尋秦記 古天樂

尋秦記|江華請古天樂食檸檬 網民集氣失敗

娛聞

廣告

《尋秦記》電影版千呼萬喚始出來,由古天樂牽頭馬籌備多年,終於拍畢準備上映,日前更流出《尋秦記》預告片,網民期待以久的回憶返晒嚟,但卻議論紛紛為何主角之一的江華未有在電影中出現,大表失望。

撰文:東方新地 | 圖片:東方新地

《尋秦記》預告片流出

《尋秦記》前年開拍,身兼老闆同主角的古天樂,為保留原劇神髓,親自召集原班人馬演出,當中林峯、宣萱、郭羨妮、滕麗名及雪兒全部歸隊,只欠劇中演大奸角連晉、嫪毒的江華冇影,原來江華一早請古仔食檸檬,表示無意二十年後再拍相同角色。係堅持定執著,真係見仁見智,不過就令費盡心思想拍好電影的古天樂大感無奈﹗

尋秦記 江華 古天樂
《尋秦記》預告片日前在內地流出,在網上瘋傳,短短十多秒的預告片,見到當年的主要角色,卻獨欠江華﹗

《尋秦記》堪稱穿越劇經典的,不止是古天樂離開無綫最後一部劇集,更加是他演技同事業同登高峰之作,幾年前古仔已經買下電視版權計劃開拍電影版,籌備多時終於落實19年下半年開拍,並在「影視娛樂博覽2019 」上,古仔就率領《尋秦記》一眾演員林峯、宣萱、郭羨妮、雪兒、滕麗名等原班人馬回歸,十九年後再聚首演出,一班演員都表現興奮。

尋秦記 江華 古天樂
《尋秦記》預告片以原班人馬,再度聚首八字作號召。

《尋秦記》江華拒再做同一角色

《尋秦記》電影老闆古天樂更揚言:「要集齊人難過儲閃卡﹗」到底邊個令古仔咁感觸,咪係劇中演大奸角連晉、嫪毒的江華。據知情者透露:「江華好執著,佢唔想二十年之後仲拍番同一個角色,而且佢覺得既然當年已經咁經典,再演未必做得番嗰種神髓﹗」早前受訪江華亦表明立場唔會拍:「一部電視劇能夠成為觀眾心中嘅經典已經好勁,冇必要再重拍,更何況全部演員都已經老咗,喺商業角度睇係有追看性,但喺演員角度,究竟想表達啲咩﹗」

尋秦記 江華 古天樂
三大主角為拍電影版《尋秦記》再聚首。

《尋秦記》三大主角再聚首

籌備多年的神劇《尋秦記》電影版終於落實開拍,老闆古天樂透露電影版會是十九年後的獨立故事,他和宣萱、林峯繼續擔任重頭角,雖然宣萱提議大家相處咗十九年,可否不用再講古文,卻被古仔即時 KO:「唔可以﹗」

尋秦記 江華 古天樂
古天樂堅持用回《尋秦記》原班人馬演出電影版先夠傳神,不過,劇中要角江華就講明唔拍,請古天樂食檸檬。

古天樂堅持原班人馬

當年演出項少龍一角入型入格的古仔,對《尋秦記》有著深厚情意結,計劃開拍電影版,更是作為向他視為恩師的黃易(原著小說作者)致敬:「呢套劇可以話係穿越劇嘅始祖,而且故事布局精密,古仔對原著作者黃易好欽佩,不過17年黃易因病離世,令古仔好難過,覺得好遺憾對方唔能夠睇到電影版上映,亦令佢承諾會加緊籌拍,其實好多人都想參演《尋秦記》,但古仔就堅持用番原班人馬先夠傳神﹗所以全部台前幕後都係佢親自出面邀請。」

尋秦記 江華 古天樂
在「影視娛樂博覽2019」記者會上,古天樂率領電視劇《尋秦記》原班人馬林峯、宣萱、郭羨妮、滕麗名及雪兒現身,宣布開拍《尋秦記》電影版,一班演員均表示能拍電影版非常開心,相信只有江華唱反調。
尋秦記 江華 古天樂
《尋秦記》是古天樂離開無綫前顛峰之作,他更對原著作者黃易非常欽佩,17年黃易因病離世,古仔就在個人社交網發文悼念對方!

