楚楚 機智女法醫

機智女法醫|楚楚身世揭曉 天才仵作「棺材仔」撞橋歐陽震華《洗冤錄》

最新娛聞

廣告

內地古裝劇《機智女法醫》暫時係TVB2022年首周收視最佳嘅劇集,錄得23.1點,疫情之下頗有人氣!但唔知有追開嘅觀眾有冇覺得有啲位同歐陽震華套《洗冤錄》好似咁呢?咁就要從楚楚(蘇曉彤飾)嘅悲慘身世開始講起!

楚楚 機智女法醫 《機智女法醫》撞橋《洗冤錄》
《機智女法醫》撞橋《洗冤錄》 (圖片來源:《機智女法醫》截圖,《洗冤錄》 截圖)
楚楚 機智女法醫 內地劇《機智女法醫》在無播出,有唔少捧場客
內地劇《機智女法醫》在無綫播出,有唔少捧場客(圖片來源:《機智女法醫》海報)

楚楚身世之謎終於揭開!

呢個星期講到蕭瑾瑜發現楚楚嘅身世之謎!原來楚楚生母是許家三小姐,嫁給武將雲易之後,雲易牽涉到謀反被殺,當時懷胎8月的許氏返回娘家,惟家人為免惹禍上身,竟然將楚楚生母殺死再偽裝自殺!及後仵作楚平去收屍,眼見胎兒似已經足月,就剖腹取出,抱返去自己收養,難怪楚楚對屍體咁有感應啦!而由於嬰孩從屍體中取出,在古代被視作極不吉利的現象,民間俗稱為「棺材子」,當年為免鄰里鄉親所忌諱,故仵作楚平刻意對外隱瞞楚楚來歷。

機智女法醫 蕭瑾瑜向楚平一家打聽楚楚出生當日情況
蕭瑾瑜向楚平一家打聽楚楚出生當日情況(圖片來源:《機智女法醫》截圖)
機智女法醫 原來楚楚係由楚平收屍時,救番嘅女嬰
原來楚楚係由楚平收屍時,喺女屍腹中救番嘅女嬰(圖片來源:《機智女法醫》截圖)
機智女法醫 楚楚知道自己身世後,既驚訝又傷心
楚楚知道自己身世後,既驚訝又傷心(圖片來源:《機智女法醫》截圖)
機智女法醫 飾演楚楚的蘇曉彤現實中有個富爸爸
飾演楚楚的蘇曉彤現實中有個富爸爸(圖片來源:蘇曉彤@微博)

即睇:機智女法醫|6-10集劇情劇透:楚楚身世之謎解開、通過考核成為仵作

《洗冤錄》歐陽震華都係「棺材仔」

聽落劇情係咪似曾相識?回望1999年嘅無綫劇《洗冤錄》,其實歐陽震華飾演嘅古代著名法醫宋慈都係一名「棺材子」,連劇中的花名都叫做「棺材仔」。《洗冤錄》當年播出嗰陣,收視好好,之後唔止添食拍《洗冤錄II》,過咗接近廿年,喺內地仲出現電影版–《新洗冤錄》,同樣係歐陽震華做主角,不過就被網民揶揄為膠片一部。

楚楚
(圖片來源:《新洗冤錄》海報)
楚楚
(圖片來源:《新洗冤錄》海報)

《新洗冤錄》拍攝相當敷衍

《新洗冤錄》於去年僅用了短短16日拍攝,除歐陽震華外班底全換,連配音版都換了人,全片90分鐘在2022年一月初上架,但內容查案多過驗屍,大陸劇迷都大呼無癮。但無奈地,《新洗冤錄》的票房卻出奇地理想,今年初上架首日已跑贏三個內地網絡平台有144萬分賬票房成為冠軍。可見「洗冤錄」三隻字的確有叫座力。

楚楚 非常敷衍。
非常敷衍。(圖片來源:《新洗冤錄》截圖)
楚楚 道具相當之「膠」。
道具相當之「膠」。(圖片來源:《新洗冤錄》截圖)
楚楚 機智女法醫 歐陽震華喺無綫劇《洗冤錄》飾演嘅法醫宋慈,亦係一名「棺材子」。
仲差過當年歐陽震華喺無綫劇《洗冤錄》,起碼死屍都係由真人去「演」。(圖片來源:《洗冤錄》截圖)

網民提議撈埋嚟拍「仵作vs仵作」

《洗冤錄》「魅力」沒法擋就唔使多講喇,但唔知《機智女法醫》嘅編劇當年係咪都被歐陽震華深深吸引,所以喺自己套劇度咁橋都人設女主角楚楚係「驗屍天才」,亦係「棺材子」。仲有風趣嘅網民提議拍個《機智女法醫》X《洗冤錄》,驗屍鬥驗屍,又或者一齊破案,唔同時空都得,話唔定有火花噃。

楚楚 機智女法醫
(圖片來源:《洗冤錄II》海報)

「棺材子」的感人故事

講番「棺材子」係咩?其實係一個中國民間凄美鬼故!話說喺好耐之前,有一個孕婦因為難產離世。之後有晚半夜喺同村一間舖頭仔,有個樣靚皮膚白嘅女人嚟買糕點,仲唔等找錢就急急腳走咗,老闆雖然覺得好奇怪,但不以為然,收咗錢就擺低去瞓,點知第朝見到啲錢變咗金銀衣紙。

