楊明

楊明撐女友莊思明言論反被網民鬧 馮盈盈「港姐公廁論」的錯?

最新娛聞

廣告

最近,馮盈盈喺節目中發表「港姐公廁論」,結果引嚟圈外圈內人不斷熱議!其中,2010年港姐季軍莊思明(Lisa) 亦有份批評該「係雞係公廁論」,同時惹嚟網友圍插,其男友楊明(Mat)於是護花留言撐女友莊思明,但同樣反被鬧!

撰文:東方新地|圖片:Instagram、電視截圖

馮盈盈發表「港姐公廁論」

最近一集《後生仔傾吓偈》中,陸浩明提到做女人的好處,其中一個就係嫁入豪門會俾人話係「做少奶奶」、等,相反男仔就會俾人話入贅、「食軟飯」。點知港姐出身的馮盈盈同麥明詩就搶住大叫,表示如果港姐嫁有錢人, 就會俾人話「睇死佢鈞金龜」、「係雞」等難聽說話…… 認真陰功!

咁都仲未夠,馮盈盈仲突然補多一句:「公廁!」自己身為港姐冠軍,竟然將呢啲網絡用語拉埋同港姐嚟講,佢都算係「神奇 頂級 超卓」~

莊思明指感覺好cheap

由於馮盈盈同麥明詩兩位呢番「係雞係公廁論」一出,隨即惹來極大迴響,就連歷屆港姐師姐2010年港姐季軍莊思明(Lisa) 都有批評二人嘅言論!

莊思明表示「係雞係公廁論」成個感覺好cheap,對自己形象唔好嘅同時,亦有損港姐嘅形象。

麥明詩撐盈盈

Lisa對於「係雞係公廁論」嘅表態就引嚟Louisa喺個人社交網開post撐盈盈,並留言指:「謂cheap也?見風使舵、見利忘義、損人利己、坐享其成。只憑言辭一兩句而妄下斷言,未免略為片面。」暗寸Lisa妄下斷言同片面!

網民罵戰

雖然今次二人於節目中嘅言論就惹嚟大家互相暗寸,但明目張膽嘅罵戰則於網民同粉絲之間發生,有粉絲撐偶像,亦有網民留言表示不滿。

雖然有人於盈盈個人社交網互罵,但亦有網友留言繼續力撐盈盈!

楊明撐女友莊思明

一班支持盈盈嘅網民就大鬧Lisa,甚至喺King Jer嘅IG相關post下面繼續係咁鬧。結果,Lisa男友楊明 (Mat)梗係心痛女友被人圍插,於是就留言護花,指:「佢發表自己嘅感受都要俾你哋鬧,喺節目中亂講嘢嗰個就反而無問題,我真係唔明網民係咩心態!」可惜Mat嘅留言一出,唔少網民連佢都鬧埋…

其後,Lisa亦先後上載出兩段文字,以抒發自己感受,第一段係俾對Lisa不滿嘅人,提到﹕「……你們會想盡辦法用最毒的字眼去傷害那個不認同你的人!這種思維很恐怖,但我不會畏懼!」

第二段則表示自己做人從來都是對事不對人,但好明顯有人就唔係,但佢亦唔想再講,因為根本無道理可言!

Mat之後喺個人社文網出post發長文指:「而Mat都有於他的IG再度維護女友,發長文表示:「今日睇到有網民不斷人身攻擊思明,我有點驚訝,驚訝嘅係原來有些網民係咁惡㗎?! 思明從頭到尾都係對事冇對人,記者問佢聽到呢啲用語喺節目出現有什麼感覺同見解,佢祇係答咗自己對這些用詞嘅感覺啫,都唔得?」

View this post on Instagram

今日睇到有網民不斷人身攻擊思明,我有點驚訝,驚訝嘅係原來有些網民係咁惡㗎?!思明從頭到尾都係對事冇對人,記者問佢聽到呢啲用語喺節目出現有什麼感覺同見解,佢祇係答咗自己對這些用詞嘅感覺啫,都唔得?唔係咁惡吓嘛!唔通同你哋嘅思維唔同嘅人就係你哋嘅敵人?咁成世人咪好唔得閒?各位大俠,如果真係覺得自己支持嘅想法係有道理嘅,點解唔用你哋嘅鍵盤將你個理由同真理講出嚟,睇吓可唔可以改變到人呢?真係覺得攻擊係一個好方法? 我哋雖然係唔紅嘅藝人,但亦都係一個人,好多嘢我哋都識講,係睇下我哋講唔講又或者啱啱場合講嘅啫,你哋都可以通街痾屎㗎,夠哂貼地啦…你哋唔痾…?唔識尊重別人你都會盡量尊重吓自己吖…係咪?世界好大㗎 ,多啲出去曬吓個太陽接觸多啲唔同嘅人,曬螢光幕唔係生存嘅唯一方法! 大家一齊加油啦。

