港姐三十強 最索Maggie成大熱

港姐三十強 最索Maggie成大熱

最新娛聞

廣告

今屆三十位入圍港姐佳麗早前已正式曝光,今日眾人逐一上台作自我介紹。今年有好多高學歷佳麗,但數到大熱門,肯定係鄺美淇(Maggie),就連天王郭富城都係佢fans,可想而知佢有幾正!

Maggie要增磅

22歲Maggie係三十強中外表最索,加上於加拿大Ivey Business School At Western University畢業,即成今屆大熱!問到如何備戰,Maggie說:「其實我好為食,但由細至大都好瘦,所以要努力增磅。希望決賽時都可以好冷靜。(咁肯定自己入到決賽?)都希望入到決賽!」

馮盈盈 唔敢認熱門

另一熱門22歲馮盈盈表示多謝大家留意自己,仲好謙虛說:「自己係咪真係大熱就唔敢講,因為質素好平均,好多佳麗都好有潛力!話我係大熱實在太早,希望keep住團火。」

蘇可欣寸爆馮盈盈

問到邊位佳麗最搶鏡,空姐出身嘅蘇可欣寸爆說:「馮盈盈,好想好似佢咁白,白到反光!」

代蓮曦丹美:冇整容

來自蒙古23歲佳麗代蓮曦丹美,被指舊照跟現在樣子有好大分別,被質疑曾整容,佢否認:「我冇,冇整容!可能嗰陣未成年,同埋有啲相,可能俾相機嘅角度將塊面拉闊咗,我全天然,冇打針亦冇接受過醫學美容。」

遲到王阮嘉敏

25歲阮嘉敏比原定時間遲了半粒鐘先到場,佢解釋女人病所致:「係有小小唔舒服,因為天氣變化好大。(咩病?)都係啲女士病。」

劉穎鏇最高

19歲劉穎鏇不但屬最年輕,而且5呎9吋更係今屆最高佳麗!笑言未必有身高優勢,因為中文唔太好:「個個女仔都好靚!我覺得我中文都OK,係聽到少聽嘅講法會唔明,普通對答都可以。」

黃豆 最重

22歲黃豆體重達137.6磅屬本屆最具分量佳麗,原來佢擁有跆拳道黑帶二段及具教練及初級裁判資格,難怪咁大隻!

高材生一族

24歲張寶兒於倫敦大學畢業,樣子都算OK,只係身形略為平平!

23歲程皓於英國華威大學修讀政治學,但樣子一般,較難突圍!

22歲龔佩曄係城巿大學碩士生,雖然身形夠晒高,但都係外形普通,陪跑居多!

全文完

 

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
Maggie港姐