3位42歲女星騷素顏照 娛圈吹起素顏自拍風？
撰文：東方新地｜圖片：微博、instagram
3位42歲女星騷素顏照
林心如
近日，有兩位台灣女神級女星不約而同地於個人社交網上載個人素顏照，恰巧二人同為42歲，但肌齡卻猶如大逆轉，故獲一眾網民激讚！講緊的其中一位是林心如，她素顏上陣兼自拍，仲留言話：「就是不用修圖啊！」
有網友見女神自拍都不用修圖，不禁留言話：「怎麼素顏也可以美成這樣 眼睛大就是贏一半」又指她根本不用修圖。
其實女神為維持美貌及身型背後都下了不少苦功，就以林心如為例，她有時間亦會多做運動，以加快身體新陳代謝和維持纖瘦身型。
做緊gym的心如都似是以素顏上陣，整體望落皮膚質素還不錯！
舒淇
另一位台灣女星則是一直受皮膚敏感困擾的舒淇，她近日近鏡自拍，見其皮膚回復白滑，心情大靚！
舒淇不時會上載自拍相上網，又同大家分享生活近況，素顏下的她亦不見倦容！
趙薇
今年同樣42歲的內地女星，「小燕子」趙薇亦大晒素顏照，相中見她眉清目秀，非常省鏡！她更留言：「不化妝真的挺舒服，不過真實原因是不太會化妝。」
佘詩曼素顏出海
日前，43歲美魔女之一嘅佘詩曼趁唔洗出席新戲宣傳，一於出海吹吹海風，感受一下炎夏帶嚟嘅樂趣。啊佘心情靚靚，於是上載一張素顏相於個人社交網，零妝容嘅佢皮膚質素非常好，肌膚白裡透紅！佢仲留言話：「Sunday.Funday! #enjoy #sea #sunday #girl」
雖然話啊佘今年已經43歲，但佢keep得非常好，無論係身型定外貌，都唔出佢已有4字頭！
佘詩曼愛騷素顏樣
另外，啊余其實都唔係第一次po素顏相上網，皆因上個月佢生日，同樣零make-up！啊余捧住個生日蛋糕，一啲歲月痕迹都睇唔到咁慶祝自己生日。
平日啊余唔洗工作，都愛以素顏出街，真係點睇都唔以四十幾歲，果然係名不虛傳嘅美魔女！
早前，佘詩曼更化身「智慧女神」拍攝最新電視廣告，長長嘅裙擺不斷被多把大風扇吹起，加上工作人員嘅幫助下，啊余散發出陣陣仙氣！
台灣女星分享素顏自拍照
另一邊廂，現時34歲女藝人楊丞琳一向出名出道多年樣貌不變，近日佢就唔舒服，但喺個人社交網分享咗自己兩張素顏自拍照，仲留言強調冇修圖、冇濾鏡、冇美肌、冇上妝！
雖然面帶病容，Rainie個樣有啲赲之餘，仲有黑眼圈出咗嚟，不過都依然省鏡，大批網民亦紛紛讚好，仲話見到佢有精神，就放心晒咁話！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
