樂瞳

邊個揸機?樂瞳 遊布吉出股惑

最新娛聞

廣告

樂瞳日前去咗布吉度假,見佢喺IG晒分享旅行相,唔使問梗係有三點式靚相,不過張張相樂瞳唔係密實封胸,就係影嘅背面,難怪有網民留言:「求正面」⋯⋯

撰文:東方新地│圖片:樂瞳Instagram

樂瞳 遊布吉出股惑

樂瞳昨日在Instagram分享穿上綠色比堅尼,在泳池邊回眸一笑的照片並留言︰「瞳屋企人遊布吉ep2 尚在整理中,先看看我媽媽給我拍的大作😝攝影技術進步了很多😘💕💕💕#福利發放 #瞳顏分享」哦!原來同屋企人去旅行,係阿媽揸機影相,唔怪得淨係得背面同騷下靚股咁小兒科,應該係阿媽怕阿女被睇蝕!

有粉絲看過照片留言向她求婚︰「marry me please﹗」也有網民求樂瞳分享正面照。

游水撞正落雨又係掃興嘅,不過樂瞳都不忘派福利!

唔通連個天都唔鍾意我😢
A post shared by 樂瞳 Cilla Kung (@loktungcilla) on

 

 

游龍舟水🦄🦄🦄端午節快樂🥂🥂🥂
A post shared by 樂瞳 Cilla Kung (@loktungcilla) on

夏日熱辣辣,人人都想過一個Amazing Summer,不過小編同唔少朋友一樣都要留喺office工作,只好睇相望梅止渴!近日唔少女星藝人都換上泳衣玩水消暑,齊齊派福利,不過除了泳衣外,有位大台姐仔近日到外地旅行,一身火紅色大露背裝超級搶眼,小編睇到眼定定!

Anjay游龍舟水騷玉背

早前端午節唔少朋友食糉之餘都會游個龍舟水,靚女人妻陳嘉寶(Anjaylia)都唔例外!Anjay著泳衣騷靚背並留言:「看完龍舟比賽,游龍舟水~接下來,再吃一個鹹肉糭就圓滿了。」話說Anjay老公黃頌祈係個滑水好手,但佢之前接受訪問時仲話老婆係「防水」,言下之意即係唔敢落水!Anjay呢張相算唔算係反擊呢?

雖然話Anjay身材比較瘦削,並係甚麼逼爆上圍,不過勝在全身皮膚白滑到反晒光咁,手腳同小蠻腰都勁纖細,著起泳衣都有另一種魅力!

張馨月索爆揈水髮

端午節派福利的又點止Anjay一個?林峯緋聞女友張馨月喺社交網上載多張水著相,佢本身就係一位模特兒,而且曾經於內衣模特兒大賽勇奪亞軍,擁有弗爆body係最基本啦!相中見到張馨月攤喺浮床公仔擺出誘人甫士,大晒纖腰同美腿~

定欣晒泳衣舊照

後生女們晒水著,就連近日喺無綫劇《宮心計2深宮計》好出位的「皇后」胡定欣都唔執輸,晒出一張着住黑色比堅尼照,並留言:「好想岀海,好想曬太陽,對上一次係一年前的事。」原來係舊照來的!搞到佢好姊妹胡蓓蔚都話佢「你自己唔得閒咋嘛」,不過視后貴人事忙就好正常啦。

唔知定欣幾時再有新泳衣照俾大家欣賞吓呢?

陳瀅BB外地大解放

話說陳瀅BB最近排完新劇《危城first lady》後,就飛到加拿大蒙特利爾當好朋友的婚禮姊妹,順道放假四處遊玩。相中見到陳瀅去到外地放心大解放,身穿火紅色Bodysuit,大晒勁白滑玉背,輕輕一個側身再騷埋逼爆上圍,唔知外國男士們係咪都忍唔住望多兩眼呢?

露背遊加拿大

陳瀅BB束起馬尾,火紅色Bodysuit加條牛仔短裙,青春無敵又性感火辣,不過睇真啲,陳瀅相中嗰位好姊妹都同樣幾高質喎!唔知會唔會介紹一下呢?

陳瀅BB早前喺朋友婚禮當姊妹~

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
樂瞳