38歲葉翠翠三年抱三 剖腹產子誕9磅大隻B

撰文：東方新地 │圖片：葉翠翠IG

38歲葉翠翠三年抱三

2005年港姐冠軍葉翠翠2015年7月嫁建築公司董事周曉東(Raymond)，之後三年抱兩，前年四月誕下囝囝周津羲(Jake)，去年元旦誕下二仔Triton，今天再入院開刀誕下第三胎，母子平安，翠翠稍作休息後在IG上公佈喜訊。

葉翠翠上載與三王子的合照 ：「人生又再一次踏入另一個階段。。在沒有思想準備之下，他來到了這個世界。比預期早了10天已經接近9磅，如果10天後相信會9磅幾。。成個過程太快了。。聽到喊聲之前，聽到醫生話 『嘩！好大隻呀』這次整個懷孕期真係百感交集，無論是自己或是周遭都遇到好多波折。。希望。。平平安安。。。」網民紛紛恭喜翠翠，「三王子好靚仔，好似爸B」；「三王子好強壯，一定喊得好大聲」。

葉翠翠開刀誕9磅小小王子

翠翠留言：「感謝大家的愛護，小小王子來到我們的家庭了！9磅，非常健康！生產過程順利，聽到小小王子的嘩嘩哭聲真的好感動。。 入到產房非常緊張，一直抖震，好緊張，一心想住小王子和小小王子，時間好快便過去。。 現在可以好好休息了。。」

葉翠翠陀B八個月影孕照 肥肚不肥身

陀住第二胎的葉翠翠，今年4月到影樓拍懷孕寫真，她留言說：

「昨天影的大肚相，以美，簡單為主！好想告訴大家，懷孕都一樣可以保持得好好，只要參考我的方法，大家都可以做到！

這一切都是保養得來的，沒有天生麗質這四個字，每天都非常努力嘗試新方法，再同大家分享的，長胎不長肥肉已經成了口號！
第一輯大肚相，小王子初生相，家庭相，現在到了第二輯大肚相都是同一位攝影師！翠翠粉絲有優惠 package。
小王子仲未出場，我知道大家好想睇佢 昨天忙了一整天，小王子半夜 3:30am 醒左，要餵食粥仔，今天真的超級累，要休息一下。。。」

葉翠翠早前貼超聲波照，她說：「 今天去了婦科檢查，有好消息！胎兒比正常週數大了一點，頭仔大了12天，肚腩大了10天，大腿長了15天，醫生說陀得好好！ 各位準備懷孕或懷孕媽媽，真的可以參考我的分享，雖然我不能說究竟是那一個環節起了作用，但只知道我的秘方的而且確係對胎兒有幫助！」

翠翠早前喺復活節親自幫小王子剪髮，佢大讚囝囝非常乖，全程安靜乖乖，未開始之前還以為會扭計，點知非常配合！

葉翠翠：就快生點搬？

葉翠翠話希望再添多個囝囝：「老公鍾意仔，話可以陪他玩。生女會擔心啲，依家有啲女仔12歲就話拍拖，好驚。如果生女，日日都要接佢返學放學，所以生仔會較放心。」不過早前翠翠狂呻鄰居多年來製造噪音，忍無可忍情況下，惟有報警求助，葉翠翠指對方「每早製造噪音，管理處勸喻，警察勸喻，全部無效，反而變本加厲！」

每晚失眠

葉翠翠話自己住喺呢個單位八年以上，以往從來未試過投訴，但今次實在忍無可忍：「每早小王子都比(畀)噪音吵醒，非常影響他的心理生理發展，做媽媽非常內疚，什麼也做不到，導致我出現抑鬱症和焦慮症，並且每晚失眠⋯⋯」又話：「我地(哋)好想搬屋，但我就快生點搬？帶兩個奶樽走？搬去服務式公寓，大公主點算？點解要咁對個大肚婆⋯⋯」網友都好為佢憂心，希望事件可以盡快得到解決，唔好影響到BB健康！

孕媽葉翠翠 趕追女

選擇於元旦日公佈成功陀二胎喜訊，實情翠翠同老公9月做人成功，等足三個月至敢向外公佈。據悉陀住小王子時過程舒服又順利，比起今次陀二胎完全係兩極，經常疲勞見暈甚至曾出現休克症狀，所以翠翠三個月來極度小心，為安胎唔敢接job，仲臥床足足兩個月。

疲勞過度險休克

本刊致電翠翠，當事人亦承認第二胎的確比起上次懷孕事狀況連連：「我陀第一胎時一直好多嘢做，生完又冇足夠休息，好似冇嘢，但係再懷孕事就發覺現晒形。成日見暈，有一次仲覺得想休克，好彩個人喺屋企……我有睇醫生，話係疲勞過度血壓低，所以俾自己喺屋企抖咗兩個月、唔敢接工作，更加唔敢抱個仔，直到過咗三個月胃口同精神至慢慢精神番。」話就話唔接job，不過成功再懷孕，FB立即湧入海量訊息詢問懷孕秘技，卧床兩個月一樣冇停手：「真係有好多想懷孕或者不幸小產inbox我，佢哋的確需要幫助，可以做到我都好樂意分享資訊。呢個階段未知道係仔定女，其實仔女我都冇乜所謂，老公又冇俾壓力我。(再陀B有冇獎勵？)梗係冇啦！我生第一個都冇獎勵吖！我老公唔興呢啲，生日同紀念日唔提都一定唔會有禮物收。不過識佢第一日已經係咁，重點係只要我出到聲，佢係半夜兩點都會出去買雪糕俾我嗰種人囉！」