民間特首辦年貨 發哥 獨家派祝福
撰文：東方新地
圖片：新傳媒圖片庫
發哥：以前透支太多
雖然身家估計有56億，但發哥生活卻與物質從不掛鉤，沒有聘請司機，鍾意擠巴士，搭港鐵，茶記醫肚，生活簡單樸素，更被網民選為民間特首！年近歲晚，發哥近日亦趕辦年貨，同發嫂輪住去九龍城買定靚水果賀年。即使近日氣溫急降，但發哥仍堅持每朝keep住行山做運動，保持健康體態。發哥曾這樣說：「我嘅人生座右銘，就係開心同健康，但開心必須有健康做基礎。有好嘅身體先可以享受好嘅人生。以前我拍電影透支太多了，後來我漸漸明白：人生最大嘅錯誤，就係用健康換取身外之物，所以依家要補番。」
行山幾個鐘
日前，發哥一身運動裝出動，去八仙嶺行山數小時，之後駕車去海港城約朋友吃飯敍舊，雖然行山幾個鐘，發哥仍精神奕奕，毫無倦意，落車後急急腳去會朋友，被本刊記者捕獲，發哥更趁狗年將到，向本刊讀者拜年派祝福，發哥笑容滿面說：「祝大家狗年長長久久！身體健康！」
讚台慶氣氛好
出身自TVB的發哥，當年25歲已經演技爆發，由他擔演的劇集《上海灘》，至今仍令人回味，更是無綫最受歡迎劇集之一，雖然已經貴為國際巨星，發哥亦一直有留意娘家TVB節目及劇集，一年一度嘅無綫台慶頒獎禮，發哥亦喺屋企坐定定觀看，他對本刊記者大讚台慶氣氛好：「好好睇，好熱鬧呀！(係咪你心水？)個個都實至名歸！」
做快樂普通人
由香港影壇拍到去荷李活，發哥現時拍部戲片酬數千萬起跳，身家豐厚，錢多到使唔晒，而發哥每日卻只用幾百元，財政大權交給老婆陳薈蓮全權掌管，早於幾年前，發哥已經決定將整副身家捐出做慈善，用作幫助有需要的人。
錢只係暫時保管住
據知情者透露：「其實十幾年前，好多朋友都問過發哥，話佢賺咁多錢，諗住啲錢留畀邊個，當時佢已經好輕鬆咁話，啲錢唔係佢嘅，佢只係暫時保管住，嗰時真係唔明佢意思！原來佢一早就已經諗好晒，等自己將來離開之後，就將全副身家捐晒去做慈善！」
辦妥慈善基金
發哥一早看破財富：「我冇司機同助手，我理想就係做一個快樂嘅普通人。人愈成長，愈發現，人生中真正難嘅唔係賺幾多錢，而係點樣保持住一顆安寧嘅心！平凡開心咁生活！」早前發嫂受訪亦公開承認，慈善基金手續已經搞妥，發哥如此無私大愛造福人群，真係民間英雄！
延伸閱讀：
唐文龍 秘撻「10億咪神」黃文意
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
