貝依霖

貝依霖中學時被挑機打到人爆缸 對方出陰招勁無陰公!

最新娛聞

廣告

話說,貝依霖(Chantale)早前於節目中爆出自已細個時曾遭父親家暴。日前,Chantale再於另一節目大爆中學時曾見證多次校園暴力外,更被人由校裙後面條拉鏈由頸到屁股,被人望清光!究竟成件事係點?

撰文:東方新地|圖片:電視截圖、instagram

貝依霖中學時被挑機打到人爆缸

日前,ViuTV節目《晚吹:女學生·吹水班》就搵嚟貝依霖(Chantale)做女嘉賓,大談Chantale中學時期嘅事,例如一開波就大爆自己成日拎零分。

撩是鬥非 打交打到出動警司警誡

由於Chantale中學時就讀Band 5學校,故見盡唔少打架、吸毒等事,如「入面又打架、出面又打架」,而佢自己亦曾因為打架而需要被警司警誡!

之後就話自己中一入開學第一個星期,就被某高年級生指其態度有問題,「好寸,要接放學」,對方聲言要單挑對打!

被揭裙仲要無打底

Chantale表示之後就去咗空地:「當時我著一條夏季校服裙,無打底,裙後面條拉鏈由頸到屁股。我都未ready,佢就拉我拉鏈,當時真係好多人望住,我好嬲!」

不過,Chantale都唔弱,仲話打算攻擊對方頭部,點知對方「唔小心撞落渠蓋,結果個頭就流晒血嘞。」雖然對方爆哂缸,但Chantale反而話自己當時一啲都唔驚,皆因「佢撩我先,驚咩?」

「中學有更多選擇」 最大年紀男友33歲

除咗打架,Chantale亦都喺節目提到拍拖,笑言:「中學之前都有puppy love,但中學就有更多選擇,其中一個最大嘅男朋友係33歲。」

雖然對方年紀大一截,但Chantale就話對年紀唔太介意,因為「成熟有成熟嘅吸引,例如對方條件好,會照顧得你好好,年輕就會激情啲,做嘢衝動但會不時有驚喜。」

講到底,Chantale有樣有身材,又真係唔洗擔心冇人追嘅~

貝依霖爆童年慘遭受家暴經歷 「佢打到我爆晒缸!」

最新一集《為何深夜總是餓》中,杜汶澤同性感索女貝依霖(Chantale)就為大家炮製四川菜「干煸四季豆」。不過,緊係唔係同大家講點煮,而係兩位主持喺煮餸期間,Chantale意外揭露自己嘅童年嘅悲慘經歷!

撰文:東方新地|圖片:影片截圖、貝依霖Instagram

貝依霖爆童年慘遭受家暴經歷

話說,最新一集《為何深夜總是餓》煮四川菜,而杜文澤就問起女主持Chantale嘅婆婆係四川人,之後就揭開Chantale嘅一段悲慘童年經歷!

Chantale就講到自己細個時居無定所,「我婆婆係四川人,佢有湊過我一段時間,有一、兩年,因為我屋企人唔係點湊我。即係可能揼下去阿婆嗰度,揼下去同學度,揼下去阿嬸度,咁樣大㗎。」,更直言自己好憎父母。

Chantale之後就解釋自己憎父母嘅原因除自小冇點照顧佢之外,原來爸爸更會出手打Chantale,仲會打到爆晒缸。

除咁將十幾條藤條綁埋一揸打,更會用玻璃煙灰缸扻落個頭度,唔係當時人講,隨時以為係大台劇嘅劇情!

被家暴原因

至於點解會不時被爸爸打,Chantale就指因為爸爸更年期,加上後來生意唔好,同時亦因為爸爸覺得個女腳頭唔好,所以特別唔鐘意Chantale!

而聽到Chantale經歷嘅阿澤原來都有經歷類似情況,表示自己爸爸好賭之餘亦愛嫖,輸錢返到屋企就會對家人郁手郁腳。有次面對咁嘅情況,當時年紀少少嘅阿澤就話:「我喺廚房攞把刀出嚟,五年班,我話你唔好再郁手啦」,結果杜爸爸好驚之後離開。當然,攞刀對住人嘅行為絕唔鼓吹,皆因太危險!

