王菲愛女竇靖童早前被翻舊賬，指佢出櫃承認同性戀者身份，後來童童經理人否認。出道短短日子已經新聞多多，好在童童性格同阿媽一樣，話之傳言係點，總之繼續我行我素，啋你都傻！日前童童被發現身在北京三里屯嘅27咖啡店，呢間cafe由王菲前夫李亞鵬投資，奇就奇在童童並唔係去飲咖啡，而係去打工喎！