep得到。
林敏驄
林敏驄玩變髮同徐榮等人合照。
林敏驄
同班兄弟自拍,林敏驄嘟晒咀,甚有小鮮肉feel。

林敏驄自私P圖

之後林敏驄用了修圖軟件,把自己的照片全部大執,皮膚變得白皙滑溜、臉型亦瘦削不少,就連身形亦被拉長,成功修身。不過林敏驄只P自己的圖,合照內的朋友全部都以真樣示人,林敏驄玩得興起,仲為自己換髮型及留鬍鬚,搞到形象百變非常好笑。

林敏驄
林敏驄叫大家幫佢揀邊個造型好啲!
林敏驄
這個P圖後的林敏驄變了花美男,仲有幾分似黃宗澤!
林敏驄
雖然髮型唔一樣,但林敏驄原來大執完個樣可以變黃宗澤。
林敏驄
林敏驄被網民指違反商品說明條例,佢就反駁是進化卵,又搞GAG!

林敏驄帥過兩個仔

靠P圖回春變小鮮肉的林敏驄看來非常滿足,仲玩上癮,連日都更新不同造型的P圖。林敏驄大執完個樣被指同小鮮肉偶像有得fight,顏值仲俊俏過佢兩個十八廿二的囝囝!

林敏驄
林敏驄靠P圖回春成功,沾沾自喜。
林倏驄
林敏驄前妻陳俐伶不時上載與林敏驄所生的兩個兒子的合照上社交網,大仔林肯(中)今年已22歲,細仔亦17歲,兩個都唔夠P圖後的林敏驄靚仔。

林敏驄的小朋友對於父母離婚有什麼行動?

在父母離異後,跟隨母親陳伶俐生活的他,曾經主動鼓勵母親主動去…詳見:林敏驄大仔遺傳爸爸好基因

陳伶俐改嫁新加坡富豪後,居山頂億半豪宅?

陳伶俐婚後搬入夫家位於山頂富豪級地段的布力徑獨立屋,屋內面積達三千呎、全海景花園超過千呎,以市值計算,物業價值超過億半。點擊即睇:豪宅室內圖