森美旅行團2

【森美旅行團2】森美扮舞伎嚇親人 網民:以為係人妖嚟!

最新娛聞

廣告

《森美旅行團2》昨晚播到第三集,繼續由森美帶領麥美恩(Mayanne)、丁子朗吳若希,喺日本京都吃喝玩樂,今集森美仲扮舞伎周圍搵人影相,不過化到白雪雪嘅森美,副尊容真係嚇親人囉!

原文:環球膠報|圖片:《森美旅行團2》截圖

【森美旅行團2】森美扮舞伎嚇親人

《森美旅行團2》來到第三集,今集森美、Mayanne、丁子朗同吳若希分別化身舞伎、花魁、武士同車伕。佢哋分成兩隊battle,同當地市民及遊客影相。

扮舞伎嘅森美就同Mayanne一組,森美扮得女人,另一個就當然扮男人啦。Mayanne自稱「麥丸子十小辣」,森美就搞笑咁話:「我哋就係大檸樂唔少甜」,真係九唔搭八嘅!

跟住佢哋就開始比賽,森美同Mayanne見到人就衝埋去,十足十怪物咁,想嚇死人咩?影咗兩張相之後佢哋又追住兩個囡囡,不過嚇到人哋愈叫愈走,搞到森美都忍唔住話:「走喎,佢哋走得幾快,九秒九咁走」。

另一方面,吳若希同丁子朗就簡單得多,搵到唔少人同佢哋合照!

Mayanne即刻寸森美:「係你個樣嘅問題」,森美反擊:「唔係你個樣有問題?」。咁又唔怪得人嘅,森美化到白雪雪,紅唇烈炎,不過又男人咁嘅老牛聲,唔講仲以為佢係人妖嚟!俾着小編都一樣嚇到走夾唔抖!

吳若希同丁子朗最後成功影咗13張相,臨尾Mayanne仲要寸多句:「咁我個樣都算正常,都似一個男人,但係叔叔(森美)笑起棚牙上嚟,係有啲嘔心,原來佢棚牙真係咁黃。」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!