胡定欣

胡定欣40歲脫單有望! Bob林盛斌「金牌媒人」發功號召IT界及金融才俊

最新娛聞

廣告

有「金牌媒人」之稱的林盛斌(Bob)曾經替好友朱慧敏、張秀文等搵到合適對象,但眼見年屆40的胡定欣仍然單身,他終於都忍唔住要出手,打算生日在家中舉辦派對,順便介紹男仔畀佢認識!

阿Bob下個目標是令胡定欣「脫單」,不過曾有男士問他胡定欣會否好惡,因覺得她眼神凌厲。
阿Bob下個目標是令胡定欣「脫單」,不過曾有男士問他胡定欣會否好惡,因覺得她眼神凌厲。(圖片來源:YouTube頻道《Chit Chat》截圖)
現年40歲的胡定欣事業成功,但感情未有着落。
現年40歲的胡定欣事業成功,但感情未有着落。(圖片來源:IG@nwuuu)
胡定欣 Bob成功撮合張秀文與金融才俊王大權,獲封金牌媒人。
Bob成功撮合張秀文與金融才俊王大權,獲封金牌媒人。(圖片來源:IG@sammicheung926)
胡定欣 Bob因為通波仔認識陳良貴醫生,成功撮合他與朱慧敏。
Bob因為通波仔認識陳良貴醫生,成功撮合他與朱慧敏。(圖片來源:Bob facebook)

阿Bob:40幾歲單身性格一定係有嚴重缺陷

金牌媒人阿Bob早前在陳敏之個人YouTube頻道《Chit Chat》表示,發現男女未能「脫單」的原因:「去到40幾歲都仲係單身嘅男女,性格一定係有嚴重缺陷先會single。」而他下個目標是令40歲的胡定欣脫單:「下一個定要搞掂佢就係胡定欣,佢一定得㗎!」陳敏之聽後大讚胡定欣是好女仔,既孝順又靚女,兼且獨立唔使養。不過阿Bob坦言:「我問過一啲男仔,啲人會同我講:『會唔會好惡?』覺得佢眼神凌厲,眉毛粗,怒瞪嗰下會攝走你。」但阿Bob亦都有為定欣平反:「佢嗰種溫柔、可愛同女性化係好正。」他表示知道定欣亦有自己的要求,近日他已物色到合適人選。直至近日,阿Bob終於都出手,日前出席活動公開表示正打算在生日當日於家中舉行大型派對,搵埋一啲金融才俊,叫埋胡定欣嚟互相認識!

陳敏之忍不住問胡定欣是否被人呃過。
陳敏之忍不住問胡定欣是否被人呃過。(圖片來源:YouTube頻道《Chit Chat》截圖)

胡定欣盼搵到Mr. Right

現年40歲的胡定欣貴為TVB兩屆視后,事業成功,但為何感情未有着落?早前她在陳敏之節目《Chi Chat》直言自己太過理智成為感情阻礙之一,但就指自己都有感性的一面:「嗰個人出現,我就唔會咁(理智)㗎喇。」相比起事業再創高峯,她坦言更希望找到「Mr. Right」︰「我唔需要諗,呢條唔係一條問題。」

胡定欣曾有一段時間非常沮喪,對愛情感到絕望。
胡定欣曾有一段時間非常沮喪,對愛情感到絕望。(圖片來源:IG@nwuuu)

胡定欣默認曾俾男人呃

胡定欣愛情路上交白卷,她直言自己不容易相信人。陳敏之忍不住問道:「你受咗乜嘢傷害呀?係咪俾人呃過呀?」胡定欣先是沉默,其後再一笑帶過:「冇呢啲乜嘢呃唔呃嘅,感情係雙方面嘅,都40歲人啦,你總有感情上嘅經歷。」言談之間似乎有難言之隱,敏之就不斷催婚:「你唔好再同我玩一兩年又話換畫,真係唔得㗎喇,而家我畀個target你,我只畀你拍半年拖到你就好結婚喇,跟住你就試下即刻懷孕。」

2012年胡定欣與圈外有米男友沈柏淳去到談婚論嫁的階段,可惜埋門一腳亦撻Q。
2012年胡定欣與圈外有米男友沈柏淳去到談婚論嫁的階段,可惜埋門一腳亦撻Q。(圖片來源:東方新地)

單身七年感沮喪

定欣慨嘆要找到Mr. Right不容易:「首先要付託終身啦,嗰個人其實係咪同你同步想組織家庭,或者係同一個方向,即係你喜歡一個人,跟住同佢點走嗰條路係兩樣嘢。」定欣去年在黎芷珊節目《單對單》中自爆已單身六年,更表示曾有一段時間非常沮喪,對愛情感到絕望,甚至向朋友傾訴:「我覺得我會孤獨終老。」

胡定欣未大紅時,曾與馬國明拍拖。
胡定欣未大紅時,曾與馬國明拍拖。(圖片來源:東方新地)

曾戀馬國明吳浩康

其實胡定欣的情路頗坎坷,她直認自己每段戀情都很短暫,最長的一次僅維持了兩年半。據報道指,胡定欣在未大紅時曾與馬國明拍過拖;2004年定欣與吳浩康公開戀情,當時男方惹上官非、事業受挫,她仍不離不棄,可惜2006年吳浩康移情莊思敏;2012年定欣與圈外有米男友沈柏淳(Patt Sham)去到談婚論嫁的階段,可惜埋門一腳亦撻Q,此後她刻意把戀情低調;2015年與著名音樂人陳明道相戀,不過一年後分手,最長戀情都不過三年。

2016年陳展鵬與胡定欣雙雙獲頒視帝視后,更不避嫌在鏡頭前吻賀對方。
2016年陳展鵬與胡定欣雙雙獲頒視帝視后,更不避嫌在鏡頭前吻賀對方。(圖片來源:東方新地)

曾傳被陳展鵬利用?

直至2016年定欣與陳展鵬合作劇集《城寨英雄》而傳出緋聞,人前人後都sweet到爆,同年兩人雙雙獲頒視帝視后,更不避嫌在鏡頭前吻賀對方。不過陳展鵬後來被影到密會單文柔,他更即時與定欣劃清界線,有傳胡定欣因感到被利用而大發雷霆。

去片睇返定欣點講:

希望阿Bob全力發功助定欣脫單啦!

阿Bob認為胡定欣40歲單身性格有問題?

金牌媒人阿Bob早前在陳敏之個人YouTube頻道分享對男女未能「脫單」的原因⋯⋯詳情請看

胡定欣默認曾俾男人呃?

胡定欣被陳敏之問及以往感情的受傷經歷⋯⋯詳情請看

撰文:東方新地圖片來源:YouTube頻道《Chit Chat》截圖、IG@nwuuu、IG@sammicheung926、Bob facebook