大食女優桃乃木香奈 嚟香港第一時間食呢啲？
廣告
日本女優桃乃木香奈(桃乃木かな) 樣靚身材正，此嬌小玲瓏的美少女迷倒萬千男士，不過佢就出晒名鍾意食嘢，去到邊度都必須要食，好西乜乜乜。而最近桃乃木原來嚟咗香港，嚟到美食天堂，大家又估唔估到桃乃木post的第一張食物相係咩？可能你行過會撞到佢呀！
撰文：東方新地｜圖片：Instagram、Twitter
桃乃木香奈 嚟香港第一時間食呢啲？
現年21歲的桃乃木香奈為人氣日本女優，不過小編就冇留意佢演出方面的事宜，講番佢最近原來嚟咗香港旅行(應唔係拍嘢啩？) 出名愛吃的桃乃木第一時間竟然係post咗張去7仔食嘢相！食咗燒賣同司華力腸各一兜。唔通好似香港人去日本便利店超興奮一樣，桃乃木又覺得香港七仔啲嘢好食啲呢？
前傳：桃乃木「戴套」食肉包
桃乃木之前曾上載咗幾張相片，相片中見到佢喺新幹線大快朵頤食肉包，不過就用個大透明膠袋套住自己！佢就留言表示，自己忍唔住口想食呢個馳名「551蓬莱豬肉包」，但又怕氣味影響其他乘客，所以出此下策！
為咗食肉包，究竟可以去到咁盡！唔少網民都稱讚桃乃木可愛又貼心，不過有人懷疑呢個方法係咪可有效減少氣味四溢，仲擔心桃乃木會唔會抖唔到氣呢！
贏過三上悠亞
桃乃木香奈係何許人也？小編對呢方面的女演員唔太熟悉，不過有個老朋友話佢今年21歲，身型嬌小只有153cm，但就擁有F Cup上圍，名副其實天使臉孔魔鬼身材，喺日本有極高人氣！桃乃木去年於《成人廣播獎》中勇奪「新人女優賞」，到底有幾巴閉呢？就係桃乃木係打敗現時無人不曉的三上悠亞攞呢個獎㗎！
估唔到三上悠亞都輸過俾桃乃木！
唔知大家鍾意邊個多啲呢？
出晒名大胃王
小編就唔知桃乃木啲作品如何啦，不過佢其實係AV界出晒名的大胃王，超級為食，經常都會喺社交平台上載美食照，次次都係幾個便當、幾碗拉麵、幾碗牛肉飯咁食！見到桃乃木大大啖食嘢的可愛樣，網民都高呼好想餵飽佢！