之後連續兩晚,呢個女人都有嚟買糕點,亦係急急腳走咗去,第朝啲錢亦都係變咗金銀衣紙,於是老闆就同老婆商量,佢哋決定偷偷地喺啲糕點度留低線索,第朝跟住線索搵到去一個新墳前,佢哋挖開個墳見到有一個BB坐喺入面食緊糕點,而嚟買糕點個女人就係瞓喺BB旁邊嘅一具屍體。呢兩公婆抱起BB,重新鋪番好個墳,就離帶住BB離開。原來個女人雖然死咗,但保護BB嘅潛意識依然不滅,唔止喺棺入面產子,仲好似一般媽媽咁為BB嘅溫飽擔心,故事相當感人。

楚楚 機智女法醫 中國民間關於「棺材仔」嘅傳說好感人
中國民間關於「棺材仔」嘅傳說好感人(圖片來源:《洗冤錄》截圖)

相關文章:機智女法醫|女主角蘇曉彤顏值「似路人」 背後原來有金主撐腰?

有個富爸爸 擁七家酒店

現年23歲的蘇曉彤為河南人,其父蘇紅林為商人,目前為河南永利商貿有限公司董事長,爸爸經營五糧液專門店,亦以獨資、合資的方式,在開封市一共有七間酒店,蘇曉彤吃穿不愁,難怪可以全副心力在娛圈大展拳腳。

楚楚 機智女法醫 蘇曉彤的爸爸蘇紅林為商人,目前為商貿公司董事長兼七間酒店。
蘇曉彤的爸爸蘇紅林為商人,目前為商貿公司董事長兼七間酒店。(圖片來源:網上圖片)
楚楚 機智女法醫
(圖片來源:蘇曉彤微博)
楚楚 機智女法醫
(圖片來源:蘇曉彤微博)

從小習「舞」北京電影學院畢業

四歲就開始跳舞的蘇曉彤,十二歲考上北京舞蹈學院附中,成為章子怡、姚晨、白百何等一線藝人的師妹,其後考入北京電影學院表演系,畢業後正式投身娛圈成為演員。

楚楚 機智女法醫 蘇曉彤與Dada陳靜有幾分相似,被冠上「嫩版Dada」之稱。
蘇曉彤與Dada陳靜有幾分相似,被冠上「嫩版Dada」之稱。(圖片來源:網上圖片)

童星出道 五歲首演歌舞劇

蘇曉彤令人熟悉的作品是2019年的是《大宋少年志》,不過其實她早在五歲時就參演過歌舞劇《清明上河圖》,當時學跳舞只有一年,已經有表演機會!

楚楚 機智女法醫 除了長得像Dada陳靜,蘇曉彤也帶點簡淑兒、糖妹的感覺。
除了長得像Dada陳靜,蘇曉彤也帶點簡淑兒、糖妹的感覺。(圖片來源:《大宋少年志》劇照)

蘇曉彤15歲首演電視劇即與胡歌合作

除了歌舞劇,蘇曉彤在15歲時在海選中打敗二千多位女孩,與胡歌、宋佳等一同拍攝《四十九日.祭》,是她首次演出電視劇,她在劇中飾演女學生蘇菲,便是戰時受困於教堂的女學生之一。

楚楚 機智女法醫 蘇曉彤在15歲時演出《四十九日.祭》。
蘇曉彤在15歲時演出《四十九日.祭》。(圖片來源:網上圖片)

蘇曉彤17歲拍電影奪新人獎

至於電影,她參演犯罪類青春電影《黑處有什麼》,戲中飾演一位心思細密、對事事好奇的中學生,細膩的演出更憑此片奪得24屆北京大學生電影節最佳新人獎。

楚楚 機智女法醫 蘇曉彤憑《黑處有什麼》奪得24屆北京大學生電影節最佳新人獎。
蘇曉彤憑《黑處有什麼》奪得24屆北京大學生電影節最佳新人獎。(圖片來源:蘇曉彤微博

蘇曉彤成名作《大宋少年志》

2019年首播的古裝劇《大宋少年志》,講述北宋與夏國之間長達百年的戰爭時,一班少年守護江山社稷和百姓的故事,很青春,也很熱血。飾演女二的蘇曉彤,在劇中與王佑碩有感情線,可愛得來又搞笑!有指劇集將原班人馬演出《大宋少年志2》,已爆紅的蘇曉彤相信戲份更重。

楚楚 機智女法醫 有指《大宋少年志》即將開拍續集,人氣急升的蘇曉彤亦有份參演。
有指《大宋少年志》即將開拍續集,人氣急升的蘇曉彤亦有份參演。(圖片來源:《大宋少年志》劇照)

《機智女法醫》楚楚身世有什麼秒密?

《機智女法醫》今周劇情將由王爺為大家逐步解開楚楚身世之謎…即睇詳情

《洗冤錄》歐陽震華與《機智女法醫》楚楚最相似地方是什麼?

《洗冤錄》歐陽震華飾演是古代著名法醫宋慈,與《機智女法醫》楚楚一樣機智過人….即睇詳情

撰文:東方新地圖片來源:《機智女法醫》截圖 , 蘇曉彤@微博,《洗冤錄》截圖,《洗冤錄II》海報,《新洗冤錄》截圖,《機智女法醫》海報