威威

威威出密實袋限量版閃卡驚現炒價 網民:好趕客,即時唔想買

最新娛聞

廣告

早前有連鎖快餐店推出《青春本我》聲夢閃咭套餐,一度出現疑似「滯銷」情況,近日有網民分享荃灣豬肉檔威威(劉宋威)限量100張嘅閃咭,對該品牌產品銷情有冇幫助呢?

豬肉威 威威 威威好識冧粉絲。
荃灣豬肉檔威威(劉宋威)早前因貌似MIRROR成員AK突然爆紅,近日更推出限量閃咭。(圖片來源:IG@waiwai_608)

威威出限量閃卡影硬照keep形象戴口罩

近日,有網民喺Facebook分享一張威威閃卡,從閃咭可見,著上深藍企領恤衫嘅威威影硬照時冇除罩,擺出招牌俾心手勢,張咭左下角更印上威威燙金簽名,品牌似乎係想打師奶市場。再睇真少少,原來係魏浚笙(Jeffrey)前排代言過嘅密實袋品牌。據知,威威閃咭只限量送出100張,要喺6月參加官方估豬肉重量有獎遊戲,最接近答案重量嘅頭100位參加者先有機會獲得,不過該帖文現已刪除。

威威 荃灣豬肉佬威威劉宋威)推出限量版閃咭。
荃灣豬肉檔威威(劉宋威)推出限量版閃咭。(圖片來源:Facebook@荃灣鮮肉威威應援團)
威威 魏浚笙Jeffrey)前排都代言過呢個品牌。
魏浚笙(Jeffrey)前排都代言過呢個品牌。(圖片來源:IG@jeffreyngai)

拍賣網$xx有成交 網民唔睇好:賣廣告趕客都係第一次見

威威出閃咭,威威豬當然好受落,不過廣大網民就唔係咁睇喇。拍賣網有人只係以$15標價轉售威威閃咭,睇嚟限量100張都炒唔起,而討論區有唔少留言話威威戴口罩影廣告硬照似足「口罩小姐啲fd」,又話「影硬照都要戴住個口罩」,留言下仲有回應「除咗個罩咁趕客,咪玩啦」,甚至直指該品牌今次推廣活動失策「見到張咭反而唔x想買」、「嘩x,賣廣告咁趕客都係第一次見」。

威威 拍賣網有人以$15標價轉售威威閃咭,睇嚟限量100張都炒唔起。
拍賣網有人以$15標價轉售威威閃咭,睇嚟限量100張都炒唔起。(圖片來源:Carousell截圖)
威威 網民留言話威威戴口罩影廣告硬照似足「口罩小姐啲fd」。
網民留言話威威戴口罩影廣告硬照似足「口罩小姐啲fd」。(圖片來源:連登討論區網站截圖)
威威 威威出閃咭,威威豬當然受落,不過有網民就唔係咁睇喇,話「見到張咭反而唔x想買」。
威威出閃咭,威威豬當然受落,不過有網民就唔係咁睇喇,話「見到張咭反而唔x想買」。(圖片來源:連登討論區網站截圖)

同場加映:威威「找數」 紋身答謝忠粉

威威(劉宋威)早前透露搵咗紋身師傅設計「威威豬」紋身紀念一班Fans厚愛,星期日(7日)就有粉絲發現威威真係有將「威威豬」紋到上身,仲擺埋相上Facebook,照片中可見紋身位於手袖對落位置,遠睇會似一條鎖鏈,近睇先會見到一隻隻唔同表情嘅可愛豬仔樣。

威威 豬肉威
(圖片來源:Facebook@荃灣鮮肉威威應援團)

網民踢爆威威豬紋身涉抄襲:一望就知係淘寶貼紙款

豬肉威「找數」後有忠粉好受落,同時亦有網民表示唔收貨,更留言話「姪女一望就知係淘寶貼紙款」,仲附上原創LuLu豬貼紙俾大家進行比對,擺明要踢爆呢款紋身係抄襲作品。