呢集出街後,唔少網民隨即留言,為Chantale細個時曾遇家暴感到難過。

另外,亦有網民留言指自己身同感受,皆因細個時嘅經歷就同Chantale一樣。

即時回顧:

杜汶澤 貝依霖主持《教育電視》

呢個二次創作「教育電視 ETV」嘅片頭真係冇得輸!

阿澤心中嘅絕世好Bra

幫貝依霖度上圍

貝依霖試戴「全世界最易除嘅Bra」

阿澤個概念就係個Bra一定要簡單易除,所以用上胸前綁絲帶嘅設計,之後當然係由貝依霖做model示範啦!

阿澤親手拆禮物……

拆禮物失敗!

42L沖田杏梨

之後阿澤分享自己人生見過最大嘅女性胸部,係42L!就係拍《豪情3D》嘅日本女優沖田杏梨!

竟然見過「N Cup」?

點知高處未算高,設計師哥哥話佢竟然見過「N Cup」,係一位啱啱有BB嘅媽媽!

街訪之目測貝依霖個胸幾大:

睇片:

杜汶澤私人女秘書莊端兒

杜汶澤早排聘請一位擁有導彈級身材嘅莊端兒做私人女秘書,同時亦喺資訊性live節目《壹鳩大事回顧》中出現。當時,杜汶澤仲驚自己老婆阿田會對呢位新秘書有意見,皆因莊端兒名副其實係個double may!

貝依霖疑似露乳暈

有見及此,貝依霖可能眼見勢色唔對路,於是最近就出招為自己喺老闆杜汶澤心入面搶番啲分,嚟招露點點!從相中可見,貝依霖疑似露乳暈!

View this post on Instagram

We are ready ……

A post shared by 🎥杜汶澤喱騷 Chapman To’s Late Show (@chapmantoslateshow) on

結果,相一出就引嚟唔少網民嘅注意及紛紛留言,而貝依霖就澄清自己冇露暈,只係個bra嘅lace,指大家誤會咗。

貝依霖示範日式綁縛

《杜汶澤 喱騷》好睇在夠出位,內容夠爆,早排阿澤喺FB上載幾張節目照,見到貝依霖著上一件類似忍者服的超性感裝束,露出成對白滑大腿同遮都遮唔住的逼爆上圍,更被阿澤綁起吊高!阿澤仲搞笑留言話:「就快又到端午節嘞!為咗應節,我決定要去學紮糭,適逢阿貝依霖佢呢排好似有啲曵曵豬…….所以一於當佢咸肉糭咁紮!」

腿張開 無得輸

原來係節目請來繩縛師Rika彌紗示範日式綁縛,阿澤和貝依霖都有輪流做示範,不過相信觀眾都無專心聽講解㗎啦,因為雙眼根本離唔開貝依霖副Body!豐滿上圍不停在鏡頭前搖擺,一雙有肉地的白滑大腿被紮起,情色感爆燈!

貝依霖有舖露股癮

其實貝依霖都作風出位都唔係咩新鮮事,仲向來有舖露股癮,之前都試過好幾次喺社交網晒靚股,睇到男士們流晒鼻血!

鋼管舞女神

其實貝依霖早年參加内地節目《Hello!女神》後一炮而紅,更加被稱讚外貌甜美,酷似林依晨,IG即時多咗唔少粉絲。Chantale不時都會上載大的跳鋼管舞照片同影片,跳鋼管舞誘人至極,果然係性感尤物!

23歲青春無敵

1994年出世的貝依霖現時只係23歲,青春無敵,有樣有身材,眼大大笑容甜美,希望將來有更多機會見到佢啦!

電影演學生妹

貝依霖去年喺《初戀日記:賤男蜜擾》亦有份演出,唔好睇Chantale着起校服上嚟斯斯文文,清純至極,其實劇中演出十分大膽!有一幕係着性感內衣喺床上勾引馬志威,仲喺身上綁紅絲帶要馬志威玩「拆禮物」,性感程度令人乍舌。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!