袁彩雲5歲大囡囡似足媽咪網友勁讚：一樣咁靚！

袁彩雲5歲大囡囡似足媽咪

袁彩雲自嫁給加拿大籍飲食業華商Anthony Kong後，一直定居於溫哥華。日前，囡囡Alycia話咁快就5歲生日，袁彩雲早前就帶埋囡囡出席珠寶展覽，見到42歲的袁彩雲一頭清爽短髮加露膊格子連身裙，望落好young！

Alycia雖然年紀小小，但亦開始識得學擺甫士，影相時輕輕拉起裙兼腳尖提起，勁cute！

依家5歲的Alycia同媽咪一直感情要好，兩母女更不時孖公仔般暢遊外地，耐唔耐就會去下旅行，早前曾到意大利及回家鄉德國，生活非常寫意！

雖然囡囡得5歲大，但已經長得有媽咪一半咁高！

已經5歲大的囡囡Alycia就同媽咪一樣，擁有美人胚子，有時更表情多多！

於德國出世及長大的袁彩雲五官標緻，加上精通5種語言，於1996年的香港小姐選舉中奪得季軍及國際親善小姐，隨之入行拍劇及做主持。袁彩雲於2006年在加拿大工作期間認識飲食商人Anthony Kong，拍拖3年後結婚。

婚後，袁彩雲做個跟得夫人，與老公移居加拿大，其於2013年誕下囡囡Alycia。

袁彩雲與老公人Anthony Kong低調拍拖3年後，成功開花結果，她曾於訪問中表示老公為人老實，但不浪漫，是個「不合格的情人，超讚的丈夫！」認真sweet爆！

袁彩雲雖移居加拿大，但亦有抽空回港與一眾圈中好友歡聚，依家各人均各自成家立室兼有小朋友。

據知，現年42歲的袁彩雲一直有keep住做運動，除咗跑步同瑜伽外，仲有營養師度身訂造健康餐飲！難怪她可以keep住靚靚！

她曾上載與愛女一起跑步的相上網，留言指囡囡雖然年紀少，但跑得如大人般快，仲笑指自己差點趕不上Alycia！

袁彩雲曾於個人社交網分享自己小時候的舊相，見到小學四年級時的她與依家的樣子真的分別不大！

袁彩雲曾為氹囡囡開心，於Alycia生日會中扮Minions，非常有童心！