A post shared by Mat Yeung (@matyeung) on

繼指:「我哋雖然係唔紅嘅藝人,但亦都係一個人,好多嘢我哋都識講,係睇下我哋講唔講又或者啱啱場合講嘅啫,你哋都可以通街痾屎㗎,夠哂貼地啦…你哋唔痾…?唔識尊重別人你都會盡量尊重吓自己吖…係咪?世界好大㗎」唔知大家撐邊個呢?

「大胸」波波有話兒

講完港姐嫁入豪門,之後眾人講到女仔「大胸」係其中一個優勢,不過就容易因為負膽重而令肩膊疲累,呢個時候當然要問到全場身材最好的「波波」黃凱儀,波波承認係會被內衣勒到有痕,肩膊累之餘仲好容易寒背。呢個時候麥明詩大爆之前同波波去日本時,原來兩人詳談過縮胸手術…… 睇嚟冇方面煩惱的麥明詩,都好為波波著想喎!

正常係C Cup?

最後眾人又討論到「作為有優勢嘅女仔,覺得大胸定長腿好?」當在場大部分女仔都話揀長腿時,馮盈盈竟然好大聲爆出一句:「大胸!」則麥明詩諗一諗後都係揀「大胸」,但就補充胸唔需要好大,正正常常有C (Cup) 就OK。

馮盈盈:個標準有啲高!

點知馮盈盈聽完驚訝地「吓!」咗一聲,「所以話正常係C,個標準有啲高!」如果C Cup先叫正常,可能盈盈同好多比較瘦削的香港女仔都唔正常,叫人情何以堪…… 講到呢度,麥明詩又再拖波波落水:「我意思係正常大,而唔係嗰啲又F又H,唔使好似波波嗰啲咁! 」

馮盈盈令男生通通嘩然

最近一集《後生仔傾吓偈》馮盈盈再次俾大家驚喜,今次同大家講嘅話題係「做男仔有咩好」一班後生仔有男又有女,首先就由主持人之一嘅陸浩明(6號)問大家做男仔有咩 好處,而成班女仔力數做男仔有咩好,但當中第一個發言嘅就梗係唔少得一向喺節目嘅風頭人物馮盈盈啦!

盈盈一開口就提到與性有關嘅說話,指男仔唔會有女性某啲獨有情況,例如:男士唔會有經痛、橙皮紋(妊娠紋)、陰道鬆弛等問題,而麥明詩同時和應盈盈指仲有陰道下垂!作為女性,呢兩位主持人明顯好關心女性婦科問題。

二人猶如英雄所見略同,盈盈聽到陰道下垂,馬上大表同意!

馮盈盈形容生BB時陰道會…

其後,由於6號問及女性生育後陰道鬆弛問題,盈盈就講到生BB時嘅情況,指如果生BB時,母親嘅開口唔夠大,BB唔可以順利出嚟,就要用人工方式用鉸剪向上剪開陰道口!相信呢個問題男士們係絕對唔會遇到!

盈盈講述時,繪形繪聲,真係聽到好似隔住個mon都感覺到當中痛楚!

而麥明詩就補充,指因母體已受陣痛影響,所以剪開陰道口時並唔需要加麻醉,因為已經感覺唔到剪開嗰刻嘅痛楚!可想而知,母親所承受住嘅痛楚係可其大!

馮盈盈出龍爪手問男人最痛

當講完女仔覺得做男仔有咩好處後,就輪到女仔自由問男士任何問題時間。好奇心極重嘅盈盈第一個問在坐一班男士,指若然被打中重要部位,係咪會覺得好痛?

聽到呢個問題,每位男生不禁立刻認同,仲即刻分享感受男人之痛嘅個人經歷!6號就提及自己試過打波或踢波時,被打中重要部位,至於個痛法,6號描述得非常仔細,表示唔至局部痛楚,而係好似地震一樣,會痛到腹部位置!

6號續指個感覺就似成個人都麻痺咗,完全郁唔到,聽到都知有幾唔舒服啦!

