練海棠上月同長髮女夜遊南灣海灘兼車廂纏綿兩粒鐘，搞到伍詠薇要代夫道歉，當時伍姑娘大講金句護夫，仲將責任攬上身怪自己唔夠顧家，盡顯大婆風範！EQ高又大方得體嘅伍姑娘，記招當日話會返屋企關埋門同老公溝通，嗱，伍姑娘唔係得把口㗎，佢哋兩公婆開完家庭會議，最終和好如初，長髮女敗走秘密搬走，而伍姑娘就同老公練海棠去三亞度假修補關係增進感情，大團圓結局！

其他文章︰

愛．回家之張秀文水着救亡

馬明勇敢表白：鍾意唐詩詠

伍姑娘上星期五(24日)飛去海南島三亞度假，同行除了老公練海棠，仲帶埋6月27日生日嘅女助手「妹頭」同助手媽媽出遊，估唔到伍姑娘唔只係絕世好老婆，仲係絕世好老闆！

幫助手慶祝生日係其次，重點一定係伍姑娘對練海棠呢個箍煲trip究竟滿唔滿意先？話明係要重修舊好，點都要落重本先顯得夠誠意啦！伍姑娘今次入住當地五星級酒店Sofitel嘅總統套房，面積有2千幾呎，仲有私家泳池，方便兩公婆鴛鴦戲水！住得豪，食當然亦唔能夠馬虎，去酒店歎中西餐外，練海棠特別安排坐船出海豪擦海鮮，好味又夠風味，啱晒識飲識食嘅伍姑娘！出錢之餘，練海棠連助手都做埋，成日揸機幫老婆影相拍片，仲出埋鏡介紹食物。從伍姑娘個風騷樣睇得出，應該好滿意老公表現啦！

雖然伍姑娘今次唔係歐遊冇得瘋狂濕平，但日日唔係游水就係按摩，堅爽爆！不過助手趁伍姑娘全裸按摩時做facebook直播，唔覺意搞到伍姑娘走光，希望唔使俾人扣人工啦！

全文完