豬肉威 有網民踢爆「威威豬」紋身涉抄襲。
有網民踢爆「威威豬」紋身涉抄襲。(圖片來源:Facebook@荃灣鮮肉威威應援團)

威威首次「除罩」示人 最擔心笑得唔好睇

第一次在鏡頭前「除罩」演出,威威直言初期面對鏡頭比較生硬害羞:「在脫下口罩後,大家不再只看著我的眼睛,更要兼顧笑容。剛開始時我還是有點不習慣,而且有點怕醜…腦海中常常想很多:『我這樣笑好嗎?要露齒嗎?不笑的話眼睛要看哪裡?』想太多的話便令效果不太好。幸好導演和工作人員們都對我十分有耐心,導演亦給予很多不同的指導,令我慢慢習慣在鏡頭前的感覺。真的十分感謝他們的耐心和教導。」

豬肉威 威威 得悉拍攝時要除下口罩,威威坦言感到緊張萬分。
得悉拍攝時要除下口罩,威威坦言感到緊張萬分。(圖片來源:廣告商提供)
豬肉威 威威 威威笑言太太對他今次「除罩」演出,竟比他更著緊:「老婆常常提醒我剃鬚剃乾淨啲,笑我平常因為戴口罩懶剃鬚。」
威威笑言太太對他今次「除罩」演出,竟比他更著緊:「老婆常常提醒我剃鬚剃乾淨啲,笑我平常因為戴口罩懶剃鬚。」(圖片來源:廣告商提供)
豬肉威 威威 威威在廣告中做回老本行分割豬肉,展現出強勁的臂力。
威威在廣告中做回老本行分割豬肉,展現出強勁的臂力。(圖片來源:廣告商提供)

荃灣威威曾被流出真面目 淚眼自拍回應 「古惑仔」指控

荃灣豬肉檔威威劉宋威因為一副明星相而一夜成名,早前大搞生日會畀奶師粉絲熱捧,仲成為廣告界新貴,job接job豬籠入水!不過威威人紅是非多,不斷被網民翻出黑歷史,繼早前爆出疑似做傳銷,又被爆狂串MIRROR同COLLAR。近日再有網民公開一張10年前的威威舊照,指他曾經撈偏以及玩過好多女人?面對種種負面抨擊,阿威自拍回應 !

荃灣ak豬肉威威 威威生活照。
威威最近在社交網非常活躍。(圖片來源:IG@waiwai_608)

威威做豬肉切割員前係古惑仔?

近日網上討論區有人貼相爆料,指荃灣豬肉檔威威曾經是古惑仔一名。網民紛紛留言和應「睇佢頭髮同紋身都估到了」、「紋哂身,知咩料la」、「炸到咁唔通正經人家咩」同時亦有網民指出「我有朋友識佢之前個女友,話佢唔係好人,撈開古惑…之後先轉行切肉」、「條友玩過好多女人」。更有網民質疑威威可能兩個身份同時擁有,又係古惑仔又係豬肉分割員。

荃灣ak豬肉威威 網民貼出威威疑似黑社會的相片。
網民貼出冇著上衫疑似威威與性感打扮女士的合照。(圖片來源:LIHKG討論區截圖)

