蔣怡公開野性大肚寫真 賀第二胎提早出世！

撰文：東方新地｜圖片：蔣怡facebook

蔣怡囝囝提早出世

現時41歲的蔣怡（Coco）婚後已育有一名現時4歲多的女兒翁容，最近更剖腹生下第二胎，據知今次兒子比預產期提早出世，並重5.2磅，並尚未為囝囝改名。早前，Coco於個人社交網分享囝囝出世後首張初生相，相中見到B仔眼型同媽咪十分似，而且更擁有雙眼皮！

蔣怡公開囝囝寫真

同時，Coco亦公開了囝囝的寫真相，見他於籃中睡覺，手仔腳仔長長，該是遺傳得媽媽的模特兒身型！

蔣怡野性大肚寫真

另外，Coco隨後更公開了自己陀B時拍下的大肚孕照，接近全裸的她更與蛇、蜥蜴等動物合影，又走到海灘和樹林取景，以呈現原始及野性美感，簡直非常大膽及創新！

曾為模特兒的她與蛇合影，擺出無懼表情之外，更能呈現美態，實為高難度之作！

從寫真照中可見，大住肚的Coco手腳非常纖幼，毫無水腫情況，同為索爆靚媽一名！

Ana R.大哂索爆大肚相

同為模特兒嘅Ana R.陀住第二胎，公開咗一輯大肚寫真相，唔知係咪同好友Jessica C.(JC)心有靈犀，臨盤在即，同樣影咗一輯性感大肚照留念，大多照片都係只披薄紗上陣！

Ana R.或僅以薄紗護胸，見佢手腳依然纖幼！

表情cool cool地，但依然眉羽間仍表露出自然美，型格之餘，亦帶美感！

唔望鏡頭影相嘅Ana R.依然靚靚！

其中一張相，Ana R.僅以外套上陣，更中門大開，性感程度拍得住好友JC！

好友Jessica C同樣佗緊第二胎

名模JC亦同為老公安志杰佗緊第二胎，之前就為慶祝自己生日，放出自己嘅大肚照。

JC嘅大肚照則以黑白色為主，有別於一般色彩鮮豔嘅照片，非常有特色！

安志杰哂六舊腹肌 影一家四口照

而老公安志杰亦同時放出一張一家四口嘅相，相中可見以內衣及內褲上陣嘅JC露出巨肚，躺在有六舊腹肌半裸嘅安志杰懷中，而女兒Tessa則輕撫着媽咪個肚，非常溫馨～

而另一張則係老婆JC緊緊抱住女兒Tessa，望落女兒同媽咪都有幾分相似，一樣係個美人胚。

近日，JC又再多放兩張大孕相，相嘅風格同之前都有啲似。

其實，點解兩位名模大肚都可以仲咁索？相信好多人都會好羨慕！