林泳淘自爆曾被非禮 事件與鄧以婷有關！
撰文：東方新地｜圖片：新傳媒圖片庫、林泳淘Instagram、TVB電視截圖、TVB授權使用
林泳淘、鄧以婷出席動漫展活動
日前，林泳淘（Wingto）與鄧以婷（Irina）出席動漫展活動的「COSPLAY大賽頒獎禮」，二人談及之前在節目《3日2夜》中大鬥索爆身材，令不少網友留下深刻印像，而且極之希望二人再拍旅遊節目，而二人對此表示一直都有度期拍攝，相信於不久的日子就可以見到二人再次出現於節目中！
至於問到她們會否一齊拍攝，Wingto則表示有得一齊拍就開心，但就唔擔心鬥晒身材的問題，她認為二人都應該會互相輸畀對方，皆因各有優點，例如Irina皮膚比較白滑，而她自己就比較陽光。
林泳淘自爆被非禮
另外 ，Irina直言想非禮對方，林泳淘笑指自從被Irina非禮後，就有很多女同事都想效法非禮她！
林泳淘Cosplay動漫角色
當問到二人鍾唔鍾意動漫，林泳淘就指自己喜歡睇漫畫，鄧以婷就話都曾經有扮過Cosplay角色。
至於有冇Cosplay過動漫角色，Wingto話：「以前冇諗過，但係近年就做動漫大使，今年就Cosplay大喬！」唔少網友睇到WingtoCosplay的大喬都紛紛留言大讚她好靚！
《3日2夜》二人攞正牌騷索爆身材
之前，Irina拍攝《3日2夜》就去到鳥取有八百多年歷史、著名的三朝溫泉浸溫泉，Irina毫不吝嗇，在節目上大show好身材！
林泳淘就為拍《3日2夜》而去到澳洲天際泳池，攞正牌著住比堅尼大騷火辣身材，觀眾們就大飽眼福，靚人靚景影入眼簾！
林泳淘著貼身背心做採訪
近日，內地有醫藥公司因被揭生產記錄造假，被責令停止生產瘋狗症疫苗，另外亦有生產的「百日咳、白喉、破傷風三合一疫苗」檢驗結果不合格，事件引起大眾廣泛關注。於是，《東張西望》就派出其中一位主持林泳淘，探討黑心疫苗問題。
不過節目播出後，唔少人的討論都落咗喺林泳淘身上，皆因佢著上一件貼身黑色入膊背心，令其驕人的上圍呼之欲出，有網民指喺電視上睇林泳淘，就覺得其豐滿的上圍簡直就快要將背心撐爆！
其後，林泳淘亦有於個人社交網po出自己採訪當日的相片，見到佢件貼身背心，的確完全將其好身材表露無遺！
林泳淘最愛著貼身上衣
事實上，林泳淘久唔久就會著上貼身上衣出席活動或主持採訪，最經典都係曾於八號風球下去公園採訪一班「小精靈訓練員」，佢喺狂風下著上白色緊身背心，勁吸睛！
當日正懸掛八號風球，不過都無阻一班訓練員冒着強風落街捉小精靈，林泳淘當然要上前問個究竟。但唔少觀眾同小編一樣，耳朵完全聽唔到對話內容，對眼只係望住林泳淘！
無計啦，林泳淘着住件白色緊身小背心，將其32D身材表露無遺，雖然睇唔到事業線，不過就有種逼爆的感覺，好洶湧！呢班哥哥仔雖然冒着八號風球，不過可以近距離欣賞到另一種「球」，抵番晒啦！
當日事後，林泳淘指採訪時本來着裙，但因為打風怕有危險，所以加穿公司長風褸同改穿牛仔褲。之後又突然要去採訪訓練員，喺街做到身水身汗，所以先迫於無奈除剩件打底衫。佢仲話自己之前都着過，可能今次打風所以特別多人留意！
12年選港姐出身
大家會唔會諗緊呢位索女喺邊度出嚟呢？其實林泳淘於2012年曾參選港姐，睇番該屆的確係索女如雲，除了三甲張名雅、黃心穎及朱千雪，仲有湯洛雯、岑杏賢及陳潔玲等，難怪佢未能突圍而出！
有好身材就唔怕露，Wingto在《三日兩夜》、《超強選擇1分鐘》等節目中都以三點式上陣，大騷逼爆上圍，睇到你窒息！
雖然上節目就好噴血，但平時佢出外訪問都唔係着得特別性感，事業線頭都見唔到，不過衣服剪裁夠晒貼身，令其32D上圍加22吋小蠻腰相當突出，有非常立體的視覺效果！
上《公子會》自爆 林泳淘拍拖11年？
早前林泳淘上商台節目《公子會》任嘉賓，談到《3日2夜》的泳衣鏡頭，林泳淘覺得自己著三點式泳衣時感到好害羞，又話男朋友也沒見過自己著三點式！但男朋友沒有呷醋，反而安慰、鼓勵佢。
眾人先問林泳淘有沒有拍拖，起初佢唔回答，但森美再追問之下終於承認！更淡淡道出已經拍了十一年，而且是初戀男友！三位男主持立刻嘩一聲，不知Fans、聽眾們有沒有心碎呢？
林泳淘就解釋當年是女追男、「倒追」這位男朋友，兩人在學生年代的聖誕倒數聚會認識。男朋友是內向、怕女生的性格，而林泳淘就覺得他很可愛、很特別，就開始撩他說話，立刻被火火笑她是「蜘蛛精」！
林泳淘與男朋友曖昧一年多，更吵了一次架，然後對方著緊地哄回她，再借此表白，拍拖至今。林泳淘坦言多年來有不少追求者，但也一一放棄了。
林泳淘略略提及在拍拖初期時，男朋友與一位女同事有親近接觸，當時的她非常傷心。但主持問到為何仍有十一年的感情，林泳淘就說男朋友包容她的脾氣，反而冷靜地教導她如何面對。
由中學生到踏出社會工作，林泳淘更投身娛樂圈。在節目中，感受到林泳淘想保護這段戀情，Fans心碎之餘最好就多留點空間給他們吧！
精選內容：
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
