楊千嬅

楊千嬅請汪明荃上節目炒蝦拆蟹 落足鞋油送名牌冧阿姐

最新娛聞

廣告

楊千嬅最近在YouTube開設新頻道,邀請嘉賓上來品嚐兼吹水,日前請來汪明荃任節目嘉賓,楊千嬅為阿姐炮製了粉絲海鮮煲,大家邊炒蝦拆蟹邊傾談人生大道理,緊貼潮流的阿姐都話打鐵趁熱開個「阿姐會客室」,楊千嬅話到時一定會做嘉賓﹗

文:東方新地 | 圖:楊千嬅MY LIVE TV頻道提供

楊千嬅最近在網上開設頻道,每集請來不同嘉賓上來傾吓偈,呢集請來汪明荃。
楊千嬅最近在網上開設頻道,每集請來不同嘉賓上來傾吓偈,呢集請來汪明荃。

楊千嬅為汪明荃下廚

楊千嬅留家抗疫期間變疫境廚神,不時在社交網分享其烹飪成果,近日索性將煮食過程大公開,在YouTube開設新頻道「楊千嬅MY LIVE TV」,自家製節目『千言.慢煮』每集邀請不同嘉賓上來邊煮邊食邊傾,最近一集請來分量級人馬汪明荃,請阿姐分享人生經驗﹗

楊千嬅留家抗疫化身廚神,近日在網上開設頻道表現煮技,並請來不同嘉賓,入廚年資尚淺的千嬅,在節目中煮得有板有眼,被阿姐大讚﹗
楊千嬅留家抗疫化身廚神,近日在網上開設頻道表現煮技,並請來不同嘉賓,入廚年資尚淺的千嬅,在節目中煮得有板有眼,被阿姐大讚﹗

楊千嬅靠入廚減壓

楊千嬅今集主題圍繞壓力,她指無論工作及生活都會帶來壓力,而煮食可以令她減壓,而阿姐直言入行58年,一直承受住不少壓力,不過卻是推動她的動力,故終身學習以保持最佳作戰狀態,希望能做足一百分,阿姐話:「要對自己有信心,可能好多人做得好過自己,但係要做一個可以代表自己嘅嘢,呢個就係Liza姐亦即是汪明荃﹗」楊千嬅不停大讚阿姐好勁,做事有啟發性,阿姐予以鼓勵:「你都得㗎,你都有個勇字。」而楊千嬅就覺得人生太短,唔應該將時間心力花在壓力上,阿姐大表認同﹗

楊千嬅同汪阿姐抄蝦拆蟹好開心,食得好滋味。
楊千嬅同汪阿姐抄蝦拆蟹好開心,食得好滋味。

楊千嬅擦阿姐鞋:「你開一個電視台出嚟都得啦﹗」

楊千嬅為阿姐炮製粉絲蝦蟹煲,兩個食得好滋味,汪阿姐話正構思在YouTube開頻道,阿姐話:「我都想整個頻道,呢啲公開頻道最好,唔會話邊個台唔方便,叫阿姐會客室,唔知有冇人睇﹗」楊千嬅即落足嘴頭:「梗係得啦,你開一個大台出嚟,一個電視台都得呀,依家興煮嘢食,你又煮啦﹗」熱愛玩社交網絡的阿姐卻嫌棄:「唔煮啦,依家太多人煮﹗」阿姐一出手,打敗班後輩就唔好啦﹗

汪阿姐話想係網上開頻道,楊千嬅立即舉手支持。
汪阿姐話想係網上開頻道,楊千嬅立即舉手支持。
楊千嬅為答謝汪明荃上自己的節目任嘉賓,特意送上名牌衫及耳環,阿姐出po大讚千嬅有佢心。
楊千嬅為答謝汪明荃上自己的節目任嘉賓,特意送上名牌衫及耳環,阿姐出po大讚千嬅有佢心。
阿姐話想開個頻道叫「阿姐會客室」,仲話到時請番千嬅做嘉賓。
阿姐話想開個頻道叫「阿姐會客室」,仲話到時請番千嬅做嘉賓。
楊千嬅為阿姐準備炒蟹,大家喺鏡頭前食得好滋味。
楊千嬅為阿姐準備炒蟹,大家喺鏡頭前食得好滋味。