禁語

《跳躍生命線》羅天宇目擊吞槍被噴到成面血 原來係因為馬德鐘講咗禁語?

最新娛聞

廣告

無綫台慶劇《跳躍生命線》播出後一直受到網民熱烈討論,話說之前譚Sir (羅天宇飾)一出場跟嘅第一單Case就係目擊求助者吞槍自殺,一開頭就咁唔吉利,原來係因為麥在田(馬德鐘飾)講咗救護禁語?

撰文:東方新地 |圖片:電視劇截圖、劇照

羅天宇目擊吞槍被噴到成面血 原來係因為馬德鐘講咗禁語?

話說羅天宇一去到長沙灣局跟嘅第一單Case就係去「常客」槍械鋪老闆阿達(李啟傑飾)到,一去到阿達非常開心,原因係因為佢call車係想有人幫佢收屍,而出勤嘅人係佢比較熟悉嘅麥Sir。

不過麥Sir同譚Sir勸極都無用, 阿達都係決定吞槍自殺,譚Sir仲要近距離目擊成件事,啲血噴到成塊面都係。

觀眾一定會第一時間話:「嘩!大吉利是咩!第一次出Case就咁!」原來佢哋遇到呢啲事件係因為麥Sir講錯嘢?

據知原來「出車」係救護行內嘅禁語,救護員要出動時會講「去車」或者「走車」,因為「出車」多數用喺靈車上。

唔知大家有無睇過一位前救護員馬菲(筆名)寫嘅書叫《黑色救護誌》,入面寫咗好多救護行業靈異事。例如話唔可以正面抱起吊頸屍體,因為有一位救護員無戴口罩而面對面吸入咗屍氣,喺樓梯到嘔。又唔可以話屍體好重,死咗真係唔抵嘅說話。不過信則有,不信則無嘅,最重要係尊重傷者同死者!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!