黃心穎

黃心穎怕馬明睇到節目被嚇走 蕭正楠建議如何留住男友

最新娛聞

廣告

前晚,藝人龔嘉欣(Katy)以嘉賓身份亮相無綫節目《美女廚房》,並與陳凱琳及黃心穎各自炮製雪蟹菜式。對於平時喜歡下廚的嘉欣,煮起餸嚟有板有眼,名副其實入得廚房,又出得廳堂,最後更獲封「美女廚神」,網民都大讚嘉欣!相反,黃心穎就被網民封「地獄廚神」,她並笑稱有意娶她的人唔好睇個節目。

撰文:東方新地|圖片:youtube截圖、instagram-龔嘉欣黃心穎

龔嘉欣下廚有板有眼

前晚播出的《美女廚房》,龔嘉欣以嘉賓身份參與,並要炮製雪蟹菜式。聽落好似好難煮,但對於平日愛下廚的嘉欣,由魚缸拿起雪蟹時,已見其手勢純熟,甚至到斬蟹腳及用刀柄剁蟹鉗等步驟,亦同樣難佢唔到!

龔嘉欣煮起餸嚟有板有眼,功架十足,相信味道亦唔會差得去邊!名副其實入得廚房,又出得廳堂,唔少網友睇完都大讚嘉欣絕對娶得過,一定嫁得出!

黃心穎將蝦煮到有雞味

另外,黃心穎最近出席劇集宣傳活動中,提到首集《美女廚房》中,有份下廚的心穎竟然將蝦煮到有雞味,她則笑說:「呢啲係撞出嚟嘅天分,自己煮嗰陣不停偷望隔籬嘅龔嘉欣,最後我竟然有第二名,已經好滿意,節目播出街已經有唔少人話想食我煮嘅嘢。」

蕭正楠替馬國明擔心

不過,被網民封「地獄廚神」的黃心穎就笑言無意進修廚藝,而同日出席劇集宣傳活動的蕭正楠就笑指替馬國明擔心:「建議心穎不要煮東西給馬國明吃」。

當提到網友對節目有唔少負評,心穎就表示自己亦有留意,並指:「新節目要時間Warm up,直接比較唔太公平嘅。」

黃心穎怕嚇走馬國明

睇落唔太介意被稱「地獄廚神」嘅心穎就喺個人社交網度留言,直指:「煮嘢白痴都可以闖出一片天!大家好、我係煮咩都有雞味嘅地獄廚神! I tried… (麻煩有意娶我嘅人唔好睇喇)」,似乎係唔想男友馬明睇到佢煮餸咁喎。

 

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!