楊明醉駕

爆瘡楊明秘密現身中區警署報到

最新娛聞

廣告

上月凌晨在山頂自炒被捕送院的楊明,有指當時楊明拒絕警方的酒精呼氣測試,被送抵醫院時,又不願意接受抽血取樣本,故被警方拘捕後獲准保釋候查,今日楊明現身中區警署報到。

撰文:東方新地 圖片:新傳媒圖片、影片截圖

秘密現身警署報到

今日下午約3時,楊明由白色七人車接載到中區警署報到。
今日下午約3時,楊明由白色七人車接載到中區警署報到。

今日下午三時許,楊明乘坐白色七人車到達中區警署,相信是為上月自炒被捕送院而到警署報到,身穿白tee、戴上護眼罩和迷彩口罩的他,提著銀包及手機入內,期間頻頻向警署外觀望,暫未就事件再發言。

矇晒面的楊明,少點眼力都認唔出。
矇晒面的楊明,少點眼力都認唔出。
行錯路又折返。
行錯路又折返。

做新冠肺炎檢測 網民:會唔會做埋酒精呼氣測試?

日前,楊明到新冠肺炎檢測站做檢測,大讚服務「快狠凖」。
日前,楊明到新冠肺炎檢測站做檢測,大讚服務「快狠凖」。口罩下亦掩蓋不住右邊臉的大紅瘡。

自爆被盗用身份證登記:

原來我唔單止俾人盜用咗身份證去登記,就連自稱係有關部門打俾我,話幫我重新登記都係假的
不過好彩,工作人員好好,都俾我做檢測
未做檢測嘅快D登記喇,成個行程好順暢㗎,快,狠,準!

醉駕犯法前科累累的楊明,8月8日凌晨在山頂炒車被捕送院後,於無綫節目《東張西望》透過視像電話接受訪問,楊明醉駕意外後首度開腔的楊明表示當時駕車途中突然分神,只記得「搶一搶軚」,之後一度「斷片」,卻全程避談事前是否有飲過酒。

楊明抄車後首開腔避談醉駕 莊家山頂大宅內做訪問:撞到啲政府公物唔好意思
曾犯醉駕有前科的楊明,在鏡頭前的戴住口罩cap㡌,據了解其身處背景是女友莊思明的山頂億元大宅。

曾經因為醉駕遭無綫雪藏、早前受訪時透露「試過十八個月無糧出」的楊明,今次在公司安排下即日回應,在鏡頭前戴住口罩cap帽做訪問,而背景是女友莊思明的山頂億元大宅大廳內,以下是《東張》主持容羨媛及楊明的訪問內容:

容:發生咗交通意外,依家情況係點?

楊:當時係見暈啦,咁同埋撞到盤骨不過就冇大礙嘅,係政府醫院check過腦掃描嘅,X光,骨頭係冇事嘅,聽公司講呢,都希望我去做一個詳細啲嘅腦掃描嘅。

承認斷片 「短暫冇咗記憶」

容:成件事發生經過係點?

楊:夜晚點幾鐘,我揸番架車去我工作室去睇劇本嗰陣,喺山頂道彎位嗰度,好似係搶一搶軚跟住撞埋咗個啲石𡒊度,晾一晾起咗,其實嗰時撞一撞呢已經話斷咗片嘅,可以話係短暫冇咗記憶,所以點樣撞同點樣停呢,我其實都唔係咁清楚,睇番啲報道,啲差人係扶住我啦,啲報道話我係飲咗酒,要人摻扶咁樣,報道又指我拒絕咗酒精測試,其實我當時比較暈啲,狀態唔係太清醒做唔到酒精測試,警方嗰一刻淨係想救我,因為架車晾咗喺山邊,有一定危險性,所以一定要救我出嚟,送咗我去醫院同埋繼續調查,講番今次交通意外呢,撞到政府公物,撞到啲欄杆呢,都係心感抱歉嘅,唔好意思,不幸中之大幸呢係冇傷到人,可能呢排比較忙同埋夜瞓啦,就比較就揸車分咗神,同埋搶咗一搶軚,我好記得係搶咗一下軚,就出現咗呢個意外,首先同大家講唔好意思,因為我呢件事令大家都好擔心,好多輿論喺度,我個人就冇事嘅﹗

容:家人或者女朋友有冇好擔心你呀?

楊:有呀,媽咪即刻想嚟醫院探我,我唔想佢哋咁頻撲,交通意外啫﹗至於Liza(莊思明)呢就嚇死佢啦。

記者未有問及醉酒,楊明亦隻字不提,過程中對死物道歉 。
記者未有問及醉酒,楊明亦隻字不提,過程中對死物道歉 。

表示仲未清醒「交咗畀律師」

容:依家有啲乜法律程序呢?

楊:我都交咗畀律師去搞㗎喇﹗因為我又唔係好識啲法律程序啦﹗我依家仲暈吓暈吓,朝早仲好暈吓暈吓,依家算醒番少少,咁係處理緊囉。

《東張西望》記者用視像跟楊明遙距做訪問
東張西望》記者用視像跟楊明遙距做訪問
楊明醉駕
繼05年被控醉駕後,07年楊明再醉酒在便利店鬧事,被控刑毁罪成。

 

 

楊明醉駕有前科 負聞纏身 霉足十年

05年楊明曾經因醉駕留案底的楊明,上次未有炒車,今次卻於半山豪宅區釀成越線車禍,出事後更拒絕「吹波仔(酒精測試)」,送院後被警方以涉嫌「酒後駕駛」拘捕。

關鍵詞
楊明醉駕