林曉峰

同兩個仔攬頭攬頸好Friend!林曉峰 14歲大仔高過老竇

最新娛聞

廣告

睇住林曉峰、康子妮拍拖結婚到生仔,眨吓眼大仔13歲,一家四口行出街,原來兩個仔已經牛高馬大,仲高過爸爸!幾時都話香港地行街買嘢夠晒集中,日前撞到兩公婆帶住兩個仔family day,買衫買鞋睇日用品又食埋飯,由朝到晚,親身示範真係一個地方就可以搞掂晒。

撰文:東方新地 |圖片:新傳媒圖片

林曉峰 囝囝高過老竇

話說14年前淡出幕前,唔講唔知,原來康子妮生活絕對唔止相夫教子咁簡單,做埋伊健和音同「友情歲月演唱會」御用樂手、編鋼琴譜做音樂比賽評判、又幫學校編寫校歌拍埋MV、近年又撈埋網購仲密謀緊推出女子唱作組合,絕對真人不露相。

不過佢話最自滿嗰樣唔係個人音樂事業,都係教得兩個仔乖巧有禮人見人讚喎。睇落林寶林熙咁大個仔仲黐住爸爸媽媽行街、全程聽話聽教同林曉峰又攬頭攬頸玩到朋友一樣,就睇得出媽媽教得好、朋友亦都冇讚錯!

3. 行到精品店,康子妮見到首飾店忍唔住駐足睇多兩眼。
4. 隨時留意住老婆喜好同所需,林曉峰𥄫到老婆睇實廚窗,立即加入埋一齊睇又畀吓意見,睇嚟有衝動買吓神物氹吓老婆。

林寶、林熙年紀只差一年、讀埋同一間國際學校、放假就喺教會夾band一個做主音一個彈結他參加崇拜,自然感情好無所不談。

行完商場、醫完肚,再由林曉峰帶隊去附近樓上鋪買新鞋畀一對寶貝仔。

26歲已經結婚做媽媽、十多年來又一直有自己事業唔會脫節,所以41歲康子妮依然省鏡又keep得好。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!