兄弟大茶飯

《兄弟大茶飯》黃腔去到盡 蕭正楠炮製「大鵰」飯!

最新娛聞

廣告

今個星期一首播嘅最新TVB節目《兄弟大茶飯》,於逢星期一至五晚上十點半播出,由曹永廉與蕭正楠做主持,好默契嘅兩人瘋狂踩線互窒開黃腔,抵死搞笑嘅主持風格獲得觀眾好評!人緣好嘅阿廉阿蕭今次會為唔同劇組嘅朋友親自下廚,慰勞吓一眾台前幕後嘅工作人員。喺第三集蕭正楠就索性踩上橫店,探訪拍緊劇嘅胡定欣、姚子羚同曹永廉,但阿蕭煮咩搞到放埋條「大鵰」度煲飯咁大犧牲!

撰文:東方新地 | 圖片:節目截圖

蕭正楠抵死主持美女廚房 原來都煮得兩手

節目《兄弟大茶飯》就以二人咩餸菜都要親自煮,以誠意慰勞一眾勞苦功高的台前幕後工作人員為賣點。得悉曹永廉身處橫店拍攝《包青天再起風雲》,今次蕭正楠就帶埋余思霆與多個電飯煲踩上橫店,實行為劇組炮製一餐思鄉飯煲餐!平時蕭正楠喺美女廚房串人就串得開心啦,但原來佢又真係煮得兩手好餸咁喎!

視后都照串 阿廉笑胡定欣係阿婆

兩人煮好飯就開檔招呼一眾劇組朋友嚟開餐啦!為咗俾個驚喜好朋友,阿廉仲親自扶住閉哂眼嘅胡定欣去檔口,不過把口就唔收,串胡定欣係阿婆!之後仲話胡定欣老,要補充骨膠原!

胡定欣差哂腰咁,真係冇佢咁好氣啊!不過都睇得佢哋幾個都真係幾老友先敢咁講笑嘅!

蕭正楠串曹永廉拍劇為錢冇理想

食到一半,蕭正楠講起上嚟橫店煮大餐都唔容易,曹永廉就當然要串吓佢話蕭正楠都有收演出費㗎嘛!但蕭正楠就串番曹永廉話佢拍劇為錢冇理想啊!年輕人,係咩驅使你啊?

蕭正楠炮製大鵰飯!

呢個餸就勁啦,大家估下係咩名堂?

答案係橫店版「雜菌意大利飯」!胡定欣就笑係咪跟阿廉Size整,蕭正楠就串話唔知姚子羚食開咩size啦!

姚子羚都開口反擊

姚子羚最後都忍唔住串阿廉口臭,但其實佢都係感動嘅!

2017年奪「最受歡迎電視拍檔」

阿蕭阿廉不嬲Friend底,上年仲憑《超時空男臣》同埋何廣沛,喺《萬千星輝頒獎典禮2017》,齊齊攞咗「最受歡迎電視拍檔」獎添!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!