苟芸慧

苟芸慧婚禮將重現處女黨 地上最強索爆人妻姊妹團

最新娛聞

廣告

早前,陸漢洋用TIFFANY鑽戒向苟芸慧(苟姑娘)求婚成功,並於二月宣布結婚,「處女黨」最後一員終於有著落後,亦即隨之瓦解。但並唔代表佢地唔會再次聚頭,皆因苟姑娘之前曾於鍾嘉欣及王君馨婚禮上擔任姊妹團成員,相信眾好姊妹在她結婚時,亦絕對會幫她再次組成地上最強之一的索爆姊妹團!

撰文:東方新地|圖片:instagram、新傳媒圖片庫

苟芸慧將有「索爆人妻姊妹團」?

早前,陸漢洋與拍拖兩年的苟芸慧(苟姑娘)求婚成功,並於二月宣布結婚,「處女黨」各成員都終於放下心頭大石,皆因最後一員亦有著落後。由於苟姑娘之前曾於鍾嘉欣及王君馨婚禮上擔任姊妹團成員,相信一眾好姊妹在她結婚時,亦會組成「索爆人妻姊妹團」!

鍾嘉欣生完時間啱啱好

苟姑娘的婚禮預計會於年底舉行,而現時懷有第二胎的鍾嘉欣,相信到時bb應該已經出世兼坐埋月,所以有理由相信苟姑婚結婚時,嘉欣一家四口就會齊齊由溫哥華返港出席苟芸慧的婚禮。

苟芸慧宣布結婚

之前,苟芸慧喺Instagram上載與男友合照,見到陸漢洋拎住一個TIFFANY & CO嘅戒指盒,苟姑娘姅用布蒙住眼睛!

另一張相就見到佢嘅無名指戴上閃爆鑽戒,苟姑娘留言:「很幸福,找到一個一生一世陪我看夕陽的人!」宣布求婚成功!

苟芸慧陸漢洋 狂放閃

今年34歲的苟芸慧和大十年的富三代陸漢洋拍拖一直玩低調,陸漢洋在意義跟情人節不相伯仲的520大日子,在fb貼出「52099」(意指我愛你苟苟) 高調放閃!

男方贈家傳之寶

陸漢洋和苟芸慧拍拖接受訪問時,陸指自己13年前喪母,將媽媽生前常戴的鑽石戒指改裝成男裝戒指以記念,陸漢洋更將家傳之寶送贈苟姑娘,已認定對方為終身伴侶。

兩口子溫馨行街

陸漢洋對女友無微不至,陪實苟姑娘,亦不嫌其煩陪佢到銅鑼灣行街睇女裝,更不時貼心畀意見,兩口子好溫馨!雖然即將嫁入豪門,不過苟姑娘只係睇平民大眾化的時裝店,未有睇名牌。

苟姑娘掃零食

苟芸慧的體重經常成為焦點話題,但陸漢洋man爆話:「其實佢依家都好靚,肥唔係罪,瘦都唔好太過分,佢肥瘦我都咁鍾意,最緊要佢開心。」本刊曾在天后捕獲二人拍拖,苟姑娘趁男友等外賣,自己就掃零食,幸福肥都無所謂喇~

甜笑認計劃婚事

苟芸慧和陸漢洋以往拍親拖都搵人掩護,如今對記者對鏡頭不再避忌,早前本刊記者追問婚期,二人笑到見牙唔見眼,婚事應該已在計劃中。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!