痞子殿下

痞子殿下|周嘉洛露股上陣原來係監製意思 打底褲都唔俾著見全相

最新娛聞

廣告

《痞子殿下》昨晚(8月3日)播出第二集,周嘉洛破格演出露股,本身佢用牛皮膠紙遮蓋重要部位,點知浸落水就甩,搞到做對手戲嘅張穎康尷尬到擰轉面。

即睇《痞子殿下》最新劇情劇透
痞子殿下 周嘉洛在《痞子殿下》中全裸出浴露股演出。
周嘉洛在《痞子殿下》中全裸出浴露股演出。(圖片來源:TVB提供)

《痞子殿下》周嘉洛做男主角 露股博到盡

《痞子殿下》昨晚劇情講到張頴康打算偷睇陳瀅沖涼,點知原來沖緊涼嘅係周嘉洛,佢仲即時企起身鬧爆張穎康淫賊,點知掉轉俾對方威脅:「你知唔知每個男人心裏面都有座山架?係斷背山呀!」

痞子殿下 張穎康威脅周嘉洛話每個男人心面有都有一座斷背山。
張穎康威脅周嘉洛話每個男人心面有都有一座斷背山。(圖片來源:TVB提供)
痞子殿下 周嘉洛起身鬧張穎康,點知唔記得自己「冇遮冇掩」。
周嘉洛起身鬧張穎康,點知唔記得自己「冇遮冇掩」。(圖片來源:TVB提供)

《痞子殿下》周嘉洛犧性色相 監製要求全裸上陣

周嘉洛呢幕出浴戲本身係有打底,身穿肉色褲打底遮住重要部位,但監製Andy為咗更好效果建議嘉洛全裸上陣,點知佢二話不說就應承,周嘉洛受訪時同樣爽快回應謂:「都係為咗效果,對我嚟講無傷大雅。」佢補充指當時更臨急臨忙做安全措施:「監製同我一齊去㗎,主要用牛皮膠紙黐住敏感位置。」被問到搣膠紙時會否好痛?嘉洛笑謂:「都唔會痛,因為一浸落水度啲膠紙就會甩,反而係起身時驚穿崩,好彩前面得張頴康一個,佢見到膠紙就甩都擰轉面,好似仲講咗句『我唔想睇,唔好逼我!』」

痞子殿下 本身周嘉洛有著肉色底褲打底,不過監製為咗更好效果,要求佢全裸啦。
本身周嘉洛有著肉色底褲打底,不過監製為咗更好效果,要求佢全裸啦。(圖片來源:TVB提供)
痞子殿下 周嘉洛用牛皮膠紙遮蓋重要部位,點知浸落水就甩,仲嚇親張穎康。
周嘉洛用牛皮膠紙遮蓋重要部位,點知浸落水就甩,仲嚇親張穎康。(圖片來源:TVB提供)

《痞子殿下》張穎康「生擒」陳瀅 JW「焗蟹」

昨晚另一亮點是張頴康、朱敏瀚、陳瀅及 JW 聯手設局嚇周嘉洛意圖喚醒其失去的記憶; 該場戲可說是嘉洛的 Solo 演出,一輪嘴式重組案情揭穿眾人詭計喜感及節奏感十足,據 知嘉洛為了令該場戲變得更豐富立體,更與監製 Andy 齊齊研究對白、最終度多了半頁 紙,相當認真;而該場戲中張頴康同樣表現亮眼,他先是扮晒嘢「生擒」陳瀅,後來又 錯手拮傷嘉洛,無論表情或是舉動均別具喜劇細胞。張頴康受訪時透露該場戲其實拍得 並不輕鬆:「嘉洛演得好辛苦、就係因為 Solo 位比較多;如果唔加啲嘢落去就好似冇咗交流咁,所以都盡量加啲嘢去配合。」張頴康又笑指在片場經常「焗蟹」:「不過一山還 有一山高,原來 JW 比我更加忍唔到笑,拍到後期淨係望住佢已經想笑,我同佢瀨嘢係最多!」頴康坦言很享受拍攝《痞子》過程:「雖然話係古裝,但我哋會將啲時裝嘢加落去,今次有機會可以好認真咁去做一件錯嘅事(註:例如在古裝劇加入現代元素),真係好難得!」

痞子殿下 呢一幕笑料百出。
呢一幕笑料百出。(圖片來源:TVB提供)
痞子殿下 JW原來成日「焗蟹」。
JW原來成日「焗蟹」。(圖片來源:TVB提供)

《痞子殿下》被喻為最現代的古裝劇?

《痞子》劇情玩味十足,亦加插不少現代化及無綫劇特有的元素⋯⋯詳情請看

周嘉洛首當男一就犧性色相?

周嘉洛破格演出露股,本身佢用牛皮膠紙遮蓋重要部位,點知⋯⋯詳情請看

撰文:東方新地圖片來源:TVB提供、YouTube@TVB資料或影片來源:YouTube@TVB