《尋秦記》背景是秦王統一六國

見解獨特的江華,其實可能真係諗多咗,事關古仔在記招上已透露,電影版故事獨立,絕不是重拍咁簡單:「故事發生喺十九年後,秦王都統一六國,後發生咩事冇人知道,好多創作空間,亦有唔少科幻元素,就算演員角色身份都可能有變,唯一同劇集有延續性,就係項少龍會有個19歲嘅仔,因為係講十九年後嘅故事,最大好處係大家都唔使刻意化老妝﹗」唔知聽完古仔咁講,江華會唔會改變主意,話晒原班人馬重聚合作,絕對係可一不可再﹗

尋秦記 江華 古天樂
江華在電視劇 《尋秦記》演的奸角連晉因暗戀烏廷芳 (宣萱) 而同穿越到戰國時代的項少龍(古天樂)交惡,角色性格由忠變奸。
尋秦記 江華 古天樂
江華同古天樂、宣萱劇中有不少對手戲。
尋秦記 江華 古天樂
古天樂演的項少龍坐時光機穿越回到戰國時代,與劇中演趙國巨鹿侯府第一劍手的江華正面交鋒,江華角色戲份極重。

江華單拖買外賣

淡出幕前的江華,早前一個人到九龍城買海南雞飯外賣。

尋秦記 江華 古天樂
江華早前單拖買外賣,離開幕前多年,依然有星味,途人一眼認出他。

keep住身形

雖然冇再拍劇,不過 58歲的江華身形仲 keep 得甚fit ,並冇發福更加冇肚腩!

尋秦記 江華 古天樂
江華拒拍電影版《尋秦記》,令網民相當失望。

急急走人

尋秦記 江華 古天樂
江華買完外賣匆匆上車走人。

信主後的江華,近年愛在社交平台分享個人感受,不時更新「智語分享」,曾就在微博表示,唔會為賺生活費而隨便拍戲,相當有性格。

高質大仔無意入行

近年變得隱世的江華(原名陳木華),其26歲長子陳耀淙( Bryan )亦唔似一般星二代,對娛樂圈發展全冇興趣,反而考入公立醫院做救護員,疫情期間做過前線醫護,以救人為己任,相當有大志及愛心。

尋秦記 江華 古天樂
江華一家四口,大仔顏值高,卻無意在幕前發展,專心做護士,相當有愛心。

網民:「江華唔扮劉華,仲係唔係江華?」

劉華、江華定劉江華?傻傻分不清!有時真係唔怪得小編,係江華無論係演員定做保險,舉手投足都比劉華更劉華!話說轉行做保險都已經好多年,早排喺九龍城見到江華攞車,小編個心都係離一離:「唔通畀我野生捕獲劉華?」鬼咩?邊有保險從業員出轉夜街會反笠頂cap帽、成身潮服至得㗎?

江華

「江華、劉華」傻傻分不清!江華繼續劉華 反笠cap帽

江華
見到鏡頭,江華不慌不忙保持鎮定仲要好有台型,凌厲眼神睥完你、再伸手整個劉華式民間特首手勢打招呼。事實勝於雄辯,唔好再話江華鍾意扮劉華,江華根本就係劉華,OK?
江華
真・劉德華

第一眼見到有個反笠頂帽、全身黑色、輪廓分明嘅有型大叔,係唔係十足十劉華先?

江華

望真啲,原來係前度師奶殺手現職保險的江華,畀人話似劉華講足30年,小編都唔識分,到底佢係扮,定係做緊自己。

江華

雖然淡出娛樂圈,江華見到鏡頭依然淡定,仲整多個民間特首一樣嘅氣勢手勢,同小編打聲招呼先。

江華

打完招呼上到車準備開車走,繼續劉華上身,勁chok,全套動作一氣呵成、登台一樣,就算係真劉華出場,小編都懷疑有冇做得咁流暢!

江華

江華、劉華 世紀合照

已經轉行賣保險嘅江華年輕時風度翩翩,迷死唔少師奶,而且一直都畀人話同劉德華似樣。2015年江華曾經喺微博上載咗兩張同劉華嘅合照,講真兩位型男同以往都冇咩分別,都係一樣成熟有型,都仲係好似樣!

江華

尋秦記|江華請古天樂食檸檬  網民集氣失敗
兩個人對上一次合照已經係2003年。

 

江華
當然唔少得小編自家製嘅世紀合照!