明星怪癖

真係估你唔到喎!盤點娛樂圈7大明星怪癖

最新娛聞

廣告

日常生活中可能大家都會有一些獨特的怪癖,最近王力宏喺內地一個綜藝節目,俾好朋友陶喆爆出佢平時鍾意著穿窿襪,仲要佢當眾要佢除鞋,估唔到藝人嘅小習慣都好奇怪,周杰倫鍾意坦蕩蕩,唔著底褲,大S的喜好超級恐怖,還有啲你估都估唔到,當然網上流傳的有真有假,小編馬上為大家分析娛樂圈7大明星怪癖,到底哪個是真哪個是假。

撰文:娛聞樂|圖片:節目截圖 |編輯:東方新地

盤點娛樂圈7大明星怪癖

1. 王力宏

最近王力宏喺內地一個綜藝節目,俾好朋友陶喆爆出佢平時鍾意著穿窿襪。仲當眾要佢除鞋,陶喆話王力宏喺衣著方面係非常節儉㗎!話佢衣櫃入面全新都係爛襪!令到王力宏尷尬到癲,仲揮晒手叫佢咪再講!

不過陶喆懶理繼續講,話懷疑佢今日上節目都係著爛襪,結果一除,力證咗陶喆嘅說話!仲唔識死話佢對鞋有「海鮮味」

有網友話節儉係好,但好似有點太over!不過有網民超厲害,發現佢15年個陣post嘅相入面嘅裇衫係佢01年個陣專輯嘅演出服裝,仲有一個行李箱,王力宏都可以用10年,仲出文紀念:「親愛的行李箱,謝謝你陪我走過快十年的路,繞了無數次地球,保護了我大大小小的生活用品,而從來沒有搞遺失過。你這次是真的破了,我想是你在告訴我:『該換新的了。』」認真念舊呀!

2. 周杰倫

周杰倫唔鍾意著底褲絕對不是小編亂吹的,是佢親口喺視上公開的,佢仲話過『不穿內褲,感覺很屌!』(不是粗口,是很厲害的意思),聽講佢唔鍾意著底褲係因為未出道前通常都會喺公司做到好夜,就留喺公司瞓,後來因為覺得經常要帶底褲替換好麻煩就索性唔著。小S也在《康熙來了》驗證過,周董還坦承其實每次上《康熙》都不會著底褲。

3. 周星馳

星爺貴為電影圈鬼才,思維當然與一般人不同,佢嘅拍檔兼緋聞女友朱茵早前就有爆料說他有很多怪癖,私底下有點難相處,原來星爺仲非常怕黑,喺酒店瞓覺時絕唔熄燈,有時候仲要求男助手喺房間內陪伴先可以安心入睡,更試過一次過買300件一模一樣的白Tee,以便每天替換,果然有錢就是任性。

4. [email protected]

Selina的粉絲都應該知道,平日她算是比較膽小,如果到外地工作,一定要同成員同房,總之三個人房間分配就係Selina 同Ella,或者Seline同Hebe,如果Hebe和Ella同時要離開房間一段時間,她也一定要工作人員陪。看來時常到處飛的明星確實比較空虛。

5. 鄭元暢

台灣藝人鄭元暢喺訪問中提過自己應該細個比較內向同孤獨,有食紙巾的習慣,但係大個後就慢慢適應與人相處,改掉了呢個奇怪習慣,小編認為其實而家可以去東華表演,話唔定可以籌到好多善款。

6. 鄭中基

好耐之前網上流傳阿Sa與鄭中基離婚嘅原因是因為喺屋企搵到佢收藏人哋嘅一套比堅尼,仲傳出鄭中基鍾意收集比堅尼傳聞,不過鄭中基喺一次訪問中澄清了,仲大叫冤枉,呢個應該唔係事實嚟嘅!

7. 大S

大S嘅怪癖小編認為有啲恐怖,因為佢鍾意收集動物屍體照片,大S話有一次喺路邊見到一隻被太陽曬乾嘅小狗屍體,令佢突然迷戀上收集呢啲恐怖照片,而家見到死貓死狗都會馬上拍照留念,以前佢嘅房間更是掛滿呢類照片,佢都享受被照片包圍一同入睡的感覺!(聽起來真的很可怕!)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!