苗僑偉

同戚美珍結婚28年依然恩愛 苗僑偉:一定照顧佢一生一世

最新娛聞

廣告

無綫劇《飛虎之潛行極戰》正在熱播中,今個月18日就踏入60歲嘅三哥苗僑偉,在劇中飾演一名O記警司,戲份勁多,唔少人都讚三哥保養得宜,仲fit過唔少小鮮肉!

外表睇唔出即將「登六」嘅三哥苗僑偉,同老婆戚美珍原來結婚已有28年,依然咁恩愛,三哥嘅大女苗彤亦都27歲大個女,前年仲成為港姐嘅御用攝影師,而24歲嘅囝囝苗俊就長駐喺加拿大。

編輯:東方新地| 原文:Sunday Kiss|圖片:新傳媒資料庫、苗僑偉戚美珍微博苗彤IG

苗僑偉 飾O記警司

苗僑偉在《飛虎之潛行極戰》飾演O記警司聶宇航,同吳岱融飾演嘅高逸泰係好兄弟,而高逸泰兩個同父異母嘅兒子由黃宗澤同吳卓羲飾演,兩人都同苗僑偉有亦師亦父嘅親密關係。

三哥劇中有個靚老婆余慧貞 (劉美娟飾),又有個年輕嘅女兒聶雪盈 (吳思佳飾)。

苗僑偉 有型御用警察

依家59歲嘅苗僑偉外表夠哂型就唔多講,身型高大之餘,行出嚟個感覺亦只啱做大佬或者警隊較高級職位嘅角色。

一定照顧她一生一世

正「奔六」嘅三哥仲係非常有型,其實從以前開始三哥畀人嘅感覺已經係好瀟灑、成熟穩重,82年苗僑偉同戚美珍合作《飛越十八層》擦出愛火,90年結婚至今已經28載。雖然三哥間唔中都會傳出緋聞,但戚美珍依然相信三哥,三哥接受本刊訪問時曾經講過:「佢 (戚美珍) 為我生小朋友,每個人年紀都會大,樣貌會變,冇理由生完小朋友就丟咗佢,做男人要學識承擔,同你生活咁多年,唔可以半途拋棄佢,結婚時已經係一個承諾,我同太太經歷過好多風浪,一定照顧佢一生一世。」深情告白,難怪兩公婆能夠恩愛如此。

當年嘅三哥同三嫂!

Phoebe Miu(@phoebemiu)分享的貼文 張貼

結婚25年大放閃光彈

三年前三哥仲趁住結婚周年紀念,在微博大放閃光彈!佢仲寫到:「二十五年不算長,但肯定是不短的時光,謝謝有你的陪伴,謝謝有你們的祝福……感恩!」

一仔一女幸福滿滿

三哥同戚美珍育有一仔一女,大女苗彤已經27歲,盡得屋企人真傳身材非常好,前年仲獲邀成為港姐嘅御用攝影師,前途無可限量。但係上年就曾經傳出苗彤同鄭俊弘擦出愛火,搞到三哥派三嫂睇住囡囡,愛女心切,相信所有為人父母嘅都明白嘅。而囝囝苗俊則長駐係加拿大。

仔女健康最重要

三哥說,一個男人,無論在外面怎樣撒野馳騁,總向往回家的溫暖感覺。「見到一對仔女開開心心、健健康康,好過給我一個男主角獎。」說來老土,但相信是天下父母的心聲。

苗僑偉女兒 苗彤

三哥苗僑偉與太太戚美珍兩人都是獨當一面的藝人,女兒苗彤便盡得兩人優良基因,五官精緻之餘,笑容相當迷人,唔少人都覺得佢有潛力加入娛樂圈!早年苗彤在著名學府英屬哥倫比亞大學 (UBC)畢業,三哥夫婦專誠飛到加拿大參加其畢業禮,幸福得羨煞旁人。苗彤讀書叻又靚女,贏晒!

苗彤不時都會在網上大晒惹火身材!

樣靚身材正的苗彤曾獲無線邀請參選港姐,但因無意在幕前發展而婉拒其好意。雖然沒有參選港姐,但卻擔任港姐的攝影師。從佢在網上分享的作品可見,她絕對是一個專業的攝影師。

Phoebe Miu(@phoebemiu)分享的貼文 張貼

Phoebe Miu(@phoebemiu)分享的貼文 張貼

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!