琦琦

琦琦帶囡囡現身高訂騷 女兒與偶像興奮同框!

最新娛聞

廣告

日前,名模琦琦帶住14歲女兒任晴佳(Ella)飛到法國巴黎,出席當地一個秋冬高級訂製系列的時裝騷。年紀輕輕的Ella出哂名擁有一雙大長腿,拍埋名模身邊影相,高度完全差唔遠,睇嚟要繼媽咪做名模之後,相信指日可待!

撰文:東方新地|圖片:琦琦instagram

女兒與偶像興奮同框

近日,琦琦帶同囡囡任晴佳(Ella)飛到法國巴黎,出席當地一個高級訂製系列的時裝騷。據知,Ella一直對時裝好有興趣,亦想成為時裝設計師,故今次係琦琦首次帶同Ella睇時裝騷,並希望籍此兌現兩年前對囡囡的承諾。今次的時裝周中,Ella更與上其最喜愛的美國名模Karlie Kloss,二人更影相留念。

琦琦透露女兒夢想

琦琦上載的另一張相只得愛女一人,見到年僅14歲的Ella唔笑兼只cool爆望鏡頭,十分有模特兒的風範和氣場!雖然未知大個後有冇興趣做模特兒,但琦琦就透露Ella的夢想是做時裝設計師。

任達華琦琦囡囡 有43吋長腿

話說任達華同琦琦個獨女任晴佳曾處女登場擔任首飾品牌模特兒,仲跟住媽咪一齊去到鋪頭揀母親節禮物。13歲時,Ella身高已經超過5呎7吋,眼大鼻高、樣子甜美,隨意一身白T、熱褲平底鞋,又pure又true。五官完全集合父母優良DNA,不過一對又直又長的43吋長腿,更加搶晒鏡!

年紀細寧推job

其實天生咁嘅條件又有影帝爸爸同超模媽媽教路,唔行天橋唔做幕前,真係好浪費,華哥講到明代女推咗唔少job,當中仲包括有真人騷㖭,中港台都𥄫住呢位長腿星二代,雖然親手推咗唔少錢走,不過華哥話一啲都唔會手軟,全因為囡囡仲細,暫時唔考慮住咁話呀!大家死咗條心等多幾年先啦!

九頭身標準身材外,晴佳五官亦標青又甜美,笑起上嚟見到棚箍牙,依然咁省鏡。

任晴佳 12歲驚豔網民

有個影帝爸爸與名模媽媽的Ella12歲生日時,琦琦在微博上載多張相片,分享女兒生日派對的盛況,相片可見Ella遺傳了父母的優良基因,如今已出落成一位美少女,更擁有高佻身材,絕對有條件和媽媽一樣踏上天橋!

據知,而家14歲的Ella已有170cm高,擁有一雙大長腿的她,當然備受大眾注目。

盡得父母優良基因

華哥與與琦琦在97年結婚,04年誕下女兒,盡得父母優良基因的Ella自小已經是美人胚子,不但會跟隨父母出席公開活動,更曾與媽媽一起登上時尚雜誌封面。

Ella每年都會跟爸爸媽媽去到世界各地旅行,認真幸福~

小女孩轉身變 已變美少女

Ella跟住媽媽琦琦去到美國夏威夷玩,喺當地與朋友大玩浮潛,媽媽仲幫佢影咗好多靚相!相中見到12歲已經有161cm身高的Ella,着住牛仔熱褲大晒一雙長腿,非常煞食,再大個啲真係不得了!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!