白面春美夠驚嚇 吳家樂：工作人員叫我咪周圍走
廣告
吳家樂於《城寨英雄》演大奸狗馮春美大受歡迎！為營造冷血陰險一面，吳家樂每集都化超厚粉底加個血色紅唇，配合其陰陽怪氣演繹，加埋咁啱農曆七月鬼節，真係好嚇人！
更多文章：
《城寨》春美吳家樂娶富豪女 生三個
激戰花曼《城寨》馮春美大限已到！
嚇親同事
吳家樂昨晚出席《城寨英雄》慶功晚宴，提到憑白面春美哥角色受觀眾歡迎，吳家樂表示今次係大膽嘗試，因為該劇監製文偉鴻當初搵佢傾呢個角色花了45分鐘，之後又不斷試唔同造型，最後認為呢個最合心水。至於三個仔女睇完有咩感覺，家樂笑言：「覺得怪樣囉，開工嗰時又撞正農曆七月，啲工作人員見到我叫我宵夜時段唔好四圍走！」不過，對於大家喜歡春美哥感到好開心，而佢覺得自己表現合格而已！家樂又提到劇中打戲九成都親身上陣，問到有否受傷，家樂說：「一定有，有扭親又有撞瘀！」
全文完
