楊證樺沈可欣公開超聲波相 二人感恩喜獲第二胎

撰文：東方新地｜圖片：楊證樺Facebook

楊證樺感恩喜獲第二胎

今日，楊證樺喺個人社交網公布喜訊，表示佢哋一家三口將會增添一個新成員，變成一家四口！佢更留言指感謝上天嘅安排，呢個BB係佢哋嘅第二份禮物。

楊證樺公開超聲波相

楊證樺留言後，亦同時Po出一張BB嘅超聲波相，唔少網友知道呢個好消息，都戥佢哋高興，紛紛留言送上祝福！

「綠葉夫婦」 楊證樺沈可欣

楊證樺及沈可欣同為無綫綠葉演員，演出劇集無數，有睇電視的大家未必叫得出真名，但一定認得兩人！佢哋早已認識十多年，但真正走在一起只係近幾年嘅事。

對於戀情十分低調，很多藝員同事直至兩人結婚先得悉，仲以為拍緊戲！

兩人現時育有一個2歲嘅兒子楊宏志 (Eugene)。

夫妻檔拍住上

楊證樺和沈可欣在TVB默默耕耘多年，一直安於自己位置，因為他們明白每套劇集都是team work，要有主角、配角和綠葉才能成就一套劇集，正如每個家庭都會分工合作，每人都有自己崗位。

楊證樺笑言兒子是他的福星，自他出世後，兩人獲得更多演出機會，甚至一齊做夫妻角色，「監製一諗起要搵人做夫妻，就會諗起我哋。

夫妻演《踩過界》獲力讚

早前無綫劇《踩過界》成為城中熱話，「盲俠大狀」王浩信固然獲得好評，但在其中一單元「疏忽照顧兒童案」中，飾演聾啞夫婦的楊證樺和沈可欣獲網民大讚演技出色，大家更想不到兩人在現實中亦是夫妻！無論戲份多少，兩人對每個角色也十分認真，經常一邊湊仔一邊刨劇本。

因囝囝抽筋暈倒 楊證樺有了人生啟悟

佢哋曾喺電視節目中，提及囝囝楊宏志 (Eugene)上年突然發燒，睇醫生後久久未退燒，之後楊證樺揸車去醫院途中，囝囝更突然抽筋，然後暈倒、失去知覺。

當時沈可欣已經喊到死去活來，以為囝囝咁就走咗… 幸好十多秒後囝囝有返喊聲，楊證樺個心先定落嚟少少。

人生最深刻一次

去到醫院，囝囝再度失去知覺，醫生馬上為Eugene進行急救，好彩最後平安無事。沈可欣憶述當時有人同佢講「頭先你個仔個嘴變咗紫色」，佢話佢寧願唔知道，嚇死佢哋。佢哋話，依一次係佢哋人生之中最深刻嘅一次。

楊證樺講述當時嘅心情：「去到嗰一刻，我原來所有嘢都可以唔要，我只要個仔。」

好在，而家囝囝都健健康康咗長大，嚟緊仲會做埋人哋哥哥㖭！