椋名凜

噴血地獄廚神椋名凜 變靚爆人妻廚藝大進

最新娛聞

廣告

講到《美女廚房》經典場面,當然要提日本模特兒椋名凜炮製的「臭豆辣椒蝦」及「喇沙米粉」,臭到一眾主持人戴著口罩試食,食完仲要狂嘔!事隔多年鄭中基(Ronald)在自己的 Youtube頻道上載一條名為「多年後我要同椋名凜道歉」的影片,至於椋名凜如今已經係五個小朋友的媽媽,而且入得廚房出得廳堂,廚藝大進喎!

撰文:東方新地|圖片:新傳媒、Instagram、電視截圖

那些年「地獄廚神」椋名凜

新一輯《美女廚房》節目口碑麻麻,網民念念不忘經典重溫,講到經典場面,當然要提日本模特兒椋名凜的一集!節目中椋名凜著住件心口穿窿圍裙雖然吸睛,但廚藝實在不敢恭維,佢炮製的臭豆辣椒蝦及喇沙米粉,臭到鄭中基為首一眾主持人戴著口罩試食,食完仲要狂嘔!

都係大師林敏聰夠膽色,走埋去拎起兜「美食」,之後又逼椋名凜自己食番!

靚女都唔係大晒㗎!煮到咁叫人點食…

「好假的肥仔」食到跑走

當年節目有邀請觀眾試食環節,有個「好假的肥仔」慘被抽中,喺林敏聰脅持下試食,結果食完即刻跑離錄影現場!

重溫椋名凜噴血經典

1979年出生的椋名凜現年38歲,早年曾獲封「日版Paris Hilton」,多年前膽粗粗隻身來港發展,身為日本索女本身已經加晒分,椋名凜更擁有迫爆火辣身材,肯搏肯露,走性感路線殺出一片天!依家一齊重溫經典噴血照~

性感女神變幸福人妻

講番女主角先,椋名凜早年喺香港發展得相當順利,成為街知巷聞的性感女神,2010年夏更加推出噴血寫真集,但同年年尾卻突然消失,原來係因為回國奉子成婚!椋名凜於2011年11月下嫁職業車手高村直樹,2013年時曾接受本刊訪問,當時仲帶埋2歲大仔哉衣及7個月次女香里奈~

一家七口樂悠悠

椋名凜婚後做個幸福人妻,專心相夫教子,依家仲有成5個小朋友咁多!睇番椋名凜的近照,佢似乎都keep得幾好,更比以前多了一份成熟和賢淑,典型的日本靚太~

真正「美女廚神」

更重要的是,那些年的地獄廚神,現時廚藝大進,見到佢不時喺IG上載精心炮製給孩子的便當照片,望落款式多、賣相精美,而且多菜少肉,小朋友們真有口福!椋名凜回覆傳媒時,表示生小朋友後一直努力鑽研廚藝,現時煮得一手好菜。睇嚟佢已經成為真真正正的「美女廚神」啦!

繼續重溫椋名凜噴血經典

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!