譚嘉儀著三點式露腰唔晒線 網友不滿：拎走個…
廣告
夏天，除咗係各位美女晒美腿嘅時間外，亦係大家騷身材嘅好時機！近日，歌手譚嘉儀就趁住仲未落大雨，一於出海游下船河，點知著起泳衣嘅佢就竟然唔晒事業線之餘，仲好有機心咁搵樣嘢遮住！大家估下佢用咗咩遮個心口！
撰文：東方新地｜圖片：譚嘉儀Instagram
譚嘉儀出海玩水
歌手譚嘉儀向來打扮密實就出哂名，不過就點都估唔到佢竟然出海著三點式都要特登遮住條事業線！日前，佢就同友人一齊出海，玩下水哂下太陽。不過，譚嘉儀就喺自己個人社交網首先唔係晒泳衣相，反而係影住自己對腳及表示自己玩噴射衝浪好赲。
譚嘉儀著三點式露腰唔晒線
隨後，譚嘉儀先post出自己著白色三點式嘅相上網，正當以為有嘢睇嘅時候，偏偏佢就一手拎住隻杯，仲放正喺自己個心口前面，明顯就唔想俾大家睇到大家想睇嘅地方，呢招認真蠱惑！
譚嘉儀仲留言hashtag同大家講：「#大家唔好討厭個杯啦」大家淨係睇到佢條小蠻腰就梗係唔收貨啦，網友於是留言叫人拎走隻杯！
睇番譚嘉儀之前post嘅泳衣相，原來佢都唔係第一次用呢招遮心口，之前佢就試過用菠蘿外型嘅樽遮住。
次次都搵到樣嘢遮住個心口，相信唔少人都想知譚嘉儀幾時先會大方騷下事業線！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
關鍵詞
譚嘉儀
