毛舜筠

18歲細女即將出國留學 毛舜筠 爭取時間陪小公主

最新娛聞

廣告

戲如人生,毛姐毛舜筠在電影《黃金花》演活獨立照顧自閉症兒子嘅堅強媽媽,勇奪今年金像獎影后殊榮,其實調番轉頭,人生如戲,現實生活中,毛姐一樣係個入得廚房出得廳堂嘅超班媽咪!

撰文:東方新地|圖片:新傳媒圖片庫、毛舜筠IG

毛舜筠 母女檔shopping

話說95年與電影美指區丁平結婚,兩個女區令山同區亦山眨吓眼分別已經22同18歲大,大女Jannie大學畢業目前留在國外繼續進修,過埋今年暑假,細女Jill都要出發去多倫多升讀大學,忙完金像獎同電影宣傳,毛姐成日都話要抽多啲時間陪吓小公主喎!

Graduation Day of my little princess 🎉🎉🎉🙏🏻

A post shared by Teresa Mo 毛舜筠 (@moje115) on

真係講到做到,早排毛姐工作後就約埋細女行圓方,兩母女由停車場落車開始已經自動翹到實,餐廳等位傾唔停,行街shopping似足兩姊妹,買嘢時手指指互相俾意見,去到邊翹到邊,一睇就知感情好,更加一睇就知囡囡出發在即,毛姐有幾唔捨得!

母親節快樂 ❤️❤️❤️ #母親節

A post shared by Teresa Mo 毛舜筠 (@moje115) on

58歲應屆影后毛舜筠在大銀幕上演活偉大媽媽,其實鏡頭背後一樣係稱職全能好媽媽一個,工作以外萬大事大不過陪囡囡。

毛姐日前宣傳完新戲約埋18歲細女Jill去圓方行街,一落車Jill就自動波翹實媽咪,一睇就知好感情。

等位期間兩母女話題不斷傾不停,表情豐富的毛姐專心聽囡囡講嘢又畀足反應,難怪18歲大個女都鍾意黐住媽咪。

終於等到位,職員帶入座時,影后毛姐好有禮貌,面帶微笑又向職員竪起手指公。

兩母女由落車傾到入座,全程毛姐都做稱職聽眾一邊嗒靚啡、一邊聽囡囡分享生活事。

醫飽肚毛姐同Jill繼續行街街,兩母女連買衫睇電器都有商有量,站在櫥窗外指指點點互相畀意見。

結婚23年,毛姐一家四口感情要好,大女Jannie(左二)又靚又斯文、細女Jill就係運動型美女,雖然遺傳靚爆基因,不過就一樣對入行興趣不大。

入得廚房出得廳堂,演技超班亦都極好人緣,用咗兩年時間考藍帶的毛姐,早排仲親自下廚招呼汪明荃、鄭裕玲、江欣燕等一班老友。

星級靚媽毛舜筠 原來是藍帶高手

對煮食甚有興趣的毛姐毛舜筠喺拍《愛.回家之八時入席》之前,已喺法國讀過藍帶廚師初級課程,拍罷毛姐決心要進修,今年1月飛到日本報讀藍帶國際學院的烘培及甜點課程,花兩個月時間攞到畢業證書。

好學嘅毛姐早前上杜汶澤主持嘅《杜汶澤‧食住上》,透露去年11月會再去法國藍帶國際學院讀高級課程,真係堅揪!Mo姐又自爆話:「法國大廚問我係咪19歲,有次我去美國買酒又畀人查牌。」她說:「我好鍾意煮嘢食,係我嘅興趣,去讀係一個夢想。」佢除了在微博晒親自下廚的食物,還有一系列嘅刀!

終於畢業啦!

毛舜筠坐言起行,去年尾她終於在Instagram宣布藍帶畢業了﹗,她在Instagram上載畢業禮照片,並留言︰「畢業了, 三個學期橫跨兩年去完成的法國藍帶廚藝課程,可以用『過五關斬六將』來形容當中的艱苦過程。人生中有過這麼精彩的經驗,無憾、感恩」!

丈夫區丁平及兩個靚囡囡令山同埋亦山,都相當支持毛姐去法國學廚!

Dessert time 😋🍧🍨

A post shared by Teresa Mo 毛舜筠 (@moje115) on

得奬煮7日7夜大餐慶祝

58歲的毛舜筠(Mo姐)早前憑電影《黃金花》於第37屆香港電影金像獎首次封影后!被問到得獎後要怎慶祝,影后毛舜筠表示會大搞7日7夜大餐慶祝,到時更會開酒及煮任何菜式招呼大家。

在台上她感謝投她一票的人,多謝好友,又感謝老公區丁平兩個女女和家人!

毛舜筠得獎後,難掩激動的心情,她說自己好像在發夢一樣,沒有準備太多要說什麼,因為她怕自己會再失望。

大女去年大學畢業

愛女心切的毛舜筠,4年前大女區令山遠赴加拿大攻讀心理學,怕她不適應當地生活,不惜推掉工作去陪女兒;轉眼間,亭亭玉立的區令山終於在去年畢業,一直以愛女為榮的毛姐為見證愛女行禮遠赴加國,她更發表感言:「不斷的感動、更多的感恩」,稱當天為一生人最開心的時刻!被母親公開畢業照的令山獲一眾網民大讚美麗與智慧並重,毛姐聽罷當然加倍高興。

最愛兩位「小公主」

毛舜筠喜歡以暱稱表達對女兒的愛,經常直呼兩位千金做「小公主」、「sweetie」。以女兒為榮的Mo姐亦不怕放閃,經常高調與令山和亦山行街食飯,還會在社交媒體上載「約會」照片,讓一眾粉絲感受她們深厚的感情。年齡分別為22和18的兩位千金雖已長大成人,但在媽媽心目中,仍是天真可愛的「小公主」。

毛舜筠經歷了三段婚姻,但惟獨與現任丈夫區丁平誕下孩子,難怪特別珍惜這兩個「愛情結晶」。

令山、亦山 亭亭玉立

毛舜筠愛女區令山和區亦山完美地印證了「女大十八變」的說法。22歲的大女令山遺傳了媽媽的良好膚質,素顏上鏡都無有怕,而18歲的幼女亦山更擺脫了以往清澀的味道,搖身一變成為了氣質派女生。不少人認為家姐似爸爸,妹妹則似毛姐,不過可以肯定的一點就是兩姊妹一樣清麗脫俗。

令山和亦山越大個女星味越濃,但身為星二代的她們沒有刻意追捧潮流,反而愛走樸素路線。在毛姐上載的照片中,兩女衣著大多以簡約為主,更沒有濃妝豔抹,可見她們沒有偶像包伏,能不受外界影響地做自己。

Mo姐曾透露:「大女好文靜,鍾意小朋友所以想教書」,認為熱衷教育的令山不會打算加入娛樂圈。她又笑言:「細女幾有表演慾,但無奈佢似我老公,怕醜到不得了,完全唔似我,多一個人已經好似啞咗咁,所以我唔覺得佢會做呢行。」看來觀眾們暫未有緣於螢幕上看見兩位「小公主」。

家庭旅行聚天倫

毛姐除了熱愛烹任,亦喜歡與家人旅行共聚天倫之樂。去年年頭Mo姐組團,孖母親及一家四口遊東京,她稱是次三代同堂的旅行為「與皇太后和大公主的假期」,又揚言「快樂就是跟我最愛的人一起」。有美食與家人相伴,相信他們一家已樂而忘返!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!