梁靖琪35歲失婚趕生B 拖大隻新歡斷正
廣告
七魔女成員個個嫁晒做埋媽媽，除咗佘詩曼依然單身，其實仲有失婚後未有著落的梁靖琪。阿佘話搵到合適隨時閃婚，而一向鍾意小朋友、心急做媽媽的Toby更揚言四十歲前未搵到Mr.Right就飛去美國借種生仔！原來靜雞雞，Toby先行超前阿佘！日前被本刊斷正Toby拖大隻紋身新仔遊銅鑼灣，泊低車手拖手甜到漏行去搭𨋢，不過上到商場就自動分開前後腳入戲院。經歷過失婚，為免戀情曝光影響再做人妻之進度，不惜擘大眼講大話，死口唔認有拖拍。
撰文：東方新地｜圖片：新傳媒圖片庫
梁靖琪 唔認有拖拍
14年同有米老公黃敏豪結婚半年即告閃離，四年來Toby專心工作、醉心健身，雖然身邊不時有大隻異性團團轉，不過次次唔係健身教練就係老友，全屬美麗誤會。上次閃婚同吳卓羲玩得埋再閃離，搞到滿城風雨，經此一役Toby次次對於感情事都絕口不提，一改以往作風，話要低調處理。果然講到又做到，近日大隻新歡出現，即使被影到手拖手，繼續唔肯認。
借種生B
離過婚近日蜜運的Toby一直恨做媽媽。據知情者透露：「Toby一直想再婚生B，每次見到好姊妹啲細路同姨甥仔，都好開心爭住湊佢哋，佢成日都話，想快啲生BB，仲話如果40歲嫁唔出，會去美國借種生B。」
拖實紋身男友
滯留內地拍攝爸爸梁家樹有份監製的網劇《蝕日風暴》足足四個月，近日終於煞科回港，Toby嗱嗱聲去銅鑼灣見新歡。近年愛上健身更籌備緊健身室生意，Toby新歡亦都十足健身教練咁款，大隻靚仔仲有一身威猛紋身。當日她將座駕交畀男友駕駛，二人在時代廣場停車場泊好車後，十指緊扣從車場行到升降機大堂。不過唔甜蜜得幾耐，一上地面即彈開十呎遠，由Toby買飛準備睇七點半。
鬼崇彈開
遇見記者問感情狀況，Toby見男友不在身邊以為戀情未曝光繼續撐：「冇呀，冇拖拍呀！啱啱喺內地拍完劇返香港，諗住睇場戲，最近都係忙緊幕後嘢，會搞GYM Room，又會搞吓健康餐咁，多謝你哋關心先！感情嘢我一向少講，順其自然啦，總之依家係開心嘅！」
延伸閱讀：
鋼管舞女神貝依霖 有舖露股癮
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
關鍵詞
梁靖琪