馮盈盈男友是方丈

最新一集《後生仔傾下傾》就討論到主題「小器鬼」,馮盈盈即刻大爆自己男朋友原來係位方丈!佢提到自己初入行時,醫生男朋友直接表明唔想佢拍劇,原因係唔想佢同男仔做對手戲!唔通驚女朋友同男對手日對夜,因拍劇而產生感情?

雖然聽落盈盈男友都幾保護佢,但入得行做藝人就預咗要拍劇,盈盈就話自己馬上霸氣同男友講:「我唔去拍劇點賺錢養你呀?」結果一句簡單KO男友,對方亦只好乖乖講句:「好啦。」

親熱戲比床戲重要?

之後,盈盈就梗係繼續爆料啦!佢仲話男友勁介意佢拍親熱戲,所以要佢應承拍劇時唔准錫錫,但反而可以拍床上戲!聽到大家打哂黑人問號,盈盈就引用男友的解釋:「佢話因為拍床上戲通常都唔會打真軍。拍咀咀戲就係真咀嘅。」

主持人之一嘅陸浩明馬上大表驚訝咁話:「咩通常?乜唔係完全唔會打真軍㗎咩?除非三級片同成人電影啫。」

馮盈盈男友不停埋怨

其後,盈盈就提到之前拍新劇《白色強人》同何廣沛有場嘴戲,不過明知男友唔鍾意,所以事前已經備案,仲指自己用手機發千字文向男友報告成個拍攝過程,真係好驚男友嬲嬲豬喎!

盈盈表示自己為安撫男友,佢就只同對方講同何廣沛淨係錫咗3下,而且冇任何體液交流,但男友成晚都係不停咁埋怨。不過,體貼明事理嘅盈盈就表示對方都係因為緊張貼愛佢先會咗,因此唔會怪責男友!

馮盈盈黃色底子改不了

之前,喺《後生仔傾下偈》中,6號一開波就話個節目本身就會討論好多學術性嘅話題,但就因為有「性博士」馮盈盈同麥明詩嘅存在,加上有時佢哋兩者經常嘅相互配合,結果引致次次都會令每集所討論嘅主題都變得冇咗學術,只淨性嘅主題。

本身諗住咁講就可以避開馮盈盈講性,點知被6號曲線「投訴」嘅馮盈盈就當然唔服氣,即刻話關佢咩事。

再隨即反駁,指:「性都可以好學術性,只要夠深又夠入……」講嘅同時再配合埋手勢,真係睇得出佢黃色底子改不了。

坐喺盈盈隔離嘅6號為免佢再講落去會將話題再次轉移到性方面,於是就叫停馮盈盈,就話要講啲有涵養嘅話題,之後就講出今次要討論嘅主題係「人生的意義」。

馮盈盈講人生意義都與性有關

當一班後生仔講完自己覺得嘅人生的意義後,馮盈盈就開始分享佢自己嘅睇法,仲好認真咁講:「所有生物生存意義就係為咗繁殖同傳宗接代,所以如果你唔生仔唔交配,真係無意義,浪費上天比你嘅生命。」

聽完盈盈呢番說話,好似好啱咁,而6號就好疑惑咁問:「所以人全身都係繁殖器官?」

之後,「性博士」就開始講述人類嘅進化論,而一向黃底子嘅馮盈盈正經咁講出物競天擇論, 一切自然少不了就會提到性嘅話題。

佢指地球有一半生物嘅睪丸都喺體內,「不過因為太熱,所以啲精死晒,生唔到仔,最後就得返睪丸在體外的生物存活。所以當你見到啲人體結構都係幫到你生BB,每次小便時都見到,咁你仲要唔努力啲?你點可以浪費咗佢……」

當佢好正經咁講完一大論後,自己都忍唔住自己所發表嘅「偉論」,最後大笑出嚟。

馮盈盈仲話自己曾經諗過因為怕辛苦兼生仔會有危險,而打算唔生仔,但一諗到可以令人類繼續發展,佢變得咩都唔驚,兼即時改變諗法!唔知大家聽完「性博士」嘅「偉論」後又有冇同感呢?

馮盈盈繼續性博士上身

最新一集《後生仔傾下計》就繼續探討「AV成人影片」話題,馮盈盈依然「性博士」上身,當一眾後生仔講到伴侶性慾較強該如何解決,馮盈盈即以食飯作比喻,即話如果對方食完唔夠飽,就畀佢自行解決!

