湯洛雯

湯洛雯高調回應翻撻傳聞 羅天宇保持神祕!

最新娛聞

廣告

湯洛雯與前男友羅天宇拍拖近四年,可惜二人於上年年底分手。近日,湯洛雯上載一張附有歌詞的相片於個人社交網,因而被一眾網友認為她是對上一段戀情憑歌寄意。日前,靚湯終於回覆傳媒有關翻撻傳聞!

撰文:東方新地|圖片:instagram

湯洛雯高調回應翻撻傳聞

湯洛雯與前男友羅天宇上年年底分手,雖然二人分手近大半年,但就有傳指羅天宇一直對靚湯念念不忘,而近日靚湯似乎對於ex嘅未了情有所回應,喺個人社交網上載一段歌詞,令不少網友都大估靚湯係想憑歌寄意!

由於歌詞中提及「緣若盡了,就不該再重來」,難免令人會以為靚湯係想揮慧劍、斬情絲!為咁親証事件真偽,靚湯亦大方接受傳媒追訪,表示自己純粹認為首歌好聽,所以分享一下。

靚湯仲坦言話都知道有網友會對佢上載嘅相有所猜想,但佢笑指大家真的想太多了。

至於前男友羅天宇就冇正面回應翻撻傳聞,只係向傳媒表示對方都有話佢知,純粹只係覺得首歌好聽,並冇特別意思。但點解靚湯要同前度解釋?

而近日,靚湯就上載一張著住露膊裙嘅相,並同時留言問:「我可否做你的灰姑娘?」未知靚湯係咪已有心上人呢?

湯洛雯羅天宇《愛.回家》擦出愛火

湯洛雯首次演出的劇集《愛・回家》,當中佢飾演思思一角深受觀眾歡迎,清純鄰家女孩形象相信大家都仲記得。而靚湯亦因為此劇與飾演馬子仁的羅天宇傳出緋聞。雖然二人並冇正式承認,並一直聲稱了解中,但大家早已認定佢哋係一對!

堅稱「了解中」

靚湯與羅天宇一直了解中,期間多次被被傳媒拍到佢哋睇戲約會。雖然羅天宇有個外號叫「女神殺手」,但「靚湯」看來沒有介意,更力撐羅天宇好仔!事關有報道指,羅天宇已經見過女方家長,而「靚湯」大讚羅天宇專一好仔,看來二人發展十分穩定。

湯洛雯吻賀壽星仔羅天宇

之前羅天宇30歲生日,男人三十而立當然要好好慶祝,邀請多位圈中好友如陳瀅、劉佩玥及何廣沛等在其紅磡寓所開P。其中靚湯以女主人身分企正壽星仔身旁影相,連靚湯妹妹Cassandre亦有現身,可見兩家人關係融洽。而重點係,慶祝到興起之際,靚湯為捧著蛋糕的羅天宇送上深情一吻,冧爆一幕被拍下在網上流傳,男粉絲們真係心碎了!

湯洛雯認與羅天宇發展中

其後靚湯被問到與羅天宇開P時咀嘴,係咪正式公開戀情?靚湯表示「冇話公唔公開嘅」,因為早幾日已同大家講係發展中,而當日開P咁開心,所以就俾個Kiss對方,靚湯仲話其實好尷尬!

另外靚湯又強調兩人係啱啱開始發展,未去到談婚適嫁、見家長的階段,所以兩人都希望保持低調,等更穩定後、有結婚念頭後先公開。不過佢哋現時未有呢個打算,都係以工作為先!

湯洛雯與羅天宇分手四個月

其後,原來表面上一直好sweet的湯洛雯同羅天宇都已經分手約四個月!羅天宇接受傳媒訪問時表示兩人係和平分手,分開後仍然有繼續聯絡同關心對方,希望大家俾啲空間佢哋。

傳羅天宇火速撻著陳瀅

雖然有指湯洛雯同羅天宇近半年無數次合合分分,經常嗌交,所以最終決定分開。不過事情似乎唔係咁簡單,因為據知有樣(ok啦)有家底的羅天宇近日俾鍾意同有錢人做朋友的陳瀅睇中,兩個人行得好埋,成日見面,唔知係咩關係啦!

陳瀅早前喺大排檔拍「挑戰發呆1分鐘」影片時,據知唔少人都見到羅天宇亦在場,新歡舊愛都係粉絲萬千的靚爆女神,羅天宇真係唔簡單呀!羅天宇亦有對此回應,稱其實當日係一班人食飯,仲話唔好意思累咗陳瀅喎…

講返陳瀅,唔少人覺得佢靚女得嚟又唔係一般大眾臉,反而有一種奸奸哋、姣姣哋嘅感覺,更令人欲罷不能;另外身材好得嚟又唔係四肢勁纖細,而係較圓潤、有肉地,正呀!

泳裝女皇

現年27歲嘅陳瀅有樣有身材,鬼妹仔性格夠晒豪爽,泳衣照當然少不了!

半透明的舞孃

陳瀅鍾意哂Body唔係咩新鮮事,早喺寫真集《半透明的舞孃》入面,佢就已經影過半裸照,只遮三點,勁大膽!

呢張經典照又點少得?

湯洛雯大玩若隱若現事業線

自從甩拖後,湯洛雯一直都心情靚靚,不斷哂泳衣照,去到邊就哂到邊,今次去到新加坡就緊係唔例外啦!靚湯就喺個人社交網分享自己喺泳池游緊水嘅一段短片,片中見佢表情多多,又嘟嘴又單眼咁,最重要係佢喺水面浮下又沉下咁,胸前事業線就若隱若現,不知幾誘人!

除此以外,靚湯其後又再哂一張露肩嘅個人照上網,見到佢單邊露香肩,仲要眼鏡輕碰嘴邊,真係睇到網民友暈晒浪!

🐰

A post shared by R O X A N N E 湯 洛 雯 (@roxannetong) on

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!