茶餐廳術語

《東張西望》教你5個鮮為人知茶餐廳術語

最新娛聞

廣告

平時去茶餐廳食嘢,聽住伙記講啲古怪用字,真係聽到一頭霧水。有啲茶餐廳術語相信好多人都識,例如「靚仔」即係白飯、「靚女」即係白粥、「汪阿姐」即係熱咖啡等等。但早前一集《東張西望》介紹咗一啲鮮為人知的茶餐廳術語,「攬住夏惠姨」?「肥妹咪嘔住」?大家又知唔知點解呢?

撰文:東方新地|圖片:《東張西望》截圖、新傳媒資料庫

教你5個鮮為人知茶餐廳術語!

1. 「攬住夏惠姨」

攬住夏惠姨咁過癮?原來「攬住」即係蛋治,好明顯係因為兩者讀音相近,連聲調都完全一樣,都幾易明啦!

夏惠姨等於西多士?

不過點解「夏惠姨」等於西多士啊?夏惠姨關西多士咩事啊?平時食西多士用緊要就係淋糖膠或者糖漿,不時喺《學是學非》亮相的搞鬼中文阿Sir就解釋,因為夏惠姨曾經同已故藝人林蛟叔有段情,所以「淋膠」(林蛟同音)代表西多士,就等於夏惠姨啦。

2. 「肥妹咪嘔住」

呢個又點解啊?「肥妹」原來即係朱古力,原因係飲得多朱古力就實會變「肥妹」。

「咪嘔住」即係腿牛治,原因係牛治嘅諧音係「嘔住」,哦⋯⋯ 真係學到嘢啦!

3. 數字之謎

另外,茶餐廳講效率,所以伙記落單都要快,所以茶餐廳術語中仲有一大堆數字。究竟「29」、「206」、「306」又係點解呢?

「2」咁簡單相信大家都一定知係熱啦,「9」嘅英文係Nine,咁29即係熱奶啦,206即係熱檸樂,而306即係檸檬可樂加薑。

4.「敗家仔」

茶餐廳術語好多時都係同時代掛鉤,「敗家仔」呢個隱世術語你又估唔估到係咩呢?畀5秒時間你諗!

好,開估,敗家仔即係阿華田,原因係以前嗰個年代,要有田有地先有資本敗家,所以華田嘅暗號就係敗家仔!

5.「制水」

最後一個「制水」你又估唔估到係咩呢?!原來因為以前香港成日制水,所以當年將其中一道菜改名做「制水」。

呢個打大佬術語「制水」諗唔到啦呱!答案係 乾炒牛河,因為係乾炒,唔使用水都煮到!

學咗以上幾個茶餐廳術語,下次去茶餐廳就可以講暗號啦!

延伸閱讀:

魏焌皓疑鹹豬嘴女星 4月被TVB解約

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
東張西望