隨即就有後生仔提出,此舉咪相等於畀機會對方出外偷食,但「性博士」就立馬否認,並解釋指若然對方明明食得唔夠飽,但仍然會選擇自行填肚,都唔搵其他廚師,咁就係對方愛自己嘅表現。

講到七情上面之餘,仲言之鑿鑿咁,唔通馮盈盈自己都親身經歷過另一半食唔飽嘅情況?

之後,陸浩就問馮盈盈,若然男友手赲,想睇烹飪片,但唔睇佢反而睇蒼井空咁有冇問題,馮盈盈相當大方話冇問題!

連AV專家馮盈盈都覺得蒼井空好吸引,語氣非常敬佩,並以老師專稱蒼井空,話唔定盈盈都係蒼井老師嘅「學生」,跟老師學習過。

唔少網民就討論究竟馮盈盈係開廠前做足功課,定係平日真係有睇開,皆因佢數出唔少AV片種!

馮盈盈自爆似AV女優

重點係佢仲自認自己似AV女優桃谷繪里香,當陸浩話唔識嘅時候,佢仲大聲叫啊陸上網搵吓!

馮盈盈自爆係神級AV專家

近日,節目講關於「AV成人影片」嘅話題,而出哂名爆肚王馮盈盈就喺節目中再次爆肚,提到AV初體驗!首先,陸浩問到現場多位認為睇AV是否有好處時,馮盈盈率先表示讚成,之後仲好似專家上身般,分析不同作品種類,非常專業!

馮盈盈形容睇AV似打網球

其後,馮盈盈提到「有啲係時間停止,兩個人就會疊埋一齊」,之後又以「跨種族的愛、多元種族融合」去形容AV,幾美好!佢更形容睇AV似網球,因會發出「啪啪啪」聲。

馮盈盈行事小心

提到講到AV初體驗,馮盈盈表示自己曾經試過下載台劇,但點知一開係AV,搞到寶貴嘅第一次就咁無咗。其後,佢仲話:「要收埋自己的瀏覽記錄,或者揀線上瀏覽,唔好下載,因為下載咗好易有記錄。」做事果然夠小心!

之後馮盈盈反教六號下載攔截廣告app,同場有KOL表示有個app可以將所有下載作品存起來,並需要密碼才可以開啟。

馮盈盈聽到呢到,就即刻表示知道,仲話「啊!play得好安全。」馮盈盈真係非一般咁了解!

馮盈盈心跳回憶之第一次約會

《後生仔傾吓偈》搵嚟貼地爆肚達人馮盈盈,高智慧抽水王麥明詩,同埋要幫佢兩個兜嘅陸浩,呢個3人組真係配合得天衣無縫!有次,節目講關於「人生的第一次」嘅話題,而出哂名嘅爆肚王馮盈盈就喺節目中再次爆肚,講返第一次約會嘅情況!

首先,馮盈盈就個話題搶先話自己記得當年第一次嘅約會,聽到咁,好奇心極重嘅陸浩就緊係追住嚟問佢問題啦!

結果,馮盈盈爆響口話自己初戀係19歲,之後開始講番自己首次約會嘅情況,提到當時約會嘅時候都仲未係男朋友。

馮盈盈第一次約會「濕晒」

馮盈盈可能回憶緊第一次初戀約會嘅回憶,愈講就愈緊張,愈嚟愈就口窒窒咁,仲話約會當晚就一齊咗,然後就拖手,話自己睇落表面好似好平靜咁,但實際內裹就好緊張,所以勁多手汗!佢仲話:「到隻手啲汗已經滴緊落地下。點知要拖手喎,真係想死。」

馮盈盈話:「嗰陣已經係抹乾晒都繼續濕嘅程度,搞唔掂。」聽落咁都真係幾嚴重下。

濕完又乾,乾完又濕嘅馮盈盈,就繼續停唔到口咁繼續講落去自己對手有幾濕嘅情況。

麥明詩智慧抽水

聽到呢到,麥明詩終於忍唔住口要抽一抽佢水,講番句:「總之我聽到你係咁濕啦…」

被麥明詩乘機抽咗一下水嘅馮盈盈就緊係唔尷尬啦,繼續講:「濕晒,個地下都濕埋,點知佢拖完就話好濕,我話係呀,我掂到男仔手就會緊張。但係嗰刻佢好浪漫,話唔緊要無問題我鍾意。」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!