林芊妤

林芊妤陀住BB玩跑步機 大騷小蠻腰兼驕人事業線

最新娛聞

廣告

藝人林芊妤(Coffee)佗住四個幾月B仔,一直都未見肚。佢唔講,都冇人知佢真係有咗BB,皆因佢即使大住肚,但仍繼續大玩高難度瑜伽。最近,Coffee就去咗旅行同肚中BB齊齊歎世界,不過佢竟然仲走去健身室玩跑步機,咁勤力健身,呢位媽咪真係無得頂呀!

撰文:東方新地|圖片:林芊妤instagarm

林芊妤陀住BB玩跑步機

近日,陀B四個幾月的Coffee就去咗旅行,並於個人社交網上載多段短片,其中一段片中,見佢喺跑步機上慢行,而未有快跑。

但Coffee全副「武裝」上陣,面帶笑容嘅佢着住一身運動裝,大晒驕人事業線,兼露出一大截小蠻腰!

身材弗爆嘅Coffee繼續唔見肚。

林芊妤大騷纖腰

而另一段短片中,Coffee就話自己着到以前着唔落嘅短褲,其後更拉起上衣大晒肚皮,但仍見腹肌依舊存在!

雖然話著得番以前著唔落嘅短褲,但望住Coffee又唔覺佢身形有任何變化。

林芊妤大哂幸福

2016年時公開與圈外男友翟志榮(Weng)的戀情,兩人拍拖以來一直感情穩定,雖然準老公一直未有露面,但早前Coffee就上載咗張二人甜蜜pre-wedding嘅相,仲留言話:「真實的生活其實很平淡,遇到能令你每天笑著過的人,就要好好珍惜眼前人。」

林芊妤手戴婚戒

其後,佢更分享咗張手戴鑽戒嘅相片喺個人社交網上,大哂即將做人妻嘅期待同幸福感,唔知張相係咪出自準老公之手呢?

林芊妤胎教影響強勁

早前,Coffee喺個人社交網上載咗張BB超聲波相,可能媽咪胎教太有效,令到bb喺媽咪肚入面都識得做瑜伽!喺相中見到,就算bb而家只得4個幾月大,但就已經腳仔長長,仲要做出一個類似「打關斗」嘅姿勢,真係遺傳哂媽咪熱愛做瑜伽嘅基因!

林芊妤陀B仔

Coffee之前接受傳媒訪問,表示今次雖然係意外懷孕,不過佢自己同準老公都好開心,雙方家人都好高興。Coffee預產期為11月,而且已經知道BB係男仔,不過佢就話自己鍾意女仔多啲!

大肚教瑜伽

Coffee一向喺社交網站十分活躍,經常上載靚相大晒弗爆身材,之前佢戴住口罩自拍,表示病咗仍繼續教瑜伽班,難怪bb都一樣咁勤力,而家喺肚都會同媽咪一齊做瑜伽。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!