不過部份網民力撐威威,覺得佢「曾經學壞」依家「從良學番門手藝養家」故事好感人,好欣賞佢。亦都有網民覺得「浪子回頭金不換」。

豬肉威 威威 又有網民於威威的黑粉專頁爆料激動指威威話自己唔係古惑仔之說法係講大話!指事實係威威係跟新x安,仲爆埋威威的大佬名同兄弟名出嚟,亦指平時啲人叫佢劉宋,唔係叫威威 。
又有網民於威威的黑粉專頁爆料激動指威威話自己唔係古惑仔之說法係講大話!指事實係威威係跟新x安,仲爆埋威威的大佬名同兄弟名出嚟,亦指平時啲人叫佢劉宋,唔係叫威威 。(圖片來源:Facebook@除罩威威留餸區)
豬肉威 威威 網民恕斥威威唔好再扮暖男,指佢一腳踏幾船,就連威威嫂的朋友都知?!
網民恕斥威威唔好再扮暖男,指佢一腳踏幾船,就連威威嫂的朋友都知?!(圖片來源:Facebook@除罩威威留餸區)
豬肉威 威威 網民疑似遭威威封鎖
網民疑似遭威威封鎖(圖片來源:Facebook@除罩威威留餸區)

威威拍片淚崩回應

純情暖男形象幻滅!16日晚上威威終於忍唔住要出片澄清,仲要講講吓哭了?!劉宋威於ig及Facebook出自拍片回應,表示近日收到好多唔少的報導,當中包括好多負面的說話,「話我唔係好人、話我係黑社會」,劉宋威作出以下澄清:

首先我要澄清返,我只係一個普通屋邨成長,基層出生,亦唔係大家所講的黑社會⋯⋯

點解喺屋邨長大就係黑社會?點解有紋身就唔係好人?就要俾人歧視?

點解我自己的事業去賣豬肉,揸把刀就要去斬人哋?

劉宋威又說,之前聽好多人講「人紅事是非多」,實會俾人攻擊,如今自己親身感受到,說到這裡威威還未講完,已經哽咽講唔到落去咁,最後更流出眼淚表示「我會繼續努力,做好自己,多謝大家!」

豬肉威 威威 含淚反問為何有紋身就是罪。
含淚反問為何有紋身就是罪。(圖片來源:FB@ 威威 劉宋威)
豬肉威 威威 一分鐘的影片,講出眼淚來。
一分鐘的影片,講出眼淚來。(圖片來源:FB@ 威威 劉宋威)

威威疑似做傳銷

近日有網民爆出一張疑似威威的照片,照片中該男士拎住一枝黑色產品自拍,眼利網民即指出拎呢支產品影得相就係做傳銷工作,仲指做得傳銷就無個好人。跟住網民仲搵出呢支產品功效神奇,「呢支嘢癲架,佢哋講到噴胸會豐胸,噴頭會生髮,噴臉會瘦臉,講到支嘢萬能有智慧識得知你噴緊邊。」有網民就話職業無變「咁以前職業都係劏豬,但就係劏港豬囉」「傳銷傳到做明星,好勵志,銷佬又可以宣傳」「唔怪之得唔除罩,原來做傳銷」「總之建華啲馬仔一律唔當好人」不過有網民就力撐威威「咁又點?要佢受網络公審?改過自身,己屬好事,何必要揭他瘡疤,人誰無過,豁達啲,睇開啲!放個過人,亦饒恕自己」

荃灣ak豬肉威威 疑似威威做傳銷相片。
疑似威威做傳銷的相片。(圖片來源:LIHKG區截圖)
豬肉威 威威 威威每次出席公開活動都有大班女粉絲追捧。
威威每次出席公開活動都有大班女粉絲追捧。(圖片來源:IG@waiwai_608)

豬肉威威幕後大勢力係咩人?

早前被YouTuber大爆威威由某集團背後操控,威威仲開直播爆喊⋯⋯詳見:威威被網民狂改圖

愛回家》Terry扮豬肉威威暗諷素人爆紅內幕?

早前《愛回家》播出有一集的劇情講述Terry由「豬肉路人甲」變萬人迷⋯⋯按此即看:豬肉威威登場劇情暴走

撰文:東方新地圖片來源:IG@jeffreyngai、Facebook@荃灣鮮肉威威應援團、廣告商提供、YouTube@Life Nutrition、FB@威威 劉宋威、IG@waiwai_608、LIHKG討論區截圖、Facebook@除罩威威留餸區、Carousell截圖